64 Uppskot til ríkislógartilmæli um at seta í gildi fyri Føroyar ”lov om erhversdrivende fonde”
A. Upprunauppskot
Ár 2007, 20. februar, legði Bjarni Djurholm, landsstýrismaður, vegna landsstýrið fram soljóðandi
til
ríkislógartilmæli um at seta í gildi fyri Føroyar ”lov om erhversdrivende fonde”
Mælt verður ríkismyndugleikunum til at seta í gildi fyri Føroyar hjálagda uppskot (skjal 1) “Anordning om ikrafttræden for Færøerne af lov om erhversdrivende fonde”.
Almennar viðmerkingar
1. Bakstøði
Víst verður til felags viðmerkingarnar til uppskotini um at dagføra vinnufelagslóggávuna í uppskotinum til ríkislógartilmæli um at seta ársroknskaparlógina í gildi í Føroyum, sum samstundis er framlagt, løgtingsmál nr. 61/2006.
2. Galdandi lóg
Galdandi lóg í Føroyum um vinnurekandi grunnar er “Anordning nr. 247 frá 3. mai 1993 om ikrafttræden for Færøerne af lov om erhvervsdrivende fonde”. Lóg um vinnurekandi grunnar hevur til endamáls at áseta vinnurættarligu reguleringina av rakstrinum av fyritøkum, sum grunnar eiga, t.v.s. at juridiski persónurin er sjálveigandi.
3. Uppskotið
Hetta uppskotið verður lagt fram saman við uppskotunum um at dagføra ársroknskaparlógina, partafelagslógina, smápartafelagslógina og uppskotinum um at seta lóg um visse erhvervsdrivende virksomheder í gildi. Uppskotið hevur eins og tey uppskotini til endamál at dagføra lóggávuna soleiðis, at tær lógarbroytingar, sum gjørdar eru í Danmark, síðani lógin varð sett í gildi í Føroyum, kunnu verða settar í gildi her.
4. Broytingar eftir uppskotinum í mun til galdandi lóg
Eftir at lógin um vinnurekandi grunnar varð sett í gildi her í 1993, er lógin broytt í Danmark við hesum lógum:
L 1072 20.12.1995 lov om værdipapirhandel. Konsekvensbroyting av § 9 (er sett í gildi) orsakað av lov om værdipapirhandel.
L 377 22.05.1996 Lov om ændring af lov om visse selskabers aflæggelse af årsregnskab m.v. og forskellige andre love. Lógin viðvíkur foreinkling av roknskaparreglunum umframt freistir, 2. fasa viðvíkjandi lóggávuni um statslig partafeløg og um at lata dátur elektróniskt (elektronisk dataudveksling) o.a. Talan er um konsekvensbroytingar orsakað av broytingum, sum vórðu gjørdar í ársroknskaparlógini, og um at broyta fráboðanarfreistir soleiðis, at hesar verða tær somu í allari vinnufelagslóggávuni, og um presiseringar og justeringar av fráboðanarfreistum.
L. 386 22.05.1996 Lov om ændring af forskellige lovbestemmelser om umyndighed m.v. Konsekvensbroytingar orsakað av værgemålsloven, sum kom í staðin fyri myndighedsloven.
L. 449 07.06.2001 Lov om ændring af lov om aktieselskaber, lov om anpartsselskaber, lov om erhvervsdrivende fonde, lov om erhvervsdrivende virksomheder, lov om statsautoriserede revisorer og lov om registrerede revisorer. Konsekvensbroytingar orsakað av nýggju ársroknskaparlógini.
L. 246 27.03.2006 Lov om ændring af lov om aktieselskaber, lov om anpartsselskaber, lov om visse erhvervsdrivende virksomheder, lov om erhvervsdrivende fonde, lov om det europæiske selskab (SE-loven) og lov om Det Centrale Virksomhedsregister (Foreinklingar og lættar av umsitingarligum byrðum umframt broytingar orsakað av lættum viðvíkjandi grannskoðanarkylduni hjá ávísum smærri fyritøkum o.a).
Nógvar av broytingunum í lógini um vinnurekandi grunnar, sum framdar eru í Danmark, eftir at lógin varð sett í gildi her, standast av nýggju ársroknskaparlógini, sum kom í gildi í Danmark í 2002. Við nevndu L. 245 27.03.2006 varð ársroknskaparlógin broytt soleiðis, at tað vórðu veittir lættar viðvíkjandi grannskoðanarkylduni hjá ávísum smærri fyritøkum. Hesir lættar fevna ikki um vinnurekandi grunnar, sum sostatt hava grannskoðanarskyldu uttan mun til stødd.
Við L/226/2004 varð bústaðarkravið fyri nevndarlmir, stjórar og avtøkustjórar tikið av í Danmark, og skotið verður upp, at tað sama verður galdandi fyri føroyskar fyritøkur. Heldur ikki hetta fevnir um vinnurekandi grunnar.
Í yvirlitsformi eru broytingarnar eftir uppskotinum hesar:
§ 1, stk. 5, “industriministeren” verður broytt til “økonomi- og erhvervsministeren”.
§ 10, stk. 1, nr. 1, “årsregnskab” verður broytt til “årsrapport”.
§ 21, stk. 5 og stk. 6. Nýggjar ásetingar um rættin og skylduna (um ein nevndarlimur ynskir tað) hjá grannskoðaranum at luttaka á nevndarfundum, tá roknskapurin er til viðgerðar, og um framløgu av revisiónsprotokollini á nevndarfundum o.a.
§ 21 a, stk. 1. Nýggj áseting um skriftliga nevndarviðgerð í staðin fyri vanligan nevndarfund. Einhvør nevndarlimur kann tó krevja, at fundur verður hildin.
§ 21 a, stk. 2. Nýggj áseting um elektróniskar nevndarfundir í staðin fyri vanligan nevndarfund. Einhvør nevndarlimur kann tó krevja, at fundur verður hildin.
§ 24, stk. 2, sum er soljóðandi: “En moderfond skal løbende underrette dattervirksomheder om forhold, der har interesse for koncernens erhvervsvirksomhed som helhed. En dattervirksomhed skal endvidere underrettes om påtænkte beslutninger af væsentlig betydning for dattervirksomheden”, verður strikað.
§ 28 verður tikin av. Lov om erhvervsdrivende fonde, sum lógin í dag er galdandi í Føroyum, hevur nakrar tilvísingar til nakrar nærri tilskilaðar ásetingar í galdandi ársroknskaparlóg, sum skulu nýtast upp á vinnurekandi grunnar. Harumframt hevur lov om erhvervsdrivende fonde nakrar serligar roknskaparásetingar fyri vinnurekandi grunnar. Vinnurekandi grunnar verða beinleiðis fevndir av nýggju ársroknskaparlógini, sum samstundis verður sett í gildi, og sum savnar allar roknskaparreglur fyri rakstrarbúskaparligar roknskapir í eina lóg. Tær serligu roknskaparásetingarnar, sum í dag eru í lov om erhvervsdrivende fonde, verða stórt sæð fluttar yvir í nýggju ársroknskaparlógina, og verða tí tiknar av í lov om erhvervsdrivende fonde.
§ 29, stk. 1 verður “årsregnskab” broytt til “årsrapport”.
§ 29, stk. 3 og 4 fáa nýggja orðing: Galdandi: Stk. 3. Revisor skal være myndig. Revisor skal have bopæl her i landet, medmindre den færøske registreringsmyndighed undtager fra dette krav, eller kravet strider mod internationale forpligtelser eller mod bestemmelser, fastsat af industriministeren eller landsstyret. Stk. 4. Lovens bestemmelser om revisorer finder tilsvarende anvendelse på revisorsuppleanter. Nýggj: »Stk. 3. Revisor skal påse, om bestyrelsen overholder sine pligter til at oprette og føre bøger, fortegnelser og protokoller, samt om reglerne om forelæggelse og underskrivelse af revisionsprotokollen er overholdt. Konstaterer revisor, at de omhandlede krav ikke er opfyldt, skal revisor udfærdige en særskilt erklæring herom, der fremsendes til fondsmyndigheden. Stk. 4. Fratræder revisor, eller ophører revisionen på anden måde, inden revisors hverv udløber, skal revisor straks meddele dette til Erhvervs- og Selskabsstyrelsen.«.
§ 41 nýggj orðing í samsvari við nýggju ársroknskaparlógina um, hvørjar upphæddir kunnu nýtast til útlutan.
§ 53 a, nýggj áseting um, hvussu freistir skulu roknast.
§ 53, stk. 3. Nýggj áseting um, at Erhvervs- og Selskabsstyrelsen kann avgera, at skrásetingar hjá Skráseting Føroya skulu almannakunngerast í einum serligum registreringstidende og ella í edv-informasjónsskipanini hjá Skráseting Føroya (um ein tílík skipan verður stovnsett).
§ 56 a. Nýggj áseting um, at Skráseting Føroya kann avgera, at upplýsingar um starv, navn og bústað hjá stovnarum og leiðslu skulu síggjast í edv-informasjónsskipanini hjá Skráseting Føroya.
§ 57, ”industriministeren” verður broytt til ”erhvervsministeren”.
§ 58 ” Til dækning af udgifterne ved administrationen af denne lov skal de enkelte fonde betale en afgift, jf. § 60, stk. 2. Afgiften betales henholdsvis ved registreringen og ved indsendelsen af årsregnskab” verður tikin av.
§ 59, stk. 2, viðvíkjandi serligum kanningum, sum grunnamyndugleikin setur í verk. Tilvísingin í stk. 2 til roknskaparlógina verður strikað, og í staðin verða settar reglur um, at nevnd og stjórn skal lata kanningarmonnum upplýsingar o.a.
§ 60, stk. 1 og stk 2. Nýggjar ásetingar um, at brøv, úrrit og onnur skjøl frá grunnamyndugleikanum og Skráseting Føroya bæði kunnu vera í pappírs og í elektróniskum formi, eins og fráboðanir, roknskapir og onnur skjøl, sum skulu latast Skráseting Føroya, bæði kunnu vera í pappírs og í elektróniskum formi.
§ 61. Broytt orðing viðvíkjandi innliti í tað, sum er skrásett hjá Skráseting Føroya. Ùtgangsstøðið er framvegis, at tað er alment innlit.
5. Serligar viðmerkingar viðvíkjandi frávikum í uppskotinum til kongliga fyriskipan
§ 1, stk. 4, nr. 4: Er tillagað føroyska lóggávu.
§ 1, stk. 6, 1. pkt., Við tað at Føroyar hava egnan
§ 3, §5, stk 1 og 2, §6, skrásetingarmyndugleika, er
§ 5, stk. 1 og 2, § 6, skrásetingarmyndugleikin eins og higartil
stk. 1, § 7, stk. 3, § 10, settur inn alla staðir, har Erhvervs- og
stk. 5, § 11, stk. 1 Selskabsstyrelsen er skrásetingarmyndugleiki
og 2, § 12, stk.1, í danska lógartekstinum.
§ 26, § 29, stk. 4, § 34,
§ 37, § 42, stk. 3,
§§ 51-53, § 55 stk. 2,
§ 56, stk. 2-3, § 56 a,
§ 57, stk. 2-4, § 59,
stk. 5, § 60, stk. 1-3 og 5,
§ 61, stk. 2, § 62, § 63,
stk. 1 og § 64:
§ 4, stk. 1: Vinnurekandi grunnar kunnu eins og higartil brúka heitið “fond” ella “grunnur”.
§ 6, stk. 3: Ásetingin er ikki tikin við, við tað at lóg um grunnar og ávís feløg ikki er galdandi fyri Føroyar.
§ 9, stk. 2 og § 21, Ásetingarnar eru tillagaðar sambært galdandi
stk. 6: føroysku grannskoðara lóggávuna, sum skal endurskoðast.
§ 13, stk. 1: Er tillagað galdandi føroyska lóggávu.
§ 56 og § 62: “Statstidende” er í §§ 56 og 62 eins og higartil skift um við “det på Færøerne til offentlige bekendtgørelser autoriserede blad”.
§ 65, stk. 1, 1. pkt.: Skotið verður upp, at fyriskipanin fær gildi 1. januar 2008.
§ 65, stk. 1, 2. pkt.: Ásetingarnar eru ikki tiknar við, við tað at tær ikki eru viðkomandi fyri Føroyar.
§ 65, stk. 3: Ásetingin, sum er um heimild at seta lógina í gildi fyri Føroyar og Grønland, er ikki við. Ásetingin er endurgivin í notu 1 til uppskotið til fyriskipan.
7. Avleiðingar fyri landskassan og vinnuna
Víst verður til felags viðmerkingarnar til uppskotini um at dagføra vinnufelagslóggávuna í uppskotinum til ríkislógartilmæli um at seta ársroknskaparlógina í gildi í Føroyum, sum samstundis er framlagt, løgtingsmál nr. 61/2006.
8. Viðgerð og hoyringar
Víst verður til felags viðmerkingarnar til uppskotini um at dagføra vinnufelagslóggávuna í uppskotinum til ríkislógartilmæli um at seta ársroknskaparlógina í gildi í Føroyum, sum samstundis er framlagt, løgtingsmál nr. 61/2006.
1. Uppskot til ”Anordning om ikrafttræden for Færøerne af lov om erhvervsdrivende fonde”.
1. viðgerð 6. mars 2007. Løgtingsmálini nr. 61, 62, 63, 64 og 65 vórðu viðgjørd undir einum og beind í vinnunevndina, sum tann 27. apríl 2007 legði fram soljóðandi
Landsstýrismaðurin í vinnumálum hevur lagt uppskotið fram tann 20. februar 2007, og eftir 1. viðgerð tann 6. mars 2007er tað beint vinnunevndini.
Vinnunevndin hevur viðgjørt málið á fundum 16., 19. og 29. mars og 26. apríl 2007.
Nevndin hevur havt fund við landsstýrismannin í vinnumálum og embætisfólk.
Ein samd nevnd tekur undir við uppskotinum og mælir Løgtinginum til at samtykkja uppskotið. Víst verður annars til álit í løgtingsmálið nr. 61/2006.
2. viðgerð 30. apríl 2007. Uppskot til ríkislógartilmæli samtykt 28-0-0. Uppskotið fer soleiðis samtykt til 3. viðgerð.
3. viðgerð 2. mai 2007. Uppskotið, sum samtykt við 2. viðgerð, endaliga samtykt 32-0-0. Málið avgreitt.