1-1 Uppskot til løgtingsfíggjarlóg fyri fíggjarárið 2001
(Broytingaruppskot frá Katrin Dahl Jakobsen, Kristian Magnussen, Hans Paula Strøm og Jóannes Eidesgaard)
Broytingaruppskot
Til 2. viðgerð av løgtingsmáli nr. 1-1/2000: Løgtingsfíggjarlóg fyri 2001.
§ 7. 23.5.10. Musikkskúlar (Rakstrarjáttan) + kr. 3.600.000
Viðmerkingar:
Í løtuni ganga 1100 næmingar í musikkskúlaskipanini, og aðrir 1200 standa á
bíðilista.
At nøkta tørvin, krevur eina landsjáttan á 3,6 mió. kr.
Verandi játtan er hin sama sum í 1984, tá ið lógin varð samtykt. Hetta hóast
skúlin hevur ment seg, og eftirspurningurin er nógv øktur.
Musikkskúlaskipanin er lóggivið grundarlag undir kvalifiseraðari undirvísing í Føroyum, og lærararnir eru grundarlag undir Føroya Symfoniorkestri og øllum hornorkestrunum.
Rútmiski tónleikurin er nógv mentur, men sum er, fær útjaðarin
lítlan ágóða av hesi menning, sum í løtuni bert fer fram í Havn.
Tað er umráðandi, at bera so í bandi, at tilboð um tónleikaundirvísing og menning
er so eins um alt landið, sum til ber. Somuleiðis, at børn og ung setast ikki aftur av
fíggjarligum ávum.
Dyggasti stuðul vit kunnu veita okkara ungdómi er at lata tey royna seg.