| 1. |
§ 6. Stk. 1.
Bankin er bankasamband landskassans. Landsstovnar kunnu nýta bankan sum
bankasamband |
§ 6, verður orðað soleiðis: Stk.
1.
Bankin er bankasamband landskassans og hjá stovnum, hvørs roknskapir koma undir § 2
í løgtingslóg um landsins almenna roknskaparhald v.m.
Nýtt Stk. 2.
Aðrir almennir myndugleikar og stovnar kunnu nýta bankan sum bankasamband. |
| 2. |
§ 7. Stk. 1.
Bankin kann taka ímóti innskotum frá Landskassanum, føroyskum peningastovnum og
landsstovnum |
§ 7, verður orðað soleiðis: Stk.
1.
Bankin kann taka móti innskotum frá landskassanum, almennum myndugleikum og stovnum,
føroyskum peningastovnum, tryggingarfeløgum, almennum tryggingar- og trygdarstovnum og
øðrum fíggjarstovnum. |
| 3. |
§ 10 Stk. 1
Bankin kann standa fyri landskassans útlánum og veðhaldum sambært serstakari
lóggávu |
§ 10, verður orðað soleiðis: Stk.
1.
Bankin kann veita umsitingartænastur til landskassan, almennar myndugleikar og
stovnar, ið virka eftir serstakari lóggávu. |
| 4. |
|
Sum nýggj § 10a verður sett: Stk.
1.
Bankin kann heilt ella lutvíst eiga feløg, sum reka felagstænastur fyri
fíggjarsektorin.
Stk. 2.
Bankin kann standa fyri rakstrinum av og hava millumverandi við tílík feløg.
Stk. 3.
Bankin kann vera útgevandi peningastovnur á virðisbrævamarknaðum og í
virðisbrævaskráum. |
| 5. |
§ 11. Stk. 1.
Bankin kann veita lán til landskassan, landsstovnar og privatar peningastovnar í
Føroyum |
§ 11, verður orðað soleiðis: Stk.
1.
Bankin kann veita lán til landskassan, almennar myndugleikar og stovnar,
peningastovnar, tryggingarfeløg, almennar tryggingar- og trygdarstovnar og aðrar
fíggjarstovnar í Føroyum. |
| 6. |
§ 14. Stk. 1.
Bankin kann áleggja peningastovnunum, fíggjarstovnum, tryggingarfeløgum og øðrum
at geva upplýsingar frá sær, sum eru neyðugar fyri virki bankans sum almennur banki og
fyri meting hansara av búskaparligu gongdini í Føroyum. |
§ 14, verður orðað soleiðis: Stk.
1.
Bankin kann áleggja almennum myndugleikum, stovnum, feløgum við almennari luttøku,
peningastovnum, fíggjarstovnum, tryggingarfeløgum og øðrum at geva upplýsingar frá
sær, sum eru neyðugar fyri virki bankans sum almennur banki og fyri meting hansara av
búskaparligu gongdini í Føroyum. |
