Føroya Lívstrygging

23  Uppskot til  løgtingslóg um umskipan av Føroya Lívstrygging

Føroya Lívstrygging
Quillingsgarður
FO-100 Tórshavn

Arbeiðssetningur í samband við umskipan av Føroya Lívstrygging til alment partafelag

Eftir áheitan frá Føroya Lívstrygging og Vinnumálastýrinum hava undirritaðu játtað at gera eina kanning av Føroya Lívstrygging. Kanningin verður gjørd í samband við umskipan av Føroya Lívstrygging til parta-felag, ætlandi pr. 1. januar 2000.

Á fundum 3. september 1999 við Tummas Eliasen og í Vinnumálastýrinum við Arna Poulsen og Gunnar Holm Jacobsen varð avtalað, at undirritaðu skuldu gera uppskot til arbeiðssetning.

Høvuðsendamálið við arbeiði okkara er, við støði í fyriliggjandi tilfari, at fáa greiðu á, hvussu stórur partur av eginognini í Føroya Lívstrygging er ogn tryggingartakarans.

Eftir okkara metan kann arbeiðssetningurin greinast í hesar høvuðspartar:

• At gera uppskot til stovningargrundarlag fyri P/F Føroya Lívstrygging. Í hesum sambandi er neyðugt at gera uppskot til stovningarsamtykt og viðtøkur.

Á fundi tann 16. september 1999 við Vinnumálastýrið og Føroya Lívstrygging varð avtalað, at arbeiði okkara skal byggja á tær løgfrøðisligu niðurstøður, sum eru gjørdar viðvíkjandi støðu Føroya Lívstrygging.

• At gera uppskot til metanarfrágreiðing og byrjunnarfíggjarstøðu fyri P/F Føroya Lívstrygging. Í hesum verður støða tikin til, tær ognir og tær skyldur, sum verða fluttar til partafelagið, og hvussu stóra eginogn talan verður um.
• At samskipa stovnanina við tað lógaruppskot, sum Vinnumálastýrið hevur gjørt.

Í uppskotinum til stovningargrundarlag skal atlit verða tikið at ognum Landsins og tryggingartakarans vónum um bonusútgjaldingar.

Mett verður at tað í hesum sambandi er neyðugt er við óheftari aktuarmeting.

Nevndu uppskot kunnu væntandi leggjast fyri Vinnumálastýrið og Føroya Lívstrygging 20. oktober 1999.

Vinarliga




KPMG statsaut. revisorar Sp/f         Advokatskrivstovan
                                              Fr. Petersensgøta