1-1 Uppskot til løgtingsfíggjarlóg fyri fíggjarárið 2001
(Broytingaruppskot frá Vilhelm Johannesen)
Broytingaruppskot
Til 2. viðgerð av løgtingsmáli nr. 1-1/2000: Løgtingsfíggjarlóg fyri 2001.
§ 8: 20.3. 11: Klaksvíkar Sjúkrahús (Løgujáttan)Til fyrireiking og projektering av útbygging kr. 1.000.000,00
Viðmerkingar:
Í 1980 var farið undir at útbyggja Klaksvíkar Sjúkrahús. Talan var um eina
útbygging, sum fevndi um trý byggistig, har Norðoya Røkarheim var partur av 1.
byggistigi.
Seini í áttatíárunum og fyrst í nítiárunum eru partar av 2. byggistigi gjørdir. 2. byggistig er tó ongantíð vorðið liðugt, og 3. byggistig er ikki endaliga projekterað. Í 3. byggistigi hevur talan m. a. verið um, at flyta deild M upp á somu hædd, sum deild A, og vildi hetta ført til ávísar sparingar í rakstrinum. Hølini, sum deild M nú húsast í, kundu tá verið umbygd til eitt ógvuliga hart tiltrongt Ambulatorium.
Skotið verður upp at játta 1 mió. kr. í 2001, soleiðis at farast kann undir fyrireikingar og projektering av 3. byggistigi, og somuleiðis at endurskoða 2. byggistig.