A. 1. viðgerð
B. Orðaskifti við 1. viðgerð
C. Álit
D. Broytingaruppskot
E. 2. viðgerð
F. Orðaskifti við 2. viðgerð
G. 3. viðgerð (Einki orðaskifti)

Ár 2003, 19. desember, legði Anfinn Kallsberg, løgmaður, vegna landsstýrið fram soljóðandi  

Uppskot

til

eykajáttanarløgtingslóg

fyri desember 2003

Innihald

Innihald *

Almennar viðmerkingar *

Høvuðsyvirlit *

§ 3. Fíggjarmál *
3.21.2. Útgjaldsskipanir *
3.21.2.01. Stuðul til flutning og dupult húsarhald (Lógarbundin játtan) *

§ 5. Fiskivinna *
5.34.4. Studningur til vinnur *
5.34.4.01. Inntøkutrygd hjá fiskimonnum (Lógarbundin játtan) *

§ 6. Vinnumál *
6.38.2. Samferðsla *
6.38.2.01. Strandfaraskip landsins (Landsfyritøka) *
6.39.4. Arbeiðsmarknaðartænastur *
6.39.4.01. Barsilsskipan (Lógarbundin játtan) *

§ 11 Familju- og heilsumál *
11.20.2. Heilsutænastur *
11.20.2.01. Sjúkrakassar *
11.20.3. Sjúkrahúsverkið *
11.20.3.04. Landssjúkrahúsið (Rakstrarjáttan) *
11.20.3.10. Klaksvíkar sjúkrahús (Rakstrarjáttan) *
11.20.3.15. Suðuroyar sjúkrahús (Rakstrarjáttan) *
11.20.3.20. Serviðgerð uttanlands (Rakstrarjáttan) *

§ 12 Almannamál o.a. *
12.21.4. Sjúkradagpeningur *
12.21.4.01 Dagpeningaskipanin (Lógarbundin játtan) *
12.21.6. Eldri og brekað *
12.21.6.04. Eldrarøkt (Rakstrarjáttan) *
12.21.6.10. Ansingarsamsýning (Lógarbundin játtan) *
12.21.7. Sosialar skipanir *
12.21.7.01. Vanlig forsorg (Lógarbundin játtan) *
12.21.8. Sosialar pensjónir *
12.21.8.06. Umsorganararbeiði (Lógarbundin játtan) *

Almennar viðmerkingar

Hjálagt er nýtt triðja eykajáttanaruppskot frá landsstýrinum, sum lagt verður fyri Løgtingið fyri fíggjarárið 2003. Samlaði kostnaðurin av hesum uppskoti er 66,1 mió. kr.

Hin 2. desember í ár legði landsstýrið triðja eykajáttanaruppskotið fyri 2003 fyri Løgtingið. Uppskotið var eftir 1. viðgerð beint í fíggjarnevndina, men eftir at løgtingsval varð útskrivað, metti fíggjarnevndin seg ikki at kunna viðgera hetta uppskot.

Fíggjarnevndin hevur síðan heitt á landsstýrið um at gera eitt nýtt uppskot, ið bert hevur við útreiðslur, ið eru neyðugar til dagliga raksturin av samfelagnum, og út frá hesum fyritreytum er áðurnevnda uppskot tillagað og verður hervið lagt fyri Løgtingið.

Eykajáttanirnar kunnu eisini greinast soleiðis:

• Onnur játtan…………………………….. 2.118 tús. kr.
• Landsfyritøka…………………………… 6.000 tús. kr.
• Lógarbundin játtan …………………….. 41.836 tús. kr.
• Rakstrarjáttan…………………………… 16.166 tús. kr.

Íalt …………………………………………. 66.120 tús. kr.

Samlaðu eykajáttanirnar, íroknað fíggjarnevndarskjøl, hava higartil í ár verið meirútreiðslur upp á 20.302 tús. kr og minniinntøkur upp á 156.700 tús. kr.

Niðanfyri er útgreining av eykajáttanarumbønunum:

Á § 3 verður lógarbundna játtanin til Stuðul til flutning og dupult húsarhald hækkað 1.500 tús. kr. vegna størri útgjald enn væntað.

Á § 5 verður lógarbundna játtanin til Inntøkutrygd til fiskimenn hækkað 8 mió. kr.

Á § 6 Vinnumálaráðið verður játtanin til Strandfaraskip Landsins hækkað 6 mió. kr. vegna inntøkumiss, meirkostnað og lønarhækkan. Játtanin til barsilsskipanina hækkar 15 mió. kr.

Á § 11 verður játtanin til Sjúkrakassar hækkað við 2.118 tús. kr. Játtanin til Landssjúkrahúsið verður hækkað netto við 3.030 tús. kr. í sambandi við lønarhækkingar í árinum. Játtanin til Klaksvíkar sjúkrahús verður hækkað netto við 723 tús. kr í sambandi við lønarhækkingar. Játtanin til Suðuroyar sjúkrahús verður hækkað netto við 531 tús. kr. í sambandi við lønarhækkingar. Játtanin til Serviðgerð uttanlands verður hækkað 9 mió. kr.

Á § 12 verður játtanin til Dagpeningaskipanina hækkað 1.256 tús. kr. Játtanin til Eldrarøkt hækkar 2.882 tús. kr. Játtanin til Ansingarsamsýning hækkar 2.036 tús. kr. Játtanin til Vanliga forsorg hækkar 13.352 tús. kr. Játtanin til Umsorganararbeiði hækkar 693 tús. kr.

Høvuðsyvirlit

A. Yvirlit

Játtanaryvirlit

3.21.2.01. Stuðul til flutning og dupult húsarhald (Lógarbundin játtan)
Søkt verður um 1.500 tús. kr. í eykajáttan. Orsøkin til umbønina er, at útgjaldið av stuðli til flutning og dupult húsarhald hevur verið størri í ár enn í fjør. Fyrstu 9 mánaðirnar í fjør var nýtslan 9.074 tús. kr. Fyrstu 9 mánaðirnar í ár hevur nýtslan verið 10.453 tús. kr.

Sundurgreinað ætlan

 § 5. Fiskivinna 

A. Yvirlit

Játtanaryvirlit

5.34.4.01. Inntøkutrygd hjá fiskimonnum (Lógarbundin játtan)
Í sambandi við gjøgnumgongd av játtanini fyri høvuðskontu 5.34.4.01. Inntøkutrygd hjá fiskimonnum, er Fiskimálaráðið komið eftir, at neyðugt er við eykajáttan á kr. 8,0 mió. Metingin er grundað á skeivu gongdina í fiskiskapinum seinnu helvt av árinum.

Sundurgreinað ætlan

§ 6. Vinnumál 

A. Yvirlit

Játtanaryvirlit

B. Játtanir

6.38.2.01.     Strandfaraskip landsins (Landsfyritøka)
Biðið verður um eina eykajáttan upp á 6,0 mió kr., soleiðis at játtanin til Strandfaraskip Landsins (Landsfyritøka) verður 76,9 mió kr. í 2003.

Orsøkirnar til játtanartørvin eru í høvuðsheitum:

• Inntøkumissur á flogleiðini (Bygdaleiðum), í sambandi við at tunnilin undir Vestmannasund varð latin upp. Samlaða ferðafólkatalið er higartil í ár (2003) lækkað við 43%, í mun til sama tíðarskeið í fjør (2002) til og frá flogvøllinum, ella við umleið 100 fólkum um dagin: Játtanartørvur 2,5 mió kr.
• Inntøkumissur (netto) serliga á Farmaleiðum vegna drúgva verkfallið tíðliga í summar: Játtanartørvur 1,7 mió kr.
• Meirkostnaður á Oyggjaleiðum av at halda Ternuna siglingarklára, fyri at kunna seta skipið í sigling eftir tørvi. Hædd varð ikki tikið fyri hesum í fíggjarætlanini, tí ógreitt var, um Ternan skuldi nýtast framhaldandi, eftir at fast samband kom um Vestmannasund: Játtanartørvur 0,9 mió kr.
• Lønarhækkingar. Meginparturin av starvsfólkinum á Farmaleiðum verður løntur eftir sáttmálunum á privata arbeiðsmarknaðinum: Játtanartørvur 0,9 mió kr.

Sundurgreinað ætlan

Sundurgreinað ætlan

 6.39.4. Arbeiðsmarknaðartænastur

6.39.4.01. Barsilsskipan (Lógarbundin játtan)
Biðið verður um eina eykajáttan upp á 15,0 mió kr. soleiðis, at játtanin til barsilsskipanina samanlagt verður 71,3 mió kr. í 2003.

Orsøkirnar til hetta eru serliga, at 1) lønargrundarlagið hjá mammum er umleið 7% hægri, og hjá pápum umleið 13% hægri, enn mett í fíggjarætlanini, 2) at mammurnar eru umleið 3 vikur longri í farloyvi, enn mett frammanundan, og 3) at tað eru fødd umleið 5% fleiri børn, enn mett í fíggjarætlanini.

Sundurgreinað ætlan

 § 11 Familju- og heilsumál

A. Yvirlit 

11.20.2.01. Sjúkrakassar
Framrokningar vísa, at tað verður ein meirnýtsla á hesi høvuðskontu, og verður tí neyðugt við eini eykajáttan.

Sundurgreinað ætlan

11.20.3.04. Landssjúkrahúsið (Rakstrarjáttan)
Søkt verður um kompensatión fyri meirútreiðslur, sum hava staðist av, at semja varð gjørd í mai mánaði 2003 millum 11 fakfeløg á almenna arbeiðsmarknaðinum og Fíggjarmálaráðið um vaktargjøld, gjøld fyri ólagaliga arbeiðstíð v.m. Upprunaliga varð sagt, at sett var av til hesi gjøld undir høvuðssamráðingunum, sum vóru við hesi feløg, men karmurin var tá 12% fyri tey feløg, sum gjørdu sáttmála upp á 2 ár og 7 mánaðir, og 9,5% fyri tey feløg, har sáttmálaskeiðið var 1 ár og 7 mánaðir. Nú semjan er gjørd, og reguleringarnar eru framdar, sæst, at hækkingin í miðal er 20%. Neyðugt er tí við eini eykajáttan til Landssjúkrahúsið fyri henda meirkostnað á 690 tkr.

Fíggjarmálaráðið og Felagið føroyskir sjúkrarøktarfrøðingar gjørdu 6. apríl 2003 eina semju, sum verður kallað: Semja um Sjúkrarøktarfrøðiskúlan. Henda semja hevði við sær meirútreiðslur fyri stovnarnar undir Familju- og heilsumálaráðnum, tí allir sjúkrarøktarfrøðingar fingu eina eyka lønarhækking frá 1. august 2003, og teir lægst løntu sjúkrarøktarfrøðingarnir vórðu framfluttir 1 - 2 lønarstig. Biðið verður um kompensatión svarandi til hesar meirútreiðslur á 648 tkr.

Lønarsamráðingarnar í ár hava væntandi við sær umleið 0,8% lønarhækking í ár, og tí verður neyðugt við eini eykajáttan til Landssjúkrahúsið á 1.692 tkr.

Sundurgreinað ætlan

11.20.3.10. Klaksvíkar sjúkrahús (Rakstrarjáttan)
Søkt verður um kompensatión fyri meirútreiðslur, sum hava staðist av, at semja varð gjørd í mai mánaði 2003 millum 11 fakfeløg á almenna arbeiðsmarknaðinum og Fíggjarmálaráðið um vaktargjøld, gjøld fyri ólagaliga arbeiðstíð v.m. Upprunaliga varð sagt, at sett var av til hesi gjøld undir høvuðssamráðingunum, sum vóru við hesi feløg, men karmurin var tá 12% fyri tey feløg, sum gjørdu sáttmála upp á 2 ár og 7 mánaðir, og 9,5% fyri tey feløg, har sáttmálaskeiðið var 1 ár og 7 mánaðir. Nú semjan er gjørd, og reguleringarnar eru framdar, sæst, at hækkingin í miðal er 20%. Neyðugt er tí við eini eykajáttan til Klaksvíkar sjúkrahús fyri henda meirkostnað á 130 tkr.

Fíggjarmálaráðið og Felagið føroyskir sjúkrarøktarfrøðingar gjørdu 6. apríl 2003 eina semju, sum varð kallað: Semja um Sjúkrarøktarfrøðiskúlan. Henda semja hevði við sær meirútreiðslur fyri stovnarnar undir Familju- og heilsumálaráðnum, tí allir sjúkrarøktarfrøðingar fingu eina eyka lønarhækking frá 1. august 2003, og teir lægst løntu sjúkrarøktarfrøðingarnir vóru framfluttir 1 - 2 lønarstig. Biðið verður um kompensatión svarandi til hesar meirútreiðslur á 144 tkr.

Á Klaksvíkar og Suðuroyar sjúkrahúsi verða arbeiðsfólk lønt sambært sáttmála við Føroya Arbeiðarafelag. Tá sáttmálasamráðingar vóru seinast millum Føroya Arbeiðarafelag og Føroya Arbeiðsgevarafelag, vóru lønarhækkingar avtalaðar soleiðis:

Í mai 2003 hækkaði tímalønin við 4,30 kr., svarandi til 4,89%, og í mai 2004 hækkar tímalønin aftur við 4,30 kr., svarandi til 4,66%.

Biðið verður um kompensatión svarandi til meirútreiðslurnar av lønarhækkingini í ár á 105 tkr.

Lønarsamráðingarnar á almenna arbeiðsmarknaðinum í ár hava væntandi við sær umleið 0,8% lønarhækking í ár, og tí verður neyðugt við eini eykajáttan til Klaksvíkar sjúkrahús á 344 tkr.

Sundurgreinað ætlan

11.20.3.15. Suðuroyar sjúkrahús (Rakstrarjáttan)
Søkt verður um kompensatión fyri meirútreiðslur, sum hava staðist av, at semja varð gjørd í mai mánaði 2003 millum 11 fakfeløg á almenna arbeiðsmarknaðinum og Fíggjarmálaráðið um vaktargjøld, gjøld fyri ólagaliga arbeiðstíð v.m. Upprunaliga varð sagt, at sett var av til hesi gjøld undir høvuðssamráðingunum, sum vóru við hesi feløg, men karmurin tá var 12% fyri tey feløg, sum gjørdu sáttmála upp á 2 ár og 7 mánaðir, og 9,5% fyri tey feløg, har sáttmálaskeiðið var 1 ár og 7 mánaðir. Nú semjan er gjørd, og reguleringarnar eru framdar, sæst, at hækkingin í miðal er 20%. Neyðugt er tí við einari eykajáttan til Suðuroyar sjúkrahús fyri henda meirkostnað á 111 tkr.

Fíggjarmálaráðið og Felagið føroyskir sjúkrarøktarfrøðingar gjørdu 6. apríl 2003 eina semju, kallað: Semja um Sjúkrarøktarfrøðiskúlan. Henda semja hevði við sær meirútreiðslur fyri stovnarnar undir Familju- og heilsumálaráðnum, tí allir sjúkrarøktarfrøðingar fingu eina eyka lønarhækking frá 1. august 2003, og teir lægst løntu sjúkrarøktarfrøðingarnir vórðu framfluttir 1 - 2 lønarstig. Biðið verður um kompensatión svarandi til hesar meirútreiðslur á 87 tkr.

Á Klaksvíkar og Suðuroyar sjúkrahúsum verða arbeiðsfólk lønt eftir sáttmálanum hjá Føroya Arbeiðarafelag. Við seinastu sáttmálasamráðingar millum Føroya Arbeiðarafelag og Føroya Arbeiðsgevarafelag vóru lønarhækkingar avtalaðar soleiðis:

Í mai 2003 hækkaði tímalønin við 4,30 kr., svarandi til 4,89%, og í mai 2004 hækkar tímalønin aftur við 4,30 kr., svarandi til 4,66%.

Biðið verður um kompensatión svarandi til meirútreiðslurnar av lønarhækkanini í ár á 106 tkr.

Lønarsamráðingarnar á almenna arbeiðsmarknaðinum í ár hava væntandi við sær umleið 0,8% lønarhækking í ár, og tí verður neyðugt við eini eykajáttan til Suðuroyar sjúkrahús á 227 tkr.

Sundurgreinað ætlan

11.20.3.20. Serviðgerð uttanlands (Rakstrarjáttan)
Familju- og heilsumálaráðið hevur tað seinasta hálva árið lagt nógva orku í at fáa lýst økið neyvari, og nøkur tiltøk eru sett í verk, millum annað er stytt um tíðina fyri kautiónsumbønir frá einum ári niður í eitt hálvt ár, broyting er gjørd í mannagongdini at innkalla sjúklingar til eftirviðgerðir, soleiðis at hetta frameftir verður gjørt umvegis sjúkrahúsini, og ikki beinleiðis til sjúklingin. Harafturat eru upplýsingar sendar yvirlæknunum um útreiðslurnar av serviðgerðum uttanlands. Tað eru yvirlæknarnir, sum hava heimildina í sjúkrahúslógini at visitera sjúklingar til viðgerðar uttanlands, men teir hava ikki játtanarligu heimildina, hon liggur hjá landsstýrismanninum. Hóast hetta, og at arbeitt verður miðvíst við at økja um tilboðini til viðgerðir í Føroyum og at seta onnur tiltøk í verk, vísa neyvar framrokningar, at játtanin kemur ikki at halda.

Hetta er eitt torført øki at stýra fíggjarliga, og bráðfeingis trupulleikar serliga viðvíkjandi gagntransplantatiónum hava stóra ávirkan á játtanina. Hetta er millum annað ein av orsøkunum til, at játtanin í ár ikki kemur at halda. Ein onnur orsøk er, at tey tiltøk, sum eru sett í verk, hava ikki virkað í nóg langa tíð til, at ein kann siga nakað enn um avleiðingarnar av hesum.

Broyting í kunngerð um fylgjarar frá 9. oktober 2003 kemur væntandi eisini at ávirka nýtsluna, her er talan um undirkontu 22. Flutningur og uppihald.

Neyðugt er tí við eini eykajáttan áljóðandi 9.000 tkr.

Sundurgreinað ætlan

A. Yvirlit 

B. Játtanir

12.21.4.01.    Dagpeningaskipanin (Lógarbundin játtan)
Mett verður, at nýtslan í ár verður 1,3 mió kr. hægri, enn roknað varð við, tá ið Løgtingsfíggjarlógin fyri 2003 varð samtykt. Samlaðu nettoútreiðslurnar til sjúkradagpening verða mettar til 49 mió kr. Hetta er treytað av, at Almannastovan fær innheintað allan peningin fyri 1. og 2. fráverudag frá arbeiðsgevarunum.

Í metingini av útreiðslunum til dagpening á fíggjarlógini fyri í ár, varð tikið hædd fyri ætlanini um, at 1. og 2. fráverudagur skuldi gjaldast av arbeiðsgevaranum. Tí vórðu útreiðslurnar minkaðar samsvarandi. Í tí endaliga lógaruppskotinum, sum eisini varð samtykt, varð skipanin, at Almannastovan skuldi gjalda út fyri 1. og 2. fráverudag, og síðan skuldi peningurin krevjast inn aftur frá arbeiðsgevarunum. Tann tekniska broytingin er gjørd her, soleiðis at bæði útreiðslurnar og inntøkurnar hækka. Harumframt fekk broytingin av dagpengalógini ikki gildi fyrr enn 1. apríl. Inntøkurnar fyri eitt heilt ár vildu verið umleið 3,2 mió. kr.

Sundurgreinað ætlan

12.21.6.04. Eldrarøkt (Rakstrarjáttan)
Viðvíkjandi undirkontu 20 Røktarheim verður roknað við eini meirnýtslu á knappar 1.450 tús. kr. Hetta eru avleiðingar av sáttmálabundnum lønarhækkingum og hækkað ALS-gjald.

Viðvíkjandi undirkontu 23 Eldrarøkt á Sandi er eitt avlop á umleið 506 tkr. á játtanini, tí samdøgursrøktin bert partvís er sett í verk, og virksemið í heiminum fyri minnisveik ikki er farið at virka til fulnar. Á undirkontu 26. Heilsusystraskipanin leypa umleið 430 tkr. av, tá ið lønarafturbering verður drigin frá, svarandi til umleið 100 tkr. fyri undirkontu 23 og 80 tkr fyri undirkontu 26.

Viðvíkjandi undirkontu 25. Heimarøktin verður roknað við eini meirnýtslu á góðar 2,5 mió kr. Ein partur av frágreiðingini er sáttmálabundnar lønarhækkingar og hækkað ALS-gjald, svarandi til umleið 1,3 mió kr., sum ikki eru í játtanini.

Samanlagt er ALS-gjaldið og sáttmálbundnu lønirnar í eldrarøktini hækkaðar við uml. 3,1 mió kr.

Heimarøktin hevur sett fleiri tiltøk í verk fyri at tálma nýtsluni soleiðis, at skipanin kortini er nøktandi, samstundis sum samdøgursrøktin og økisterapi verða settar í verk. Tað skal tó sigast frá, at heimarøktin, røktarheimini og eldrarøktin á Sandi, umframt heilsusystraskipanin tilsamans hava megnað at hildið játtanina, tí tað, sum manglar í, er alt sáttmálabundnar lønarhækkingar og hækkað ALS-gjald.

Sundurgreinað ætlan

12.21.6.10. Ansingarsamsýning (Lógarbundin játtan)
Mett verður, at ein meirnýtsla verður á hesi kontu á umleið 2 mió kr. Higartil í ár hava 123 persónar fingið útgoldið ansingarsamsýning, meðan talið sama tíðarskeið í fjør var 96.

Sundurgreinað ætlan

12.21.7.01. Vanlig forsorg (Lógarbundin játtan)
Líkt er ikki til, at útreiðslurnar til heilivág og hjálpartól kunnu tálmast longu í ár, sum roknað varð við í síðstu eykajáttan. Útreiðslurnar eru vaksnar óvanliga nógv, og tí verður landsstýrismaðurin noyddur at biðja um eina eykajáttan til vanliga forsorg á umleið 13 mió kr.

Sum greitt frá áður, er tað serliga útreiðslur til heilivág og hoyritól, sum vaksa nógv, men eisini útreiðslur til avlamisakfør, koyristólar og onnur hjálpartól vaksa. Grundin er partvís prísvøkstur og vøkstur í talinum av viðskiftafólkum – alt eftir hvørji hjálpartól talan er um. Partvíst er vøksturin eisini grundaður á, at hjálpartólamiðstøðin hevur sett sær fyri, at avgreiðslutíðin skal minka. Hetta hevur havt við sær, at goymslan av hjálpartólum er vaksin.

Almannamálaráðið arbeiðir í løtuni við at gera kunngerðir á økinum, men roknað verður ikki við, at kunngerðirnar náa at fáa ávirkan á útreiðslurnar í ár.

Nettoútreiðslurnar til fyribils hjálp eftir §9 verða mettar at minka við 2,3 mió kr. í mun til játtanina. Tá ið fíggjarlógin varð gjørd fyri 2003, varð tann metta sparingin av at forsorg vegna vantandi barnaansing eftir ætlan skuldi gjaldast av kommunum, løgd inn sum ein minking av útreiðslunum. Sambært meginregluni um bruttojáttanir fyri lógarbundnar útreiðslur átti sparingin fyri landskassan at verið løgd inn sum ein inntøka, og verður tað gjørt her.

Sundurgreinað ætlan

12.21.8.06. Umsorganararbeiði (Lógarbundin játtan)
Roknað verður við eini meirnýtslu á umleið 700 tkr.

Sundurgreinað ætlan

Áheitan frá tingmonnunum Vilhelm Johannesen, Høgna Hoydal, Poul Michelsen, Alfred Olsen, Heðin Zachariasen,Óla Breckmann, Heðin Mortensen, Páll á Reynatúgvu, Annitu á Fríðriksmørk, Johan Dahl, Lisbeth L. Petersen, Kára P. Højgaard, Nikláa Petersen, Jóannes Eidesgaard, Gerhard Lognberg, Jógvan á Lakjuni, Kristinu Háfoss, Kaj Leo Johannesen, Kristian Magnussen, Bárði Nielsen, Henrik Old, Marjus Dam, Hergeir Nielsen, Heina O. Heinesen, Jógvan við Keldu og Jákup Mikkelsen  um at gera frávik frá tíðarfreistini sambært § 85 í tingskipanini á øllum viðgerðarstigum soleiðis, at málið verður endaliga avgreitt frá tinginum í morgin 20. desember 2003, samtykt 28-0-0.

1. viðgerð 20. desember 2003. Málið beint í fíggjarnevndina, sum sama dag legði fram soljóðandi

Á l i t

Landsstýrið hevur lagt málið fram tann 19. desember 2003, og eftir 1. viðgerð tann 20. desember 2003 er málið beint fíggjarnevndini. 

Fíggjarnevndin hevur viðgjørt málið á fundi tann 20. desember 2003.

Fíggjarnevndin hevur undir viðgerðini havt fund við Anfinn Kallsberg, løgmann, ið umsitur fíggjarmál, og Bill Justiniussen, landsstýrismann í familju- og heilsumálum. Við á fundi vóru eisini umboð fyri Fíggjarmálaráðið og Familju- og heilsumálráðið.

Landsstýrismaðurin í heilsumálum hevur upp á fyrispurning frá fíggjarnevndini á fundinum í nevdini upplýst, at tølini í uppskotinum til Suðuroyar Sjúkrahús og Serviðgerð Uttanlands ikki eru røtt. Hann mælti til, at eykajáttanin til Suðuroyar Sjúkrahús verður hækkað við 1 mió kr., og eykajáttanin til Serviðgerð Uttanlands verður hækkað við 7,1 mió kr.

Ein samd nevnd mælir til, at nevndu konti verða hækkaðar samsvarandi upplýsingum landsstýrismansins og setir fram soljóðandi