30 Uppskot til løgtingslóg um broyting í løgtingslóg um áseting og javning av almannaveitingum
Skjal 5
Almannastovan
Jóna Broncksgøta 27 - Postrúm 3096
Tlf. 31 58 80 - Telefax 31 88 50
FO-110 Tórshavn
Dagur 24-11-00
Almanna- og Heilsumálastýrið
Eirargarður 2
100 Tórshavn
Att: Aibritt á Plógv, fyrisitingarstjóri
Víst verður til skriv tykkara J.nr. 0.21-2001307/17, dagfest 14. nov.
2000, har biðið verður um skrivligar viðmerkingar til, hvørjar møguligar
avleiðingar ein nýggj pensjónslóg kemur at hava:
- umsitingarliga
- um systemið á Almannastovuni klárar broytingarnar
- um tað hevur nakran týdning, at gildissetanin fyrst verður fyri
koyringarnar í februar.
Umsitingarligar avleiðingar:
Tað verða umsitingarligar avleiðingar. Almannastovan kann ikki í løtuni geva
nakað boð uppá, hvussu nógv mál, ið skulu viðgerast manuelt orsakað av
lógarbroytingini. Upplýsast kann, at í minsta lagi allar fyritíðarpensiónir, t.v.s.
sløk 2.000 mál skulu greinast manuelt út í bólkar til hægstu-, miðal- og lægstu-.
Viðv. barnaviðbótini:
Í og við, at vit onki uppskot hava fingið fyrilagt um møguligar broytingar í
samband við barnaviðbót, ber ikki til at siga nakað um avleiðingar í løtuni.
Systemið á Almannastovuni
Verður sent seinni.
Týdningurin av gildiskomunardegnum:
Kunngerðin um barnaviðbót og skiftisupphæddir er bert í gildi til
31/12-2000. Hetta merkir, at hesar viðbøtur ikki skulu sendast í desember koyringini,
sum er pensiónin fyri januar. Mælt verður til at longja hesa kunngerð at galda fyri
januar við. Um so verður, at kunngerðin ikki verður longd, heitir Almannastovan
á Almanna- & Heilsumálastýrið, um at kunna hetta út til Almenningin.
Kunngerð nr. 101 frá 20. des. 1999 um stuðul til Hjálparráð
Alt eftir nær ætlaðu broytingarnar koma í gildi, skulu vit gera vart við, at
støða skal takast til avtakan av nevndu kunngerð.
Generelt:
Almannastovan metir, at tað er umsitingarligur fyrimunur fyri stovnin, at
broytingarnar í almannapensiónslógini ikki fáa gildi fyrr enn 1. febr. 2001.
Almannastovan vil, í og við at avlamishugtakið fór úr lógini 1. jan. 2000, mæla
frá at taka hugtakið inn aftur í aðrari merking.
Vinarliga
Petra J. Joensen, stjóri