1-2  Uppskot til  eykajáttanarløgtingslóg fyri september 2003

A. Upprunauppskot
B. 1. viðgerð
C. Orðaskifti við 1. viðgerð
D. Nevndarskjøl
E. Álit
F. Orðaskifti við 2. viðgerð
G. Atkvøðugreiðsla við 2. viðgerð
H. 3. viðgerð (Einki orðaskifti)

Ár 2003, 30. september, legði Karsten Hansen, landsstýrismaður, vegna landsstýrið fram soljóðandi  

 Uppskot

til

eykajáttanarløgtingslóg fyri september 2003

Almennar viðmerkingar *

Høvuðsyvirlit *

§ 2. Løgmansfyrisiting v.m. *

2.11.1. Fyrisiting *

2.11.1.02. Løgmansskrivstovan (Rakstrarjáttan) *
2.11.1.12. Viðlíkahald (Rakstrarjáttan) *
2.11.1.21. Umbygging í Tinganesi (Løgujáttan) *

§ 3. Fíggjarmál *

3.11.1. Fyrisiting *

3.11.1.03. Fíggjarmálaráðið (Rakstrarjáttan) *

3.15.1. Fíggjarfyrisiting v.m. *

3.15.1.04. Toll- og skattstova Føroya (Rakstrarjáttan) *
3.15.1.05. Toll- og skattstova Føroya (Løgujáttan) *

3.22.4. Útgjaldsskipanir *

3.22.4.01. Stuðul til rentuútreiðslur (Lógarbundin játtan) *

§ 5. Fiskivinna *

5.11.1. Fyrisiting *

5.11.1.05. Fiskimálaráðið (Rakstrarjáttan) *
5.11.1.30. Tilbúgvingarætlan (Løgujáttan) *
5.11.1.34. Granskingarætlanir (Rakstrarjáttan) *

5.34.1. Ymsar útreiðslur *

5.34.1.10. Lønjavningarstovan (Rakstrarjáttan) *

5.34.2. Tænasta og eftirlit *

5.34.2.01. Fiskiveiðieftirlit, Vaktar- og bjargingartænastan (Rakstrarjáttan) *

5.34.3. Gransking og menning *

5.34.3.07. Fiskivinnuroyndir (Rakstrarjáttan) *

5.34.4. Studningur til vinnur *

5.34.4.13. Varðveiting av fjølbroyttum flota *
5.34.4.16. Fiskivinnumenning á landi *

§ 6.Vinnumál *

6.36.1. Ymsar útreiðslur *

6.36.1.05. P/F Fiskaaling *
6.36.1.07. Fiskasjúkutænastur (Rakstrarjáttan) *

6.37.2. Ymiskur studningur *

6.37.2.02. Vinnuframagrunnurin *
6.37.2.03. Umsiting av Vinnuframagrunninum (Rakstrarjáttan) *

6.38.1. Vegir og Havnir *

6.38.1.02. Landsverkfrøðingsstovnurin (Rakstrarjáttan) *
6.38.1.07. Nýggir landsvegir (Løgujáttan) *
6.38.1.14. Havnir (Løgujáttan) *

6.38.2. Samferðsla *

6.38.2.01. Strandfaraskip landsins (Landsfyritøka) *

6.38.3. Samskifti *

6.38.3.01. Postverk Føroya (Landsfyritøka) *
6.38.3.07. Útvarps- og sjónvarpssendistøðir (Rakstrarjáttan) *

6.38.5. Ferðavinna *

6.38.5.04. Kunningartænasta (Nýggj høvuðskonta) *

6.39.1. Ymsar útreiðslur *

6.39.1.01. Semingsmannaskipanin (Rakstrarjáttam) *

§ 7. Útbúgving og gransking *

7.11.1. Fyrisiting *

7.11.1.09. Mentamálaráðið (Rakstrarjáttan) *

7.23.1. Ymsar útreiðslur *

7.23.1.34. Eftirútbúgving og skeið (Rakstrarjáttan) *

7.23.2. Fólkaskúlin v.m. *

7.23.2.07. Læraraeftirlønir (Lógarbundin játtan) *

7.23.3. Miðnámsútbúgvingar *

7.23.3.05. Miðnámsútbúgvingar (Rakstrarjáttan) *
7.23.3.06. Miðnámsskúlin í Suðuroynni (Løgujáttan) *
7.23.3.07. Norðoya skúladepil (Løgujáttan) *
7.23.3.08. Fiskivinnu- og havbúnaðargranskingarmiðstøð (Løgujáttan) *
7.23.3.21. Eftirútbúgving av yrkislærdum (Rakstrarjáttan) *

7.23.5. Miðnámsútbúgvingar *

7.23.5.07. Frítíðarundirvísing (Rakstrarjáttan) *

7.23.6. Hægri útbúgvingar og gransking *

7.23.6.11. Almanna- og heilsuskúli Føroya (Rakstrarjáttan) *
7.23.6.12. Lista- og tónleikaskúli (Løgujáttan) *
7.23.6.16. Fróðskaparsetur Føroya (Rakstrarjáttan) *
7.23.6.23. Ymiskar verkætlanir (Rakstrarjáttan) *
7.23.6.26. Havfrøðiliga royndarstøðin - BIOFAR (Løgujáttan) *

7.23.7. Lestrarstuðul *

7.23.7.04. Lestrarstuðul (Lógarbúndin játtan) *

7.24.1. Ymsar útreiðslur *

7.24.1.13. Ymiskir studningar *

7.24.3. Mentanararvur *

7.24.3.02. Bókasøvn (Løgujáttan) *
7.24.3.19. Friðað hús og fornminni (Rakstrarjáttan) *
7.24.3.22. Listasøvn (Rakstrarjáttan) *

7.24.4. Fjølmiðlar *

7.24.4.01. Sjónvarp Føroya (Landsfyritøka) *
7.24.4.07. Útvarp Føroya (Landsfyritøka) *

§ 12. Almannamál *

12.21.6. Eldri og brekað *

12.21.6.02. Bústovnur, serforsorg (Løgujáttan) *
12.21.6.16. Eldrasambýli (Løgujáttan) *

12.21.7. Sosialar skipanir *

12.21.7.01. Vanlig forsorg (Lógarbundin játtan) *

12.21.8. Sosialar pensjónir *

12.21.8.05. Fyritíðarpensjón (Lógarbundin játtan) *

§ 14. Løgmál *

14.11.1. Fyrisiting *

14.11.1.28. Løgmálaráðið (Rakstrarjáttan) *

§ 20. Inntøkur *

20.50.2. Millumverandi við Tjóðbankan og Landsbankan *

20.50.2.01. Rentuinntøkur av innistandandi *

20.52.1. Skattainntøkur *

20.52.1.01. Vanligur landsskattur *
20.52.1.07. Felagsskattur *

20.52.2. Avgjøld og tollur *

20.52.2.19. Skrásetingargjald *

Almennar viðmerkingar

Hjálagt er annað eykajáttanaruppskot frá landsstýrinum, sum lagt verður fyri Løgtingið fyri fíggjarárið 2003. Samlaði kostnaðurin av hesum uppskoti er 100,7 mió. kr.

Eykajáttanirnar kunnu eisini greinast soleiðis:

• Løgujáttan ……….…………………….. -13.855 tús. kr.
• Onnur játtan…………………………….. 104.207 tús. kr.
• Landsfyritøka…………………………… 6.650 tús. kr.
• Lógarbundin játtan …………………….. 1.167 tús. kr.
• Rakstrarjáttan…………………………… 3.528 tús. kr.

Av Onnur játtan stava 104.700 tús. kr. frá lægri inntøkum, meðan 493 tús kr. stava frá lægri útreiðslum.

Samlaðu eykajáttanirnar, íroknað fíggjarnevndarskjøl, hava higartil í ár verið 77.900 tús. kr.

Niðanfyri er útgreining av eykajáttanarumbønunum:

Á § 2 er talan um útreiðslu-neutrala eykajáttan innan málsøki 11 Felagsútreiðslur.

Á § 3 verður biðið um 500 tús. kr. til Fíggjarmálaráðið til rationaliseringsarbeiðið. Harumframt verður rakstrarjáttanin fyri Toll- og skattstovu Føroya lækkað við 500 tús. kr. vegna rationaliseringsvinning frá tollautomatiseringini, meðan løgujáttanin hevur eina inntøku á 2.100 tús. kr. vegna sølu av bygninginum í Klaksvík. Eisini er játtanin til Stuðul til rentuútreiðslur lækkað við netto 7.000 tús. kr. vegna lækkandi rentustøðið.

Á § 5 verður biðið um 824 tús kr. til Fiskimálaráðið av tí, at løgmaður hevur flutt Brunaumsjón Landsins. Minni nýtsla enn væntað fyri Tilbúgvingarætlan, Granskingarætlanir, Fiskivinnuroyndir og Varðveiting av fjølbroyttum flota hevur við sær, at játtanirnar tilsamans lækka 3.600 tús. kr. Biðið verður um 1.350 tús. kr. til dagføring av EDV-skipanum hjá Lønjavningarstovuni og 1.700 tús. kr. til Fiskiveiðieftirlitið til eygleiðaraskipan fyri NAFO-økið. Herumframt verður biðið um, at játtanin til Fiskivinnumenning á landi verður lækkað við 2.100 tús. kr.

Á § 6 verður biðið um 3.141 tús. kr. í sambandi við umskipan av P/F Fiskaaling. Á játtanini til Fiskasjúkutænastur verður biðið um 2 mió. kr., serstakliga til koppingarevni móti ILA. Játtanirnar til Vinnuframagrunnurin og Umsiting av Vinnuframagrunninum lækka við ávikavist 700 tús. kr. og 1 mió. kr. í sambandi við, at grunnurin ikki varð avtikin. Játtanin til Landsverkfrøðingsstovnin lækkar við 1.190 tús. kr., tí Brunaumsjón landsins er flutt til Fiskimálaráðið. Nýggir landsvegir hækka við 2.131 tús. kr. vegna ymiskar uppraðfestingar og minni nýtslu. Játtanin til Havnir verður lækkað við 5 mió. kr. vegna minni nýtslu, tí arbeiðini eru seinkað. Strandfaraskip landsins hækka við 4.300 tús. kr. vegna vantandi sparingar og dýrking av viðlíkahaldsarbeiði, Postverk Føroya hækkar við 3 mió. kr. vegna vantandi umlegging av virkseminum. Harafturat hækkar Útvarps- og sjónvarpsendisstøðir við 600 tús. kr. til eitt nýtt sendirør. Partapeningur á 66 tús. kr. verður settur í Kunningartænastu, sum verður latin upp á Norðurbryggjuni. Semingsmannaskipanin hækkar við 200 tús. kr. vegna stóra virksemið í sambandi við verkfallið í vár.

Á § 7 verður biðið um 200 tús. kr. til Mentamálaráðið til yvirtøkufyrireikingar, 1 mió. kr. til læraraeftirlønir, 390 tús. kr til miðnámsútbúgvingar vegna tríggjar flokkar fleiri enn mett og til ein tryggingarskaða. Minni nýtsla enn væntað verður á játtanunum til Eftirútbúgving og skeið, Miðnámsskúlan í Suðuroynni, Norðoya skúladepil, Fiskivinnu- og havbúnaðargranskingarmiðstøð, Eftirútbúgving av yrkislærdum, Frítíðarundirvísing, Almanna- og Heilsuskúla Føroya, Lista- og Tónleikaskúla Føroya, Fróðskaparsetur Føroya og Bókasøvn á tilsamans 9.874 tús. kr. Játtanin til Ymiskar verkætlanir hækkar við 80 tús. kr. til lønarendurgjald á Granskingardeplinum. Játtanin til Havfrøðiligu royndarstøðina hækkar við 250 tús. kr. til kravdar ábøtur. Flyting verður gjørd millum undirkontur á ymiskum studningum. Játtanin til lestrarstuðul verður lækkað við 1,5 mió. kr. Játtanin til friðað hús og fornminni verður hækkað við 100 tús. kr., ið er ætlað til neyðugar ábøtur av mastrini á Havnarskansa. Játtanin til Listasøvn verður hækkað við 100 tús. kr. vegna økt virksemi í heyst. Játtanirnar til Sjónvarp Føroya og Útvarp Føroya hækka báðar við 175 tús. kr., so játtanirnar aftur koma í javnvág.

Á § 12 verður biðið um, at játtanin til Bústovnar, Serforsorg og Eldrasambýli verður lækkað við tilsamans 4.100 tús. kr. Vanlig forsorg verður hækkað við 13.567 tús. kr. sambært dagførdari meting, meðan játtanirnar til Fyritíðarpensjón verður lækkað við 4.900 tús. kr. sambært dagførdari meting.

Á § 14 verður til Løgmálaráðið biðið um 627 tús. kr. til viðlíkahald av Skibstedspakkhúsinum til grundlógarnevndina, til sakarmálið viðvíkjandi Kommunala lán- og veðhaldsgrunninum og broyting í kunngerð um flagging.

Á § 20 verða játtanirnar til Rentuinntøkur av innistandandi, Vanligan landsskatt, Felagsskatt og Skrásetingargjald lækkaðar við tilsamans 104.700 tús. kr. sambært dagførdari meting av inntøkum landsins.

Høvuðsyvirlit

A. Yvirlit

Játtanaryvirlit

B. Játtanir

2.11.1.02. Løgmansskrivstovan (Rakstrarjáttan)

Løgmansskrivstovan hevur staðfest meirnýtslu á høvuðskontu 2.11.1.21. Umbygging í Tinganesi. Smávegis arbeiði er eftir at gera, áðrenn Løgmálaráðið kann taka hølini, talan er um, í nýtslu til sítt virksemi. Upphædd til slíka liðugtgerð verður mett til 50 tús. kr.

Fyri formliga at staðfesta meirnýtsluna, sum farin er fram, og fyri at gera hølini so mikið liðug, at tey kunnu takast í nýtslu, verður søkt um eykajáttan á høvuðskontu 2.11.1.21. upp á 700 tús kr. Hendan eykajáttan samsvarar sparingunum á høvuðskontu 2.11.1.02. Løgmansskrivstovan og høvuðskonto 2.11.1.12. Viðlíkahald.

Sundurgreinað ætlan

2.11.1.12    Viðlíkahald (Rakstrarjáttan)
Sí viðmerkingar til høvuðskontu 2.11.1.02.

Sundurgreinað ætlan

2.11.1.21. Umbygging í Tinganesi (Løgujáttan)
Sí viðmerkingar til høvuðskontu 2.11.1.02.

Sundurgreinað ætlan

A. Yvirlit

Játtanaryvirlit

B. Játtanir

3.11.1.03. Fíggjarmálaráðið (Rakstrarjáttan)

Játtanin verður hækkað við 500 tús. kr. til framhaldandi arbeiðið við rationalisering av almenna bygnaðinum.

Sundurgreinað ætlan

 3.15.1. Fíggjarfyrisiting v.m.

3.15.1.04. Toll- og skattstova Føroya (Rakstrarjáttan)

Játtanin verður lækkað við 500 tús. kr., sum skal síggjast sum ein fyrsti rationaliseringsvinningur frá tollautomatiseringini.

Sundurgreinað ætlan

3.15.1.05. Toll- og skattstova Føroya (Løgujáttan)

Landsstýrismaðurin í fíggjarmálum og landsstýrismaðurin í almannamálum hava gjørt avtalu um, at Almannamálaráðið yvirtekur ein bygning í Klaksvík, sum í løtuni húsar Toll og Skatt. Virðið er mett til umleið 2,1 mió kr., sum við hesi teknisku broyting verður flutt frá hesi høvuðskontu til høvuðskontu 12.21.6.02. Bústovnur, serforsorg. Húsið skal hýsa verkstaðnum á Brekku.

Sundurgreinað ætlan

3.22.4.01. Stuðul til rentuútreiðslur (Lógarbundin játtan)

Dagførd meting vísir, at stuðulin, vegna nógv lækkandi rentustøðið, verður væl lægri enn mett á fíggjarlógini. Tískil verður játtanin lækkað við netto 7 mió. kr.

Sundurgreinað ætlan

A. Yvirlit

Játtanaryvirlit

B. Játtanir

5.11.1.05. Fiskimálaráðið (Rakstrarjáttan)

Mett verður, at nýtslan í 2003 á undirkontu 20. Vanligt virksemi verður minni enn væntað. Tí verður játtanin lækkað við 366 tús. kr. Nýggj undirkonta er stovnað til Brunaumsjón Landsins, sum løgmaður hevur flutt frá landsstýrismanninum í vinnumálum til landsstýrismannin í fiskivinnumálum. Játtan á 1.190 tús. kr. er flutt við yvir.

Sundurgreinað ætlan

5.11.1.30. Tilbúgvingarætlan (Løgujáttan)

Mett verður, at nýtslan í 2003 verður minni enn væntað. Tí verður játtanin lækkað við 0,5 mió. kr.

Sundurgreinað ætlan

5.11.1.34. Granskingarætlanir (Rakstrarjáttan)

Mett verður, at nýtslan í 2003 verður minni enn væntað. Tí verður játtanin lækkað við 1,9 mió. kr.

Sundurgreinað ætlan

 5.34.1. Ymsar útreiðslur

5.34.1.10. Lønjavningarstovan (Rakstrarjáttan)

Ætlanin var at nýta hesa játtan til dagføring og ábøtur á EDV-skipanirnar, ið Lønjavningarstovan nýtir í sambandi við virksemi sítt. Afturat at tíðin er farin frá skipanunum tøkniliga sæð, so hevur Landsgrannskoðanin eisini í fleiri ár gjørt viðmerkingar um skipanirnar.

Av ymsum ávum varð farið so seint í gongd við arbeiðið, at tað bert hevur eydnast at gera ein lítlan part av tí, ið neyðugt er at gera, og sum ætlanir vóru um. Tískil er eitt munandi avlop á játtanini, ið er farið aftur í landskassan í 2002. Av tí at tað enn er neyðugt at gera ætlaðu dagføringarnar og ábøturnar á EDV-skipanirnar hjá Lønjavningarstovuni verður biðið um endurjáttan av avlopinum frá 2002. Talan er um 850 tús. kr. Umframt verður biðið um nýggja játtan 500 tús. kr.

Sundurgreinað ætlan

5.34.2. Tænasta og eftirlit

5.34.2.01. Fiskiveiðieftirlit, Vaktar- og bjargingartænastan (Rakstrarjáttan)

Verandi eygleiðaraskipan í NAFO-økinum hevur fingið sera stórar ábreiðslur frá NAFO og serliga Canada, tí teir meta hesa skipan vera í stríð við galdandi reglur á hesum øki.

Fiskiveiðieftirlitið hevur tí fingið álagt at broyta verandi eygleiðaraskipanina fyri NAFO-økið.

Verandi skipan hevur í meðal kosta stovninum umleið 1 mió. kr. um árið. Fyri at seta í verk eina eygleiðaraskipan, sum er fyriskipað sambært galdandi NAFO-reglum innan hettar økið, verður mett, at neyðugt er við eini játtan upp á 4,0 mió. kr. um árið.

Seinasta uppgerðin hjá Fiskiveiðieftirlitinum vísir, at við eftirverandi fiskidøgum í NAFO-økinum verður neyðugt við eini eykajáttan upp á 1,7 mió. kr. í inniverandi fíggjarári, fyri at umskipa eygleiðaraskipanina.

Sundurgreinað ætlan

5.34.3. Gransking og menning

5.34.3.07. Fiskivinnuroyndir (Rakstrarjáttan)

Mett verður, at nýtslan í 2003 verður minni enn væntað. Tí verður játtanin lækkað við 0,7 mió. kr.

Sundurgreinað ætlan

5.34.4. Studningur til vinnur

5.34.4.13. Varðveiting av fjølbroyttum flota

Mett verður, at nýtslan í 2003 verður minni enn væntað. Tí verður játtanin lækkað við 0,5 mió. kr.

Sundurgreinað ætlan

5.34.4.16. Fiskivinnumenning á landi

Mett verður, at nýtslan í 2003 verður minni enn væntað. Tí verður játtanin lækkað við 2,1 mió. kr.

Sundurgreinað ætlan

A. Yvirlit

Játtanaryvirlit

B. Játtanir

6.36.1.05. P/F Fiskaaling

Tingið samtykti 22. apríl 2003 uppskot til løgtingslóg um at hækka partapeningin í og at veita stuðul til P/F Fiskaaling (Ll. nr. 69 frá 02. mai 2003). Endamálið við lógini er at gera ognar- og stuðulsviðurskiftini greiðari millum landið og P/F Fiskaaling. M.a. hevur Landsgrannskoðanin funnist at hesum viðurskiftum og mælt til lóggávu á økinum.

Eykajáttanin hevur ongar útreiðslur við sær fyri landskassan. Talan er meiri um eina fíggjarlógartekniska uppseting. Við Ll. nr. 69 frá 2. mai 2003 er materiella heimildin fingin til vega at hækka partapeningin í P/F Fiskaling. Endamálið við eykajáttanini er at fáa fíggjarligu heimildina til vega.

Ognir.
Felagið hevur virki sítt á fleiri plássum og eigur tí bygningar, útbúnað o.a. á fleiri plássum, samstundis sum felagið hevur nýtslurættin til tveir bygningar, sum landið eigur. Hesir bygningar eru Lívfiskastøðin í Skopun og ein høll við Áir, sum hýsir einum parti av kynbótaarbeiðinum hjá felagnum.

Fyri at gera ognarviðurskiftini greiðari, hevur Løgtingið samtykt, at landsstýrismanninum verður heimilað at hækka partapeningin í felagnum við skiftisinnskoti í felagið av nevndu ognum, sum landskassin eigur, og sum Fiskaaling hevur nýtslurættin til.

Ognirnar verða innskotnar til ein varliga mettan søluprís í vanligum handli, og verða tær mettar til 6,0 mió kr. Samlaða samsýningin upp á 6,0 mió kr. verður rættleidd soleiðis, at partabrøv við áljóðandi virði upp á 1,0 mió kr. í Fiskaaling verða givin út, og viðbót fyri meirkurs verður 5,0 mió. kr.

Stuðul.
Stuðulin til Fiskaaling hevur verið ásettur í sáttmála síðan 1998. Sáttmálin hevur higartil verið orðaður soleiðis, at kravd afturbering hevur verið av avleiddum inntøkum frá m.a. kynbótaarbeiðinum og møguligum avlopi av lidnum verkætlanum. Vinnumálaráðið hevur broytt sáttmálan soleiðis í ár (2003), at avleiddar inntøkur frá royndarvirkseminum kunnu inntøkuførast í felagið. Stuðul landskassans svarar til knappa helvt at inntøkum felagsins, meðan hin helvtin eru inntøkur, sum stava frá sølu av úrdráttum frá kynbótaarbeiðinum (rogn, yngul, lívfiskur o.a.)

Løgtingið hevur við Ll. nr. 69 frá 02. mai 2003 heimilað landsstýrismanninum at skjóta ein part av yvirskotinum á studningsjáttanini, sum pr. 31. juli 2002 er gjørd upp til at vera 3,141 mió kr., til felagið. Av tí, at henda upphædd longu er inntøkuførd og skuldskrivað P/F Fiskaaling, so er eingin samsvarandi afturgjaldan.

Partapeningurin verður hækkaður við skuldarumskifti av nevndu skuld til landskassan upp á upp til 3,141 mió kr., og verður peningahækkingin framd við útvegan av partabrøvum áljóðandi 1,0 mió kr í Fiskaaling, og viðbót fyri meirkurs verður upp til 2,141 mió kr.

Sundurgreinað ætlan

6.36.1.07. Fiskasjúkutænastur (Rakstrarjáttan)

Sjúkustøðan innan alivinnuna er vánalig. Á leið helvtin av alibrúkunum hava ella hava havt ILA, og er tí alneyðugt at fremja tiltøk, sum kunnu tálma ella basa sjúkuni skjótast gjørligt. Samfelagið missir 100 tals mió kr. í útflutningsvirði, um verandi støða heldur fram.

Vinnumálaráðið (landsdjóralæknin) arbeiðir tí við at fara undir eina royndarverkætlan, at royna koppingarevni móti ILA í Føroyum, sum ætlandi skal fremjast í samstarvi millum kanningarstovur og avvarðandi í Skotlandi, Írlandi, Noregi, Danmørk og Føroyum. Eydnast verkætlanin, og hon verður góðkend av ES, so kann alifiskur verða koppsettur móti ILA í Føroyum.

Játtanin kann nýtast til sjálva verkætlanina, útbúnað og neyðugar innrættingar o.a., og onnur møgulig átøk móti sjúkum í alivinnuni.

Sundurgreinað ætlan

6.37.2.02. Vinnuframagrunnurin

Alt virksemið hjá Vinnuframagrunninum er í ár (2003) játtað á fíggjarløgtingslógini á tveimum høvuðskontum: 6.37.2.02. Vinnuframagrunnurin, sum er ætlað til at stuðla ávísum vinnuligum verkætlanum, og 6.37.2.03. Umsiting av Vinnuframagrunninum (Rakstrarjáttan), sum er ætlað til at fíggja umsitingina av Vinnuframagrunninum.

Í fjør (2002) var ein játtan á fíggjarlógini til Vinnuframagrunnin, og varð tann upphæddin flutt grunninum at umsita til vinnuframaendamál. Harumframt hevði grunnurin rentuinntøkur og leiguinntøkur. Tá alt virksemið varð sett á figgjarlógina ístaðin (2003), varð játtanin samanlagt hækkað við 2.180, sum svaraði til rentuinntøkur grunsins upp á 1,7 mió kr. og mistar leiguinntøkur upp á 480 tús. kr. Nú grunnurin ætlandi skuldi gerast almennur stovnur, fór Vinnuframagrunnurin at missa leiguinntøkurnar, tí Rúsdrekkasøla Landsins leigar frá grunninum, og almennir stovnar rinda ikki leigu til almennar stovnar.

At alt virkemi grunsins er á fíggjarlógini í ár, er tí, at ætlanin varð at avtaka Vinnuframagrunnin sum grunn, men fall "uppskot til løgtingslóg um broyting i løgtingslóg um Vinnuframagrunn" á Løgtingi 9. apríl 2003, soleiðis at grunnurin verður ikki avtikin. Hetta merkir, at Vinnuframagrunnurin sum vant fær rentuinntøkur og skal sjálvur rinda fyrisitingarútreiðslur sínar.

Mælt verður tí til, at játtanin til hesa høvuðskontuna verður lækkað við 700 tús. kr., soleiðis at hon verður 7,152 mió kr., og at høvuðskonta 6.37.2.03. Umsiting av Vinnuframagrunninum (Rakstrarjáttan) (játtanin niðanfyri hesa) verður lækkað við 1,0 mió kr.

Sundurgreinað ætlan

6.37.2.03. Umsiting av Vinnuframagrunninum (Rakstrarjáttan)

Vinnuframagrunnurin verður ikki avtikin, og skal grunnurin tí gjalda fyri sína egnu umsiting. Játtanin verður tískil strikað á fíggjarløgtingslógini.

Sundurgreinað ætlan

6.38.1. Vegir og Havnir

6.38.1.02. Landsverkfrøðingsstovnurin (Rakstrarjáttan)

Løgmaður hevur í skrivi, dagfest 4. juni 2003, flutt málsøkið "Brunamál" frá landsstýrismanninum í vinnumálum (§ 6) til landsstýrismannin í fiskivinnumálum (§ 5), og verður játtanin á undirkontu 21. Brunaumsjón landsins tí flutt til § 5. Fiskivinna.

Sundurgreinað ætlan