Heilsufrøðilig viðurskifti við EF

104  Uppskot til  samtyktar um góðkenning av tilmæli frá 16. mars 2000 frá heilsufrøðiliga undirbólkinum Føroyar - EF

og Evropeiska Felagsskapin hinumegin 

RÍKISSTJÓRN DANMARKAR OG FØROYA LANDSSTÝRI

øðrumegin og

EVROPEISKI FELAGSSKAPURIN

hinumegin,

SUM HAVA FYRILIT FYRI Sáttmálanum millum Ríkisstjórn Danmarkar og Føroya Landsstýri øðrumegin og Evropeiska Felagsskapin hinumegin, undirritaður í Brússel hin sætta desembur í 1996 (Sáttmálin);

SUM MINNAST AFTUR Á ynski um at tryggja og víðka um verandi búskaparliga samskiftið millum Føroyar og Evropeiska Felagsskapin, og við serligum atliti til kappingarumstøður á jøvnum føti, at tryggja eina hóvliga menning av samhandlinum partanna millum;

SUM MINNAST AFTUR Á lyfti partanna um at nýta reglur teirra á heilsufrøðiliga økinum, soleiðis at munur ikki verður gjørdur, og at nýggj tiltøk ikki verða sett í verk, sum kunnu tarna samhandlinum óneyðuga;

SUM ENDURVÁTTA binding teirra til rættindi og skyldur, ið eru galdandi sambært WTO Sáttmálanum um Nýtslu av Heilsuligum og Plantuheilsuligum Tiltøkum;

SUM ERU SINNAÐIR at tryggja, at handil við livandi djórum og djóraframleiðslum millum Føroyar og Felagsskapin verður framdur á ein hátt, sum verjur almannaheilsu og djóraheilsu;

TIL TESS, at røkka hesum endamáli, verður slíkur handil at fremja sambært heilsufrøðiligum reglum Felagsskapsins;

TÍSKIL eigur, samsvarandi hesum, hetta Frumskjal at verða skoytt upp í Sáttmálan, 

ERU SAMD UM HETTA:

Grein 1

Føroyar átaka sær at nýta heilsufrøðiligu reglur Felagsskapsins viðvíkjandi hesum: 

1. Fyribyrgjandi tiltøk/fráboðan av sjúku;
2. Djóraheilsa: Handil og flutningur á marknaðin (triðjalond undantikin);
3. Fyribyrgjandi tiltøk innan djóraheilsu fyri heilsuvørur til djór (triðjalond undantikin);
4. Fyribyrgjandi tiltøk innan almannaheilsu: Reglur, sum fyriskipa flutning á marknaðin (triðjalond undantikin);
5. Hormonir, leivdir, BST, zoonosir, djóraleivdir, heilivágfóður;
6. Innflutningur úr triðjalondum;
7. Eftirlit, djóraeyðmerking, sínamillum hjálp;
8. Zooteknikkur (her uppi í ásetingar viðvíkjandi triðjalondum);
9. Djóravernd;
10. Stovnslig viðurskifti.

Grein 2

Ein listi av heilsufrøðiligu ásetingum Felagsskapsins, ið verða nýttar í Føroyum, og treytirnar fyri nýtslu av hesum ásetingum, verður settur saman av Felagsnevndini, ið er sett sambært grein 31 í sáttmálanum.

Ein heilsufrøðiligur undirbólkur verður settur undir Felagsnevndini. Hann skal regluliga kanna støðuna viðvíkjandi Felagsskapslóg, sum verður at nýta í Føroyum. Um neyðugt, skal undirbólkurin gera tilráðingar til Felagsnevndina við tí fyri eyga at broyta ella dagføra viðkomandi lóggávu.

Grein 3

Hetta frumskjal er ein samanhangandi partur av sáttmálanum.

Grein 4

Hetta frumskjal skal verða góðkent av sáttmálapørtunum samsvarandi egnum mannagongdum teirra. Tað fær gildi á fyrsta degi í mánaðinum aftaná, at boðað er frá, at hesar mannagongdir sáttmálapartanna eru loknar.

Grein 5

Hetta Frumskjal er orðað í tveimum eintøkum á donskum, enskum, finskum, fronskum, føroyskum, grikskum, hálendskum, italskum, portugisiskum, sponskum, svenskum og týskum máli, har hvør teksturin hevur sama gildi.