Eykajáttanarløgtingslóg fyri mars 2001

Ár 2001, 23. mars, legði Karsten Hansen, landsstýrismaður, vegna landsstýrið fram soljóðandi  

A. Upprunauppskot
B. 1. viðgerð
C. Orðaskifti við 1. viðgerð
D. Nevndarskjøl
E. Álit
F. 2. viðgerð
G. Orðaskifti við 2. viðgerð
H. 3. viðgerð

Uppskot

til

eykajáttanarløgtingslóg

fyri mars 2001

Almennar viðmerkingar *

Høvuðsyvirlit *
§3. Fíggjarmál o.a. *
3.15.1. Fíggjarfyrisiting v.m. *
3.15.1.10. Nýggj fíggjarstýring (Rakstrarjáttan) *
3.18.3. Aðrar starvsfólkaútreiðslur *
3.18.3.01. Burðarfarloyvi (Rakstrarjáttan) *

§6. Vinnumál o.a. *
6.33.1. Djóralæknatænastur *
6.33.1.07. Kanning av djórasjúkum í Føroyum (Rakstrarjáttan)(Nýggj høvuðskonto) *
6.38.1. Vegir og havnir *
6.38.1.07. Nýggir landsvegir (Løgujáttan) *
6.38.1.14. Havnir (Løgujáttan) *
6.39.4. Arbeiðsmarknaðartænastur *
6.39.4.01. Barsilsskipan (Lógarbundin játtan)(Nýggj høvuðskonto) *
6.39.4.04. Umsiting av barsilsskipan (Rakstrarjáttan)(Nýggj høvuðskonto) *

§7. Útbúgving og gransking o.a. *
7.23.2. Fólkaskúlin o.a. *
7.23.2.01. Fólkaskúlin (Rakstrarjáttan) *
7.23.3. Miðnámsútbúgvingar *
7.23.3.05. Miðnámsútbúgvingar (Rakstrarjáttan) *
7.23.6. Hægri útbúgving og gransking *
7.23.6.02. Føroya Sjómansskúli (Løgujáttan) *
7.23.6.11. Almanna- og heilsuskúli Føroya (Rakstrarjáttan) *
7.23.6.14. Føroya Læraraskúli (Løgujáttan) *
7.23.6.15. Fróðskaparsetur Føroya (Løgujáttan) *
7.23.6.19. Granskingarætlanir *
7.23.6.26. Havfrøðiliga royndarstøðin – Biofar (Løgujáttan) *

§8. Almanna- og heilsumál o.a. *
8.11.1. Fyrisiting *
8.11.1.08. Almanna- og heilsumálastýrið (Rakstrarjáttan) *
8.20.3. Sjúkrahúsverkið v.m. *
8.20.3.04. Landssjúkrahúsið (Rakstrarjáttan) *
8.20.3.08. Landssjúkrahúsið, útbygging (Løgujáttan) *
8.20.3.20. Serviðgerð uttanlands (Rakstrarjáttan) *
8.20.3.30. Deildin fyri arbeiðs- og almannaheilsu (Rakstrarjáttan) *
8.21.1. Fyrisiting *
8.21.1.04. Almannastovan (Rakstrarjáttan) *
8.21.3. Barnastuðul *
8.21.3.01. Barnaforsorg (Lógarbundin játtan) *
8.21.4. Dagpeningur *
8.21.4.01. Dagpeningaskipanin (Lógarbundin játtan) *
8.21.8. Sosialar pensjónir *
8.21.8.13. Viðbót til ávísar pensjónistar (Lógarbundin játtan) *

§20. Inntøkur *
20.52.1. Skattainntøkur *
20.52.1.28. Gjald til barsilsskipan *

Almennar viðmerkingar

Hjálagt er annað eykajáttanaruppskot frá landsstýrinum, sum lagt verður fyri Løgtingið fyri fíggjarárið 2001.

Samlaði kostnaðurin av hesum uppskoti er 40,4 mió. kr.

Eykajáttanirnar kunnu eisini greinast soleiðis:

• Lógarbundin játtan … ………………….. 26.163 tús. kr.
• Løgujáttan ……….…………………….. 10.815 tús. kr.
• Onnur játtan…………………………….. - 12.113 tús. kr.
• Rakstrarjáttan…………………………… 15.571 tús. kr.

Íalt …………………………………………. 40.436 tús. kr.

Av Onnur játtan eru 12.250 tús. kr. inntøkur av skatti.

Samlaðu eykajáttanirnar higartil í ár hava verið 20 mió. kr.

Hetta eykajáttanaruppskot er serliga merkt av, at biðið verður um endurjáttanir av løgum og verkætlanum av ónýttari játtan í 2000. Talan er um endurjáttanir upp á 11,7 mió. kr.

Hetta uppskot til eykajáttanarlóg kann greinast soleiðis:

Á § 3 verður biðið um, at Nýggj fíggjarstýring verður hækkað við 370 tús. kr., sum er endurjáttan av ónýttari játtan í 2000. Harafturat verður biðið um, at játtanin til Burðarfarloyvi verður lækkað við 5.717 tús. kr., tí barsilspeningur frá 1. juni 2001 verður goldin av nýggju Barsilsskipanini á § 6.

Á § 6 verður biðið um at upprætta nýggja høvuðskonto til Kanning av djórasjúkum í Føroyum. Til nýggjar landsvegir verður biðið um 4.705 tús. kr., harav 205 tús. kr. eru til vegastubban Oyrareingir-Signabøur, 1.000 tús. kr. eru til rætting av feili hjá fíggjarnevndini og 3.500 tús. kr. til seismiskar forkanningar í Leirvíksfirði. Til havnir verður biðið um 4.200 tús. kr. til endurjáttan av ónýttari játtan í 2000 til liðugtgerð av ferjulegum í Hesti, Skopun og Gomlu rætt. Til nýggja Barsilsskipan verður biðið um 26.830 tús. kr. til útgjald av barsilspeningi. Henda játtan verður mótsvarað av, at spardar verða 5.717 tús. kr. á játtanini til Burðarfarloyvi á § 3 og 8.667 tús. kr. av Dagpeningaskipanini á § 8 og, at Gjald til barsilsskipan verður kravt inn fyri 12.250 tús. kr. á § 20.

Á § 7 verður til Fólkaskúlan biðið um 1.500 tús. kr. til ráðlegging, flokslæraraarbeiði, skúlaleiðslu og bókasavnsvirksemi. Til Miðnámsútbúgvingar verður biðið um 5.000 tús. kr. til makaskifti viðvíkjandi Tekniska skúla í Havn. Til Føroya Sjómansskúla verður biðið um 944 tús. kr. til endurjáttan av ónýttari játtan í 2000 til liðugtgerð av nýggjum bygningi. Til Almanna- og heilsuskúla Føroya verður biðið um 1.221 tús. kr. til endurjáttan av ónýttari játtan í 2000 til innrætting av skúlanum á Tvøroyri. Biðið verður um, at játtanin til Føroya Læraraskúla verður lækkað við 800 tús. kr. sum útreiðsluneutralt tiltak mótvegis játtanunum til Fróðskaparsetur Føroya og Havfrøðiligu royndarstøðina. Til Fróðskaparsetur Føroya verður biðið um 500 tús. kr. til umbygging av "barakkini í Nóatúni" og tillaging av gamla bókasavnsbygninginum. Til Granskingarætlanir verður biðið um 137 tús. kr. til endurjáttan av ónýttari játtan í 2000 til ætlanir við tilsøgn. Til Havfrøðiligu royndarstøðina verður biðið um 424 tús. kr. til liðugtgerð av hølum, harav 64 tús. kr. er endurjáttan av ónýttari játtan í 2000.

Á § 8 verður til Almanna- og heilsumálastýrið biðið um 3.560 tús. kr., harav 1.000 kr. eru til nýtt Trivnaðar- og heilsuráð og 2.560 tús. kr. eru til endurjáttan av ónýttari játtan í 2000 til lønarforskipan. Til Landssjúkrahúsið verður biðið um 612 tús. kr. til húðlækna. Henda hækking er útreiðsluneutral við Serviðgerð uttanlands, sum lækkar við 612 tús. kr. Her verður eisini biðið um heimild til at nýta av játtanini til endurgjald til ein organdonor fyri mista arbeiðsinntøku. Til Landssjúkrahúsið, útbygging verður biðið um 842 tús. kr. til endurjáttan av ónýttari játtan í 2000. Til Deildina fyri arbeiðs- og almannaheilsu verður biðið um 2.000 tús. kr. afturat til medisinska tilbúgving í sambandi við oljuvinnu við Føroyar. Til Almannastovuna verður biðið um 1.137 tús. kr. til endurjáttan av ónýttari játtan í 2000 til edv-skipan. Til Barnaforsorg verður biðið um 4.000 tús. kr., tí útreiðslurnar av fríplássum í dagstovnum ikki verða fluttar til kommunurnar fyrr enn í 2002. Biðið verður um, at játtanin til Dagpeningaskipanina verður lækkað við 8.667 tús. kr., tí nýggj dagpeningalóg ásetur, at dagpeningur í sambandi við barnsburð frá 1. juni 2001 verður goldin av nýggju Barsilsskipanini á § 6. Lógarbroyting hevur við sær, at biðið verður um, at játtanin til Viðbót til ávísar pensjónistar verður hækkað við 4.000 tús. kr., soleiðis at samsvar aftur er millum játtan og lógarfest útgjald.

Á § 20 verður Gjald til barsilsskipan innkravt fyri 12.250 tús. kr., sum er við til at fíggja nýggju Barsilsskipanina á § 6.

Høvuðsyvirlit

A. Yvirlit

Játtanaryvirlit

Viðmerkingar

3.15.1.10. Nýggj fíggjarstýring (Rakstrarjáttan)

Verkætlanin strekkir seg yvir fleiri ár, og tí er neyðugt at endurjátta tað, sum ikki varð nýtt í fjør, yvir á árið í ár, soleiðis sum arbeitt hevur verið undanfarin ár. Talan er um at endurjátta 370 tús. kr. frá 2000 (játtaðar vórðu 3.760 tús. kr.) til 2001.

Rakstrarjáttanin verður brúkt til at gera nýggjar EDV-skipanir á arbeiðsøkinum hjá Føroya Gjaldstovu, og strekkir verkætlanin seg sum sagt yvir fleiri ár. Farið varð undir verkætlanina longu í 1994. Byrjað verður at taka 3. part av samlaðu verkætlanini – felags lønarskipanina - í nýtslu í hesum fíggjarárinum. Felags lønarskipanin verður væntandi liðugt innkoyrd í 2003.

Bindandi avtala er gjørd við veitara, og eins og vanligt er í tílíkum verkætlanum, so fella útreiðslurnar alt eftir gongdini, og nær tær ymsu partskipanirnar verða settar í verk.

Sundurgreinað ætlan

Yvirlit yvir endurskoðaðu verkætlanina

3.18.3.01. Burðarfarloyvi (Rakstrarjáttan)

Lóg um barsilsskipan er løgd fyri tingið. Ætlanin er, at henda skipan skal fevna um allan arbeiðsmarknaðin, og tískil verður henda høvuðskonto, sum bert fevnir um almenna arbeiðsmarknaðin, niðurløgd. Játtanin verður flutt til § 6 at fíggja nýggju barsilsskipanina á høvuðskonto 6.39.4.01. Barsilsskipan. Játtanin til Burðarfarloyvi er 9,8 mió. kr. árliga, men av tí, at lógin um barsilsskipan ætlandi fær gildi frá 1. juni 2001, so verður talan um eina flyting upp á 5.717 tús. kr. í 2001.

Sundurgreinað ætlan

A. Yvirlit

Játtanaryvirlit

Viðmerkingar

6.33.1.07. Kanning av djórasjúkum í Føroyum (Rakstrarjáttan)(Nýggj høvuðskonto)

Í løtuni er ongin kanning til taks, sum staðfestir títtleikan av týðandi, smittandi djórasjúkum hjá føroyskum djórum. Hesin tørvur er aktuellur, nú veteriner avtala er fingin í lag við ES.

Í álitinum frá vinnunevndini í sambandi við uppskot til djórasjúkulóg verður stórur dentur lagdur á, at landsstýrismaðurin í vinnumálum skjótast gjørligt tekur stig til at skráseta títtleikan av smittandi sjúkum hjá djórum, og er ætlanin at fara undir eina landsumfatandi kanning av seyði, neytum og rossum í hesum sambandi. Kanningin verður framd í ár og næsta ár, í tøttum samstarvi millum Veterinerdeildina hjá Vinnumálastýrinum og djóradeildina hjá Heilsufrøðiligu Starvsstovuni, sum verður skipað. Ætlanin fevnir um djóralæknakanningar og blóðroyndir fyri at meta um generellu heilsustøðuna.

Blóðroyndirnar verða kannaðar av Statens Veterinære Serumslaboratorium í Danmark. Úrslitini skulu nýtast til framtíðar eftirlit við og basan av djórasjúkum (heilsuskipan), sum eisini verður grundarlag fyri teimum heilsukrøvum, ið sett verða til innflutning av livandi djórum og mati av djórum til Føroyar.

Verkætlanin verður mett at kosta umleið 8,5 mió. kr. og verður biðið um eina eykajáttan upp á 4,5 mió. kr. í hesum fíggjarárinum til endamálið.

Sundurgreinað ætlan

6.38.1. Vegir og havnir

Stutt fyri ársskiftið gjørdi Landsverkfrøðingsstovnurin Vinnumálastýrinum greitt, at stovnurin av ymsum ávum ikki hevur nýtt tvær løgujáttanir til fulnar í 2000, og at neyðugt tí verður at endurjátta ein part av játtanunum. Tá Vinnumálastýrið fekk kunnleika til hesi mál, var so mikið útliðið, at ov seint var at broyta fíggjarlógaruppskotið fyri 2001.

Verkætlanirnar, talan er um, eru a) ábøtur á vegabugan um oyruna á Oyrareingjum (sí høvuðskonto 6.38.1.07. Nýggir landsvegir (Løgujáttan)), og b) tillaging av ferjuleguni í Hesti, soleiðis at nýggja Sandoyarferjan Teistin kann nýta ferjuleguna, og aðrar smávegis ábøtur á Gomlurætt og í Skopun (sí høvuðskonto 6.38.1.14. Havnir (Løgujáttan)).

6.38.1.07. Nýggir landsvegir (Løgujáttan)

Oyrareingir – Signabøur (endurjáttan)
Ætlanin er at umbyggja vegabugan á landsvegnum á Oyrareingjum fyri ein samlaðan kostnað upp á 1,9 mió. kr., tí ábøtur eru sera átrokandi. Ætlanin var at fremja verkætlanina yvir tvey fíggjarár, í 2000 og 2001. Í fjør (2000) vóru 400 tús. kr. játtaðar til endamálið, og restin, 1,5 mió. kr., er játtað í ár (2001).

Lendisspurningurin tók so drúgva tíð í 2000, at ikki vóru stundir til at fara undir sjálva vegagerðina. Keyp av lendi kostaði 195 tús. kr., og vóru sostatt 205 tús. kr. ikki nýttar av játtanini. Verður ónýtta upphæddin endurjáttað í ár, verður møguligt at liðugtgera nevndu verkætlan. Søkt verður tí um eina eykajáttan upp á 205 tús. kr. til høvuðskonto 6.38.1.07. Nýggjar landsvegir (Løgujáttan), soleiðis at játtanin til høvuðsendamálið verður 1,7 mió. kr., og møguleiki verður fyri at liðugtgera vegabugan á landsvegnum á Oyrareingjum í ár.

Fíggjarnevnd Løgtingsins
Landsstýrismaðurin í vinnumálum varnaðist fyri kortum, at samsvar ikki var millum lógartekstin til nýggjar landsvegir og viðmerkingar fíggjarnevndarinnar til fíggjarlógina soleiðis, at fíggjarnevndin mælti til at hækka játtanina við 2,9 mió. kr., meðan broytingarnar, sum fíggjarnevndin sjálv skjýtur upp, merkja eina meirútreiðslu upp á tilsamans 3,9 mió. kr., ella 1 mió. kr. afturat.

Fíggjarnevndin hevur síðan tikið undir við tilmæli landsstýrismansins um, at feilurin verður rættaður, og játtanin til nýggjar landsvegir verður hækkað við 1,0 mió. kr., og verður tí søkt um eina eykajáttan upp á 1,0 mió. kr. til endamálið.

Seismiskar forkanningar í Leirvíksfirði
Á løgtingsfíggjarlógini fyri 2001 varð skotið upp at játta 2,5 mió. kr til seismiskar kanningar í Leirvíksfirði. Somuleiðis varð skotið upp at játta 2,5 mió. kr í 2002, ella tilsaman 5,0 mió. kr. Fíggjarnevndin broytti upphæddina fyri 2001 til 1,5 mió. kr., sum Løgtingið tók undir við. Arbeiðið undir Vestmannasundi gongur so mikið væl, at mælt verður til at gera seismisku forkanningarnar í Leirvíksfirði 2001, so at møguligt verður (er politisk undirtøka fyri tí) at bjóða tunnilsarbeiðið um Leirvíksfjørð út, tá skotið er ígjøgnum undir Vestmannasundi.

Norski tunnilsmarknaðurin er framvegis svangur, og ávirkar hetta prísin niðureftir. Harumframt verður tað møguligt hjá verandi arbeiðstakara um Vestmannasund at geva eitt lægri tilboð upp á Leirvíkstunnilin. Torført er at meta um virðið av hesum, men nevnast kann, at tilriggingin hjá arbeiðstakarunum í sambandi við Vágatunnilin í tilboðnum varð sett at verða 15 mió. kr. Hetta fer væntandi eisini at ávirka tilboðini hjá øðrum áhugaðum arbeiðstakarum.

Søkt verður um eina eykajáttan upp á 3,5 mió. kr. til forkanningar og aðrar fyrireikandi kanningar í hesum sambandi. Slíkar kanningar fevna serliga um:

• regionala jarðfrøðiliga kortlegging
• seismiskar kanningar í eini geil eftir ætlaðu linjuføringini
• kjarnuboringar báðu megin við
• etablering av fixpunktum
• ferðslukanningar

Seinni í ár verður neyðugt politiskt at taka støðu til fígging, prosjektering, útbjóðing og bygging av verkætlanini, um ætlanin er at leggja uppskot til løgulóg í komandi tingsetu. Ætlandi verður sami leistur nýttur til Leirvíkstunnilin, sum varð nýttur í sambandi við Vágatunnilin.

Sundurgreinað ætlan

Virksemisyvirlit

6.38.1.14. Havnir (Løgujáttan)

Søkt verður um eina eykajáttan upp á 4,2 mió. kr. til høvuðskonto 6.38.1.14. Havnir (Løgujáttan), sum er endurjáttan av ónýttari játtan í 2000 soleiðis, at umbygging og tillagingarnar av ferjulegunum kunnu gerast lidnar á Gomlurætt, í Hesti og í Skopun.

Tá avgjørt varð at byggja nýggju Sandoyarferjuna, var greitt, at neyðugt varð at umbyggja og tillaga ferjulegurnar í Skopun, á Gomlurætt og í Hesti soleiðis, at skipið kundi nýta ferjulegurnar og røkja siglingina millum Streymoy, Sandoy og Hest.

Verkætlanirnar vórðu mettar at kosta umleið 16 mió. kr., og skuldu tær fremjast yvir tvey ár, í 1999 og 2000, soleiðis at Teistin kundi fara undir siglingina í januar 2001. Byggingin av Teistanum varð tó seinkað nakað, men verður skipið ætlandi liðugt í vár.

Nýtslan til ferjulegurnar var 1,3 mió. kr. í 1999, og 10,5 mió. kr. í 2000, ella tilsamans 11,8 mió. kr. Í 2000 vórðu 14,7 mió. kr. játtaðar til endamálið, sum merkir, at 4,2 mió. kr. ikki vórðu nýttar av játtanini.

Landsverkfrøðingsstovnurin upplýsir, at tillagingarnar av ferjulegunum á Gomlurætt og í Skopun vóru so gott sum lidnar í 2000 og, at tað er liðugt at dýpa í Hesti. Tað, sum eftir er at gera, er í høvuðsheitum atløgusíðan í Hesti og endalig liðugtgerð av hinum báðum ferjulegunum, sum tó eru smávegis arbeiði.

Sundurgreinað ætlan

Virksemisyvirlit

6.39.4.01. Barsilsskipan (Lógarbundin játtan)(Nýggj høvuðskonto)

Uppskot til løgtingslóg um barsilsskipan varð lagt fyri Løgtingið 21. desember ár 2000, og fær lógin ætlandi gildi frá 1. juni 2001.

Nýggja skipanin er soleiðis háttað, at hon verður mett at vera eitt arbeiðsmarknaðarmál. Eftir lógaruppskotinum skal nýggj barsilsskipan setast í verk, sum fevnir um allan arbeiðsmarknaðin, bæði almenna og privata arbeiðsmarknaðin, og verður barsilspeningur veittur í sambandi við viðgongu, barnsburð og ættleiðing. Barsilspeningurin endurrindar tapið hjá løntakaranum 100%, tó við einum útgjaldsmarki upp á 35.000 kr. ALS skal umsita skipanina.

Barsilsskipanin avloysir tær almennu skipanirnar sum galda í dag, t.e. skipanin eftir dagpeningalógini um dagpening í sambandi við barnsburð og ættleiðing, og skipanina fyri fólk í almennum starvi. Galdandi almennu skipanirnar kosta umleið 25,0 mió. kr. árliga.

Endamálið við lógaruppskotinum er:

• at allir løntakarar í mest møguligan mun fáa endurgjald fyri lønarmiss í sambandi við barnsburð
• at skipanin fevnir um bæði kvinnur og menn og løntakarar og sjálvstøðug vinnurekandi
• at kvinnum verður rindað endurgjald í fýra vikur undan barnsburði, og kvinnum og monnum í 24 vikur eftir barnsburð
• at betra grundarlagið fyri eins møguleikum hjá kvinnum og monnum til arbeiði
• at fremja javnstøðu millum kvinnur og menn
• at tryggja barninum samveru bæði við móður og faðir
• at umstøðurnar hjá hinum einstaka á arbeiðsmarknaðinum í sambandi við barnsburð og ættleiðing verða so eins sum møguligt, og at fíggjarligi kostnaðurin av barnsburði í mest møguligan mun verður borin av pørtunum á arbeiðsmarknaðinum.

Samlað árligt útgjald til barsilspening verður mett at kosta 46,0 mió. kr. Sum nevnt ber landskassin útreiðslurnar til barsilspening.

Til partvísa fígging gjalda lønmóttakarar og arbeiðsgevarar 0,25% av móttiknum og rindaðum lønum. Inngjaldið til skipanina verður mett til 21,0 mió. kr. árliga. Tað merkir eina nettoútreiðslu upp á umleið 25,0 mió. kr. árliga, sum er tað sama sum kostnaðurin er av verandi skipanum.

Á fíggjarlógini fyri 2001 eru 9.800 tús. kr. játtaðar á høvuðskonto 3.18.3.01. Burðarfarloyvi, sum fer til at gjalda løn til starvsfólk, sum eru avloysarar fyri kvinnur á almennum stovnum, sum eru í barsilsfarloyvi. Henda høvuðskonto verður niðurløgd, tá nýggja barsilsskipanin kemur í gildi.

Á høvuðskonto 8.21.4.01. Dagpeningaskipanin eru játtaðar 51.156.000 kr. í 2001, sum m.a. er dagpeningur til kvinnur í barsilsfarloyvi. Í 1999 vórðu 15,7 mió. kr. nýttar til endamálið. Eftir uppskoti til løgtingslóg um dagpening vegna sjúku v.m. fer dagpeningaskipanin ikki at umfata stuðul til kvinnur í barsilsfarloyvi, tí nýggja barsilsskipanin verður sett í gildi. Játtanin á høvuðskonto 8.21.4.01. Dagpeningaskipanin verður tískil lækkað við 15,2 mió. kr.

Av tí, at lógin um barsilsskipan væntandi fær gildi 1. juni 2001, verður samlað útgjald í 2001 til barsilspening mett at verða 26.830 tús. kr.

Sundurgreinað ætlan

6.39.4.04. Umsiting av barsilsskipan (Rakstrarjáttan)(Nýggj høvuðskonto)

ALS skal eftir ætlan umsita barsilsskipanina, tí skipanin í stóran mun kemur at líkjast arbeiðsloysisskipanini á umsitingarliga økinum, og verður peningur játtaður stovninum til henda rakstur.

Tað verður møguligt at nýta skipanir á ALS við smærri útbyggingum, bæði tá talan er um málsviðgerð og í sambandi við útgjald av farloyvisstuðli, og tá talan er um inngjøld frá arbeiðsgevarum og lønmóttakarum. Loysnin verður samskipað við Búskaparskipan landsins sambært roknskaparkunngerðini.

Árligi rakstrarkostnaðurin verður mettur til umleið 1,8 mió. kr. Neyðugt verður tó at játta eina upphædd upp á 2,0 mió. kr. til endamálið í ár. Vanligur rakstur kostar umleið 1,0 mió. kr., roknað fyri 7 mánaðir av árinum. Harumframt verður neyðugt at játta 1 mió. kr. til stovningarútreiðslur til m.a. keyp av útbúnaði og til menning av skipanum.

Sundurgreinað ætlan

A. Yvirlit

Játtanaryvirlit

Viðmerkingar

7.23.2.01. Fólkaskúlin (Rakstrarjáttan)

Semjan millum Fíggjarmálastýrið og Føroya Lærarafelag frá 30. apríl 2000 hevur við sær ávíst nýtt virksemi í fólkaskúlanum. Hetta snýr seg um nýggjar og øktar uppgávur í sambandi við ráðlegging av undirvísingini, flokslæraraarbeiði, skúlaleiðslu og skúlabókasavnsvirksemi. Til hetta virksemi verður biðið um eykajáttan á 1,5 mió. kr.

Sundurgreinað ætlan

7.23.3.05. Miðnámsútbúgvingar (Rakstrarjáttan)

Í sambandi við, at Mentamálastýrið hevur heitt á Tekniska skúla um at fáa framt makaskifti við Tórshavnar Býráð til fulla og endaliga semju, verður søkt um eykajáttan á 5 mió. kr. til útreiðslur í sambandi við makaskiftið.

Sundurgreinað ætlan

7.23.6.02. Føroya Sjómansskúli (Løgujáttan)

Føroya Sjómansskúli er útbygdur. Útbyggingin fevnir um matar- og samkomurúm, skúlastovu, bókasavn og lærarastovu, uml. 750 fermetrar, simulatorrúm og frálæruhøli í kjallarahæddini í uppíbygninginum, umframt umbygging av tveimun teimum ovastu hæddunum í torninum.

Søkt verður um, at ónýtt játtan í 2000, sum er kr. 944.000, verður endurjáttað.

Játtanin skal nýtast til liðugtgerð av ymiskum arbeiði, sum ikki kundi fremjast í heyst (urtagarðsarbeiði, gerð og uppseting av rekkverki á takinum til at festa antennur á og annað), til innrætting av lærarastovuni, til dyr við inngongd móti eystri og til útgjald av afturhildnum peningi.

Sundurgreinað ætlan

7.23.6.11. Almanna- og heilsuskúli Føroya (Rakstrarjáttan)

Tann parturin av skúlanum, ið skal vera á Tvøroyri, byrjar ikki sítt virksemi fyrr enn í ár m.a. tí, at hølið, ið skúlin skal húsast í, ikki verður tøkt fyrr enn í mars í ár, og tí kom eitt ávíst avlop at vera á hesi játtan í 2000, ið m.a. var ætlað til keyp av innbúgvi til almanna- og heilsuskúladeildina á Tvøroyri. Biðið verður um at fáa hetta avlop endurjáttað í ár.

Kommunan innrættar hús til skúlan á Tvøroyri, og tí ber til at keypa innbúgv nú, so skúlin er klárur at taka ímóti teimum fyrstu næmingunum seinri í vár.

Sundurgreinað ætlan

7.23.6.14. Føroya Læraraskúli (Løgujáttan)

Biðið verður um, at játtanin til Føroya Læraraskúla verður lækkað við 800 tús. kr. sum útreiðsluneutralt tiltak mótvegis játtanini til Føroya Sjómansskúla.

Sundurgreinað ætlan

7.23.6.15. Fróðskaparsetur Føroya (Løgujáttan)

Á løgtingsfíggjarlógini fyri 2001 er játtan, ætlað til umbygging av "barakkini í Nóatúni" til telduhús hjá Fróðskaparsetrinum, tillaging av gomlu bókasavnshúsunum til umsiting hjá Fróðskaparsetrinum og til ymiskt felags virksemi hjá landsbókasavninum, landsskjalasavninum og øðrum stovnum á Debesartrøð. Eisini til keyp av ymiskari útgerð og til flyting av virksemi í nevndu hús. Síðani játtanin varð sett á fíggjarlógina, hevur tað víst seg, at verkætlanin er nakað dýrari enn upprunaliga mett. Tí verður biðið um, at játtanin verður hækkað við kr. 500.000, fyri at umbyggingin kann fremjast í ár. Upplýsast kann, at talið av lesandi økist skjótt. Í 2000/01 eru 159 innskrivað lesandi, meðan hetta tal í 1998/99 var 91 lesandi.

Sundurgreinað ætlan

7.23.6.19. Granskingarætlanir

Játtanin er hækkað við ónýttari játtan frá 2000, sum er kr. 137.000, ið verður endurjáttað. Hetta var avsett sum játtan í 2000 til granskingarverkætlanir, har verkætlanirnar ganga yvir tvey fíggjarár.

Sundurgreinað ætlan

7.23.6.26. Havfrøðiliga royndarstøðin – Biofar (Løgujáttan)

Byrjað varð at gera hølini klár til havfrøðiligu royndarstøðina í Kaldbak seinasta heyst fyri at nøkta krøvini hjá Arbeiðseftirlitinum. Hetta arbeiðið er ikki liðugt enn, og tí er neyðugt at endurjátta kr. 64.000 av ónýttari játtan í 2000 til liðugtgerð av hølunum.

Undir umbyggingararbeiðinum er staðfest, at takið í nýggjaru høllini er so mikið illa farið, at neyðugt er at gera bráðneyðugar ábøtur fyri at tryggja tað, sum inni er. Hetta arbeiðið er mett at kosta kr. 360.000, so samlaði tørvurin verður kr. 424.000.

Sundurgreinað ætlan

A. Yvirlit

Játtanaryvirlit

8.11.1.08. Almanna- og heilsumálastýrið (Rakstrarjáttan)

Tann 23. januar 2001 samtykti Løgtingið løgtingslóg um eitt Trivnaðar- og heilsuráð. Sambært viðmerkingunum verða útreiðslurnar til hetta ráð 2 mió. kr. Lagt er ikki upp fyri hesi avgerð Løgtingsins á fíggjarlógini, og tí má eykajáttan fáast tilvega. Á landsstýrisfundi varð avgjørt at søkja um eykajáttan upp á 1 mió. kr., sum mett verður er nóg mikið til eitt slíkt ráð.

15. desember 2000 varð sáttmáli undirskrivaður við veitaran av lønarforskipanini. Sambært sáttmálanum verða partar av gjaldinum fyri skipanina at fella í 2001.

Játtan fyri 2000: var 4.600 tús. kr.
Nýtsla fyri 2000: var 2.040 tús. kr.

Sostatt skulu 2.560 tús. kr., ið er ónýtt játtan í 2000, endurjáttast í 2001.

Sundurgreinað ætlan

8.20.3.04. Landssjúkrahúsið (Rakstrarjáttan)

Landssjúkrahúsið hevur havt eina húðlæknatænastu frá Bispebjerg Hospital. Í 2000 boðaði Bisbebjerg frá, at teir fóru at seta gjaldið munandi upp. Her var talan um, at íroknað ferðaútreiðslur koma samlaðu útreiðslurnar uppá sama støði, sum ein yvirlækni settur við sjúkrahúsverkið kostaði. Avgjørt varð tí at søkja eftir einum, og tað hevur eydnast at fáa sett ein húðlækna við Landssjúkrahúsið. Orsøkin til hesa eykajáttan er, at tað var neyðugt at tryggja sær, at lækni varð settur, áðrenn peningurin verður fluttur.

Húðlæknatænastan hevur higartil verið goldin av játtanini til høvuðskonto 8.20.3.20. Serviðgerð uttanlands, har játtan sostatt verður flutt frá.

Sundurgreinað ætlan

8.20.3.08. Landssjúkrahúsið, útbygging (Løgujáttan)

Í samband við útbyggingina av Landssjúkrahúsinum verður biðið um eykajáttan á 842 tús. kr., sum er endurjáttan av ónýttari játtan í 2000.

Sundurgreinað ætlan