Eykajáttanarløgtingslóg fyri september 1999

A. Upprunauppskot
B. 1. viðgerð
C. Brot úr orðaskifti við 1. viðgerð
D. Nevndarskjøl
E. Álit
F. 2. viðgerð
G. 3. viðgerð

Ár 1999, tann 16. september, legði Karsten Hansen, landsstýrismaður, vegna landstýrið fram soljóðandi
 

Uppskot
til
eykajáttanarløgtingslóg fyri
september 1999

Almennar viðmerkingar *

Høvuðsyvirlit *

§1. Løgtingið *
1.10.1. Løgtingið *
1.10.1.10. Nýggjur bygningur til Føroya Løgting (Løgujáttan) *

§3. Fíggjarmál o.a. *
3.11.1. Fyrisiting *
3.11.1.03. Fíggjarmálastýrið (Rakstrarjáttan) *

3.15.1. Fíggjarfyrisiting v.m. *
3.15.1.07. Føroya Gjaldstova (Rakstrarjáttan) *

§ 6. Vinnumál *

6.37.2. Ymiskur studningur *
6.37.2.01. Stuðul til ídnaðarfremjandi endamál *
6.37.2.04. Endurgjald til skipasmíð *

6.37.5. Almennir karmar *
6.37.5.04. Heilsufrøðiliga Starvsstovan (Rakstrarjáttan) *

6.38.1. Vegir og Havnir *
6.38.1.14. Havnir (Løgujáttan) *

6.38.2. Samferðsla *
6.38.2.01. Strandfaraskip Landsins (Landsfyritøka) *

§ 7. Útbúgving og gransking o.a. *

7.23.1. Ymsar útreiðslur *
7.23.1.07. Ymsar felagsútreiðslur (Rakstrarjáttan) *

7.23.2.01. Fólkaskúlin *
7.23.2.01. Fólkaskúlin (Rakstrarjáttan) *

7.23.3. Miðnámsútbúgvingar *
7.23.3.03. Føroya Studentaskúli og HF-skeið (Løgujáttan) *

7.23.6. Hægri útbúgving og gransking *
7.23.6.02. Føroya Sjómansskúli (Løgujáttan) *
7.23.6.11. Almanna- og Heilsuskúli Føroya (Rakstrarjáttan) (Nýggj konto) *
7.23.6.16. Fróðskaparsetur Føroya (Rakstrarjáttan) *
7.23.6.26. Havfrøðiliga Royndarstøðin BIOFAR (Løgujáttan) *

7.24.2. Skapandi og útinnandi virksemi *
7.24.2.10. Norðurlandahúsið *

7.24.3. Mentanararvur *
7.24.3.23. Kirkjubømúrurin (Løgujáttan) *

7.24.4. Fjølmiðlar *
7.24.4.01. Sjónvarp Føroya (Landsfyritøka) *

§ 8. Almanna- og heilsumál o.a. *

8.11.1. Fyrisiting *
8.11.1.08. Almanna- og heilsumálastýrið (Rakstrarjáttan) *
8.11.1.10. Flyting av Almanna- og heilsumálastýrinum (Løgujáttan) *

8.20.3. Sjúkrahúsverkið v.m. *
8.20.3.04. Landssjúkrahúsið (Rakstrarjáttan) *
8.20.3.10. Klaksvíkar sjúkrahús (Rakstrarjáttan) *
8.20.3.15. Suðuroyar sjúkrahús (Rakstrarjáttan) *
8.20.3.16. Suðuroyar sjúkrahús (Løgujáttan) *

8.21.1. Fyrisiting *
8.21.1.04. Almannastovan (Rakstrarjáttan) *

8.21.6. Eldri og brekað *
8.21.6.01. Serforsorg (Rakstrarjáttan) *
8.21.6.03. Eldrarøkt á Sandi (Løgujáttan) *
8.21.6.04. Eldrarøkt (Rakstrarjáttan) *
8.21.6.16. Eldrasambýli (Løgujáttan) *

§ 9. Oljumál o.a. *

9.32.1. Fyrisiting *
9.32.1.01. Oljumálastýrið (Rakstrarjáttan) (Nýtt kontoheiti) *

§ 10. Sjálvstýrismál o.a. *

10.11.1. Sjálvstýrisfyrisitingin *
10.11.1.01. Sjálvsstýrismálaskrivstovan (Rakstrarjáttan) *

10.14.1. Lógarmál *
10.14.1.01. Ymsar útreiðslur (Rakstrarjáttan) *

10.14.3. Eydnuspøl *
10.14.3.07. Ítróttarvedding (Nýggj konto) *

Almennar viðmerkingar

Hjáløgd er triðja eykajáttanarlóg, sum løgd verður fyri tingið fyri fíggjarárið 1999. Samlaðu útreiðslurnar hækka við umleið 28,5 mió. kr. Av hesum eru 9 mió. kr. øking í løguútreiðslunum harav 1 mió. er ónýtt játtan frá 1998, sum verður endurjáttað í 1999. Størsta einstaka løguútreiðslan er 6 mió. kr. til tillaging av ferjulegunum í Skopun, Hesti og Gomlu Rætt.

Harumframt eru 14,7 mió. kr. økingar í rakstrarútreiðslum. Av hesum eru t.d. 6,4 mió. játtan til Oljumálastýrið til m.a. at fyrireika 1. útbjóðingarumfar.

Eykaútreiðslur landskassans til lønir o.t. í sambandi við verkfallið í vár vóru 2,2 mió. kr. Hartil skal viðmerkjast, at verkfallið samstundis spardi landskassanum uml. 8 mió. kr. í lønum.  

Karsten Hansen
landsstýrismaður

/Petur Alberg Lamhauge
fíggjarmálastjóri

A. Yvirlit

Játtanaryvirlit

1.10.1.10. Nýggjur bygningur til Føroya Løgting (Løgujáttan)

Minni nýtsla enn væntað í 1999.

Sundurgreinað ætlan

A. Yvirlit

Játtanaryvirlit

Viðmerkingar

3.11.1. Fyrisiting

3.11.1.03. Fíggjarmálastýrið (Rakstrarjáttan)

Seinnu árini hava flestu fakfeløgini samráðst saman í einum bólki. Í ár hava nógv fleiri feløg valt at samráðast hvør sær, og hevur hetta ført við sær, at nógv fleiri samráðingarumfør hava verið. Av tí at sáttmálasamráðingarnar harafturat gjørdust drúgvar og truplar, stóðust eykaútreiðslur av semingsmonnum.

Sundurgreinað ætlan

3.15.1. Fíggjarfyrisiting v.m.

3.15.1.07. Føroya Gjaldstova (Rakstrarjáttan)

Vegna verkfall blivu lønarútreiðslurnar hjá Føroya Gjaldstovu nakað hægri enn vanligt, serliga tí at sáttmálabundið arbeiði, sum hevði hópað seg upp, mátti útførast í yvirtíð hjá starvsfólkunum. Eisini stóðust aðrar útreiðslur av verkfallinum. Størsti partur av hesum er mora-rentur av lánum, ið Føroya Gjaldstova ikki fekk goldið vegna blokadu.

Sundurgreinað ætlan

A. Yvirlit

Játtanaryvirlit

6.37.2.01. Stuðul til ídnaðarfremjandi endamál

Grunnurin hevur ikki fíggjarliga orku at játta til fleiri verkætlanir, sum annars koma undir studningsendamál grunsins, og harvið detta møguliga góðar verkætlanir ímillum. Tí verður skotið upp at flyta 1 mió.kr. av konto 6.37.2.01. Endurgjald til skipasmíð til Grunnin fyri Ídnaðarfremjandi Endamál.

Sundurgreinað ætlan

6.37.2.04. Endurgjald til skipasmíð

Higartil hevur nýtslan á hesi konto verið 1,2 mió.kr. í ár. Framskrivingar vísa, at 2,7 mió.kr. verða nýttar afturat í ár. Sostatt verður 1 mió.kr. í avlopi, sum verður flutt til Stuðul til Ídnaðarfremjandi endamál, sí viðmerkingar til konto. 6.37.2.01.

Sundurgreinað ætlan

6.37.5. Almennir karmar

6.37.5.04. Heilsufrøðiliga Starvsstovan (Rakstrarjáttan)

Løgtingið hevur samtykt uppskot um at seta í gildi kgl. fyriskipan um havumhvørvið. Í álitinum frá arbeiðsbólkinum viðv. hesum uppskoti eru praktisku viðurskiftini útgreinað. Fyri Heilsufrøðiligu Starvsstovuna nevnir arbeiðsbólkurin, at neyðugt er at hækka játtanina til HS við 1,2 mió. kr. árliga, ella svarandi til 3 starvsfólk.

Tað er av størsta týdningi, at arbeiðið við at seta seg inn í hetta nýggja økið byrjar beinanvegin, tí loyvi til oljuleiting við Føroyar verða væntandi givin um ikki so langa tíð. Metti kostnaðurin í 1999 verður 220.000,- kr. Í hesum sambandi skal fráboðast, at kostnaðurin á fíggjarlógini fyri ár 2000 verður mettur at verða uml. 2 mió. kr., og er hetta 800 tús. kr. hægri enn tað, sum arbeiðsbólkurin kom fram til. Munurin er, at arbeiðsbólkurin ikki hevur íroknað allar rakstrarútreiðslurnar og ráðgevarahjálp í sambandi við nýggja málsøkið.

Tá umhvørvisgóðkenningar verða givnar, verður tað møguligt at taka gjald fyri eftirlit o.a. í hesum sambandi. Tað merkir, at meginparturin av útreiðslum landskassans av havumhvørvislógini kunnu fíggjast við gjøldum frá Oljufeløgunum til sína tíð.

Sundurgreinað ætlan

6.38.1. Vegir og Havnir

6.38.1.14. Havnir (Løgujáttan)

Í sambandi við nýggju Sandoyarferjuna er neyðugt við játtan soleiðis, at ferjulegurnar á Gomlurætt, Skopun og Hesti verða tillagaðar nýggja skipið.

Gamlarætt: Verður breiðkað, og gjørt verður pláss fyri skipinum undir rampanum. Ferjulegan við Gomlurætt er frá 1993, og tí verður mett ráðiligt at breiðka verandi rampu. Siglingin til hesa ferjuleguna verður steðgað í 2 mánaðir í sambandi við arbeiðið. Hesin partur er mettur at kosta uml. 3 mió. kr.

Ferjulegan í Skopun: Verður breiðkað. Ferjulegan er bygd í 1982, og tí er neyðugt at gera nýggjan rampa. Siglingin til hesa ferjuleguna verður steðgað í 2 mánaðir í sambandi við arbeiðið. Hesin partur er mettur at kosta uml. 5 mió. kr.

Ferjulegan í Hesti: 3 møguleikar fyriliggja, og av tí at Hest kommuna er byggimyndugleiki, skulu endaligar samráðingar førast við hesar. Hesin partur er mettur at kosta uml. 8 mió. kr.

Samanlagt: Mett verður, at 16 mió.kr. skulu nýtast til Hest, Skopun og á Gomlurætt. Ætlandi kann alt arbeiðið gerast í ár og næsta ár. Nýtslan í 1999 verður mett at verða 6 mió.kr.

Sundurgreinað ætlan

Virksemisyvirlit

6.38.2. Samferðsla

6.38.2.01. Strandfaraskip Landsins (Landsfyritøka)

Løgtingið samtykti 19. apríl broyting í løgtingslóg um fólka- og farmaflutning. Broytingin álegði landsstýrinum at skipa fyri sjóvegis sambandi á navngivnum leiðum. Í lógarbroytingini varð álagt at skipa fyri einari áður niðurlagdari leið - sambandið millum Havnina og Skálafjørðin - sum varð niðurløgd í 1998.

Í fíggjarætlanini fyri Strandfaraskip landsins er nevnda leið ikki íroknað. Sparingar kunna ikki finnast innan verandi fíggjarkarm, og tí er neyðugt við eini eykajáttan uppá 1,2 mió.kr., sum leiðin kostar Strandfaraskipum landsins at reka í 1999.

Umframt hesa broyting mótvegis fíggjarætlan Strandferðslunnar viðførir dagføringin av havnagjøldum ein eyka kostnað uppá 750.000,- kr., sum ikki er íroknaður fíggjarætlan stovnsins. Samlað eykajáttan til Strandfaraskip Landsins er sostatt uppá 1,950 mió.kr.

Sundurgreinað ætlan

A. Yvirlit

Játtanaryvirlit

B. Játtanir

 Viðmerkingar

7.23.1. Ymsar útreiðslur

7.23.1.07. Ymsar felagsútreiðslur (Rakstrarjáttan)

Ein deyvur næmingur, búsitandi í Tórshavn, hevur søkt á HF á Føroya Studentaskúla og HF-skeiði. Skúlin hevur mett, at næmingurin er skikkaður, og er hann tí upptikin. Neyðugt er at veita næminginum tulkatænastu í sambandi við skúlagongdina, sum væntandi fer at vara 2-3 ár. Útreiðslurnar til hesa tulkatænastu eru kr. 350.000,- fyri hvørt skúlaárið, og merkir hetta, at tørvur verður á kr. 175.000,- í fíggjarárinum 1999, kr. 350.000,- í fíggjarárinum 2000 og kr. 175.000,- í fíggjarárinum 2001.

Sundurgreinað ætlan

7.23.2.01. Fólkaskúlin

7.23.2.01. Fólkaskúlin (Rakstrarjáttan)

Vegna vantandi játtan á fíggjarløgtingslógini 1999, konto 7.23.2.01, til virksemi fólkaskúlans gjørdi landsstýrismaðurin av at leggja niður ársskeiðini, sum hava verið hildin í Føroyum fyri lærarum í fólkaskúlanum. Samstundis kunngjørdi landsstýrismaðurin, at hann fór at leggja fyri løgtingið í ólavsøkutingsetuni umsókn um eykajáttanarlóg 1999 til nevnda virksemi fyri lærarar í fólkaskúlanum í fyrru helvt av skúlaárinum 1999/2000. Skulu neyðug eftirútbúgvingartilboð standa lærarum fólkaskúlans í boði, verður neyðugt at játta eyka kr. 1.600.000,- til oman fyri nevndu konto á fíggjarløgtingslógini.

Sundurgreinað ætlan

7.23.3. Miðnámsútbúgvingar

7.23.3.03. Føroya Studentaskúli og HF-skeið (Løgujáttan)

Minni nýtsla enn væntað í 1999.

Sundurgreinað ætlan

7.23.6. Hægri útbúgving og gransking

Biðið verður um at fáa atgongd til størri part av samlaðu byggiupphæddini til útbyggjanina av Føroya Sjómansskúla í 1999.

Byggiarbeiðið var bjóðað út í juni mánaði í 1998, men orsakað av krøvum, sum vóru sett fram av Førøya Handverksmeistarafelag, gjørdist neyðugt at útseta lisitatiónina til september mánað 1998. Byggiarbeiðið byrjaði sostatt seinri enn ætlað, og bara 2,36 mió. kr vóru nýttar av játtanini í 1998 uppá 4 mió. kr. Arbeiðið gongur so mikið væl, at mett verður, at peningatørvurin í ár verður kr.13.5 mió. Játtanin í ár er kr. 7,5 mió.

Sundurgreinað ætlan

 7.23.6.11. Almanna- og Heilsuskúli Føroya (Rakstrarjáttan) (Nýggj konto)

Í viðmerkingunum til løgtingslóg um almanna- og heilsuútbúgvingar, ið er samtykt í apríl 1999, verður m.a. upplýst í almennu viðmerkingunum:

7.23.6.16. Fróðskaparsetur Føroya (Rakstrarjáttan)

Ætlanin er, at datamatikarar, ið taka prógv á Føroya Handilsskúla, skulu kunna halda fram til BS-prógv á Fróðskaparsetrinum. Meirkostnaður fyri Fróðskaparsetrið í verandi fíggjarári er kr. 150.000,-.

Sundurgreinað ætlan

7.23.6.26. Havfrøðiliga Royndarstøðin BIOFAR (Løgujáttan)

Minni nýtsla enn væntað í 1999.

Sundurgreinað ætlan

7.24.2. Skapandi og útinnandi virksemi

7.24.2.10. Norðurlandahúsið

Eftir at fíggjarlógaruppskotið fyri 1999 varð lagt fyri tingið, hevur Norðurlandahúsið kunnað Undirvísingar- og Mentamálastýrið um, at partur landskassans sambært avtalu millum Landsstýrið og Nordisk Ministerråd, ið ásetir føroyska gjaldspartin til 8% av rakstri húsins, verður kr. 881.000. Sostatt resta kr. 105.000,- í landskassans parti til raksturin av Norðurlandahúsinum.

Nordisk Ministerråd hevur í summar játtað Norðurlandahúsinum kr. 800.000,- eyka til eitt flytbart ljóð- og ljósstudio. Studiið er innrættað í einum bussi soleiðis, at tað kemur mentanarlívinum í øllum landinum til góðar við tað, at studiið kann nýtast at kalla av øllum samkomuhúsum í Føroyum. Treytin er, at Løgtingið játtar 300.000,- kr, yvir tvey fylgjandi fíggjarár, nevniliga kr.150.000,- í 1999 og somu upphædd í ár 2000.

Sundurgreinað ætlan

7.24.3. Mentanararvur

7.24.3.23. Kirkjubømúrurin (Løgujáttan)

7.24.4.01. Sjónvarp Føroya (Landsfyritøka)

Fíggjarliga eydnast 1998 ikki so væl, sum upprunaliga ætlað, fyri Sjónvarp Føroya. Útreiðslumetingar stovnsins hildu og eisini tær flestu inntøkumetingarnar. Men inntøkurnar av eydnuspæli sviku. Tá væl var liðið út á árið, gjørdist greitt, at tillagingarnar í spølunum ikki góvu tað av sær, sum roknað varð við. Eisini fellur ágóðin av einum átaki til tess at fáa skrásett nýggjar hyggjarar eitt ár seinni enn væntað. Tí kom roknskapurin fyri 1998, sum er um at verða endaliga grannskoðaður, at vísa umleið 2,4 milliónir krónur í halli.

Tá henda støðan gjørdist greið fyri UMMS, varð stig tikið til at leggja roknskaparskipan SvFs um, so henda verður partur í landsroknskapinum eins og fyri aðrar almennar stovnar, so UMMS á tann hátt fær eitt betri innlit í roknskaparviðurskiftini hjá SvF. Hetta fekk SvF boð um fyrst í juni, so henda umleggingin er við at verða framd nú. Gjaldførið hjá SvF gjørdist tó so mikið vánaligt í juli, at neyðugt gjørdist at framskunda part av hesi umlegging, so SvF kundi fáa gagn av gjaldføri landskassans, uttan at hetta ávirkar roknskapar- ella játtanarviðurskiftini hjá SvF.

Fyri ikki at nerva framleiðsluna av føroyskum tilfari í SvF óneyðugt, verður biðið um eina eykajáttan í 1999 uppá kr. 1.600.000,-, ið saman við ymiskum sparitiltøkum fer at hjálpa SvF úr trongstøðuni, og á henda hátt stuðla um framleiðsluna av føroyskum tilfari.

Framhaldandi verður kannað, hví henda støða er íkomin, og um hon skal fáa avleiðingar.

Sundurgreinað ætlan

§ 8. Almanna- og heilsumál o.a.

A. Yvirlit

Játtanaryvirlit

8.11.1.08. Almanna- og heilsumálastýrið (Rakstrarjáttan)

Í sambandi við verkfallið hevði Almanna- og heilsumálastýrið meirútreiðslur til løn til eykafólk og meiriarbeiði. Flestu útreiðslurnar hava verið grundaðar av tí eyka lønarútgjaldingini, sum var koyrd uttanum skipanina. Harumframt hava verið meirútreiðslur til sjónvarps- og útvarpslýsingar og til keyp av edv-tænastum í sambandi við eykalønarútgjaldingina

Sundurgreinað ætlan

 8.11.1.10. Flyting av Almanna- og heilsumálastýrinum (Løgujáttan)

Upphæddin skal nýtast til at útskifta øll vindeygu í bygninginum B75, tí tey bæði leka og eru ótøtt og í einstøkum førum eru vindeygu leys og mugu kílast føst fyri ikki at detta úr. Kostnaðarmetingin fyri arbeiðið vísir, at neyðugt er við 800 tús. kr. afturat til hetta arbeiðið.

Sundurgreinað ætlan