1-1 Uppskot til løgtingsfíggjarlóg fyri fíggjarárið 2001
(Broytingaruppskot frá Alfred Olsen, Dan R. Petersen og Edmund Joensen)
Broytingaruppskot
Til 2. viðgerð av løgtingsmáli nr. 1-1/2000: Løgtingsfíggjarlóg fyri 2001.
§ 6 Vinnumál
6.38.1. Vegir og havnir
6.38.1.07. Nýggir landsvegir (Løgujáttan) verður hækkað við kr.
5.000.000.
6.38.1.07 Trygdartiltøk, størri ábøtur og at taka til verður
hækkað við kr. 600.000.
Viðmerking:
Vegurin Oyri-Norðskála: kr. 5.000.000
Hetta vegastrekkið megnar als ikki at taka tað øktu tungu ferðsluna, sum m.a. er
til og frá einum av okkara størstu virkjum, sum stendur fyri umleið 5 % av útflutningi
okkara. Eisini er rætta løtan at gera hetta vegastrekkið nú, tí tað fellur saman
við teimum kommunalu ætlanunum.
Trygdartiltøk, størri ábøtur og at taka til: kr. 600.000,00
Á fíggjarætlanini standa 3,2 mió. kr. til hetta endamálið, og vit eru vitandi um, at
fíggjarnevndin hevur hækkað játtanina við 200.000,00, henda hækking er bundin til
gøtuna oman á lendingina í Mykinesi og hetta hevur við sær, at einki er at taka til,
um omanlop eru á landsvegin ella líknandi óhapp, sum vit mugu rokna við, tí lendi,
har landsvegurin liggur, er soleiðis skikkað. Tá verður tann samlaða upphæddin á
hesi konto 4 mió. kr.