Almannaveitingar - áseting og javning

A. Upprunauppskot
B. 1. viðgerð
C. Álit
D. 2. viðgerð
E. 3. viðgerð

Ár 2000, 29. februar, legði Kristian Magnussen, løgtingsmaður, vegna Javnaðarflokkin fram soljóðandi

Uppskot

til

§ 1

Í løgtingslóg nr.nr. 107 frá 22. desember 1999 um áseting og javning av almannaveitingum verður gjørd henda broyting:
Sum nýtt seinasta pkt. í § 2 verður sett inn:
„Upphæddin í løgtingslógini um viðbót til ávísar pensjónistar v. fl. verður javnað eftir somu reglum frá og við 1. januar á hvørjum ári".

§ 2

Henda løgtingslóg kemur í gildi 1. januar 2001.

Viðmerkingar:
Uppskotið er ein avleiðing av løgtingsmáli nr. 58/1999 Uppskot til løgtingslóg um broyting í løgtingslóg um viðbót til ávísar pensjónistar v.fl. og verður víst til viðmerkingarnar í hesum uppskoti.

1. viðgerð 7. mars 2000. Løgtingsmálini nr. 58 og 59. Viðgjørd undir einum. Málið beint í trivnaðarnevndina, sum tann 7. apríl 2000 legði fram soljóðandi

Á l i t

Javnaðarflokkurin hevur lagt uppskotið fram tann 29. februar 2000, og eftir 1. viðgerð tann 7. mars 2000 er tað beint trivnaðarnevndini.

Nevndin hevur viðgjørt málið á fundi tann 27. mars og 4. apríl 2000.

Við tað at viðbótarupphæddin til ávísar pensjónistar sbr. uppskotinum í løgtingsmáli nr. 58/1999 nú verður lógafest, er neyðugt við einari automatiskari regulering av upphæddini sbr. vanligum príshækkingum í samfelagnum Tí mælir ein samd nevnd Løgtinginum til at samtykkja uppskotið.

2. viðgerð 12. apríl 2000. §§ 1 og 2 samtyktar 26-0-0. Uppskotið fer soleiðis samtykt til 3. viðgerð.

3. viðgerð 26. apríl 2000. Uppskotið, sum samtykt við 2. viðgerð, endaliga samtykt 31-0-0. Málið avgreitt.

Ll.nr. 57 frá 10.05.00