Eykajáttan februar 2002-2

A. Upprunauppskot
B. 1. viðgerð
C. Orðaskifti við 1. viðgerð
D. Álit
E. 2. viðgerð (Einki orðaskifti)
F. 3. viðgerð
G. Orðaskifti við 3. viðgerð

Ár 2002, 26. februar legði Karsten Hansen, landsstýrismaður, vegna landsstýrið fram soljóðandi  

Almennar viðmerkingar *

Høvuðsyvirlit *

§2. Løgmansfyrisiting v.m. *

2.13.3. Menningarhjálp *
2.13.3.01. Menningarhjálp *

§ 3. Fíggjarmál o.a. *

3.11.1. Fyrisiting *
3.11.1.35. Bygningur til almennar stovnar í Klaksvík (Løgujáttan) *

3.15.1. Fíggjarfyrisiting v.m. *
3.15.1.10. Nýggj fíggjarstýring (Rakstrarjáttan) *

3.35.1. Sjóvinna *
3.35.1.05. FAS-endurgjald *

§6.Vinnumál o.a. *

6.37.2. Ymiskur studningur *
6.37.2.16. Kolagrevstur *

6.38.1. Vegir og Havnir *
6.38.1.07. Nýggir landsvegir (Løgujáttan) *

6.39.4. Arbeiðsmarknaðartænastur *
6.39.4.04. Umsiting av barsilsskipan (Rakstrarjáttan) *

§7. Útbúgving og gransking o.a. *

7.11.1. Fyrisiting *
7.11.1.27. Mentamálastýrið (Løgujáttan) *

7.23.1. Ymsar útreiðslur *
7.23.1.04. Stuðulsstovnurin (Rakstrarjáttan) *

7.23.2. Fólkaskúlin v.m. *
7.23.2.02. Sernámsdepilin (Rakstrarjáttan) *

7.23.3. Miðnámsútbúgvingar *
7.23.3.05. Miðnámsútbúgvingar (Rakstrarjáttan) *
7.23.3.08. Fiskivinnu- og havbúnaðargranskingarmiðstøð (Løgujáttan) *

7.23.5. Fólkaupplýsing *
7.23.5.04. Húsarhaldsskúlar *
7.23.5.10. Musikskúlar (Rakstrarjáttan) *

7.23.6. Hægri útbúgving og gransking *
7.23.6.11. Almanna- og heilsuskúli Føroya (Rakstrarjáttan) *

7.24.2. Skapandi og útinnandi virksemi *
7.24.2.04. Mentanargrunnurin *

7.24.5. Kirkjan *
7.24.5.02. Føroysk sjómanskirkja (Nýggj høvuðskonta) *
7.24.5.09. Prestagarður í Glyvra prestagjaldi (Løgujáttan) *

§8. Almanna- og heilsumál o.a. *

8.11.1. Fyrisiting *
8.11.1.08. Almanna- og heilsumálastýrið (Rakstrarjáttan) *
8.11.1.10. Flyting av Almanna- og heilsumálastýrinum (Løgujáttan) *

8.20.3. Sjúkrahúsverkið v.m. *
8.20.3.04. Landssjúkrahúsið (Rakstrarjáttan) *
8.20.3.20. Serviðgerð uttanlands (Rakstrarjáttan) *

8.21.6. Eldri og brekað *
8.21.6.02. Bústovnur, serforsorg (Løgujáttan) *
8.21.6.04. Eldrarøkt (Rakstrarjáttan) *
8.21.6.12. Stuðulsskipanin fyri vaksin (Rakstrarjáttan)(Nýggj høvuðskonta) *

8.21.8. Sosialar pensjónir *
8.21.8.01. Fólkapensjón (Lógarbundin játtan) *
8.21.8.05. Fyritíðarpensjón (Lógarbundin játtan) *

§10. Sjálvstýrismál o.a. *

10.14.2. Skráseting og eftirlit *
10.14.2.02. Dátueftirlitið (Rakstrarjáttan) *

20. Inntøkur *

20.52.1. Skattainntøkur *
20.52.1.01. Vanligur landsskattur *

Almennar viðmerkingar 

Hjálagt er fyrsta eykajáttanaruppskot frá landsstýrinum, sum lagt verður fyri Løgtingið fyri fíggjarárið 2002. Samlaði kostnaðurin av hesum uppskoti er 42,8 mió kr.

Eykajáttanirnar kunnu eisini greinast soleiðis:

• Lógarbundin játtan … ………………….. 24.460 tús. kr.
• Løgujáttan ……….…………………….. 10.156 tús. kr.
• Onnur játtan…………………………….. -6 tús. kr.
• Rakstrarjáttan…………………………… 8.232 tús. kr.

Íalt …………………………………………. 42.842 tús. kr.

Av Onnur játtan eru inntøkur á 9,7 mió kr.

Hetta eykajáttanaruppskot er merkt av, at biðið verður um endurjáttanir av løgum og verkætlanum av ónýttari játtan í 2001. Talan er um endurjáttanir upp á 8,2 mió kr. Av hesum eru 4 mió kr. løgujáttanir, og 4,3 mió kr. eru rakstrarjáttanir.

Hetta uppskot til eykajáttanarlóg kann greinast soleiðis:

Á § 2 verður biðið um 2,7 mió kr. til menningarhjálp í Afganistan.

Á § 3 verður biðið um at fáa endurjáttað 0,3 mió kr. av ónýttari játtan í 2001 til bygning til almennar stovnar í Klaksvík. Biðið verður um 0,7 mió kr. til at fáa til vega eina nýggja fíggjarlógarskipan til at styrkja landsins fíggjarstýring. Harafturat verður biðið um 5,5 mió kr. til broytingar í lutfallinum millum land og kommunur av FAS-endurgjaldinum.

Á § 6 verður biðið um 0,3 mió kr. til kolagrevstur, 2,2 mió kr. til nýggjar landsvegir, og 1 mió kr. til endurjáttan av ónýttari játtan í 2001 til umsiting av barsilsskipan.

Á § 7 verður biðið um 1,5 mió kr. til løgujáttan hjá Mentamálastýrinum, herav ónýtt játttan frá 2001 á 1,2 mió kr. verður endurjáttað í 2002. Til Stuðulsstovnin verður biðið um 575 tús. kr., harav 500 tús. kr. er endurjáttan til edv-skipan. Til Miðnámsútbúgvingar verður biðið 801 tús. kr., harav 736 tús. kr. er endurjáttan í sambandi við makaskifti. Harumframt verður biðið um 4,2 mió kr. til at keypa bygning í Vestmanna, sum skal hýsa virkseminum hjá Fiskivinnuskúlanum. Harafturat verður biðið um 244 tús. kr. til Húsarhaldskúlar til øktan næmingastuðul og rakstur, 435 tús. kr. til Musikskúlar til at halda núverandi næmingatal alt árið, 400 tús. kr. til Almanna- og heilsuskúla Føroya til eftirútbúgving av sjúkrasystralærarum. Til Mentanargrunnin verður biðið um 500 tús. kr. til bókaútgávur og onnur tiltøk, til Føroyska sjómanskirkju 500 tús. kr. í stuðli til sjómansprest og til prestagarðin í Glyvra prestagjaldi endurjáttan á 80 tús. kr. til ábøtur.

Á § 8 verður biðið um at fáa endurjáttað 1,5 mió kr. av ónýttari játtan í 2001 til Almanna- og heilsumálastýrið til miðfirring av lønarskipan. Biðið verður eisini um at fáa endurjáttað 1,2 mió kr. til umvælingararbeiði í sambandi við flyting av Almanna- og heilsumálastýrinum. 0,7 mió kr. verður biðið um til Landssjúkrahúsið til røktarútgerð, kommunulæknaútbúgving og sølu av øki. Til Bústovn, serforsorg verður biðið um 702 tús. kr. til keyp av øki til sambýli til sálarsjúk, til Serviðgerð uttanlands 470 tús. kr., sum er rætting av játtanini á fíggjarlógini. Til Stuðulsskipan fyri vaksin verður biðið um 1.340 tús. kr., sum er útreiðsluneutralt við tað, at játtanirnar til Eldrarøkt og Fyritíðarpensjón lækka ávikavist 300 tús. kr. og 1.040 tús. kr. Til Fólkapensjón verður biðið um 25,5 mió kr. til hækking av persónligu viðbótini við 400 kr um mánaðin og hækking av inntøkumarkið.

Á § 10 verður biðið um 0,6 mió kr. til Dátueftirlitið.

Á § 20 verður vanligur landsskattur hækkaður við 9,7 mió kr. vegna virknaðin av at gera grundupphæddina av fólkapensjónini skattafría og avtaka skattafrádráttin til fólkapensjónistar.

Skjal: Upprit um sjómansprest frá Mentamálastýrinum

 Høvuðsyvirlit

A. Yvirlit

Játtanaryvirlit

Viðmerkingar

Støðan í Afganistan er sera álvarslig, og mett verður, at umleið 7,5 mió fólk líða hungursneyð. Landsstýrið hevur viðgjørt spurningin um, hvussu Føroyar á bestan hátt kunna hjálpa afganska fólkinum, nú tey eru í svárari neyðstøðu. Landsstýrið ynskir at lata bráðfeingisneyðhjálp til World Food Programm, WFP, ið tekur sær av størstapartinum av matvøruhjálpini til flóttafólk í ST-høpi. Stuðulin verður nýttur til at keypa mat fyri í grannalondunum hjá Afganistan, sum so verður býttur út til neyðstødd fólk í Afganistan. Tá verkætlanin er liðug, verður ein endalig frágreiðing latin veitaranum, ið lýsir verkætlanina, hvussu hon er sett í verk, og hvat úrslitið av verkætlanini er.

Søkt verður um eykajáttan upp á kr. 2,7 mió kr. til menningarhjálp í Afganistan.

Sundurgreinað ætlan

 § 3. Fíggjarmál o.a. 

A. Yvirlit

Játtanaryvirlit

Viðmerkingar

Biðið verður um, at óbrúkt játtan á 300 tús. kr. í fjør verður endurjáttað. Játtanin skal nýtast til fyrsta partin av innrættingini av bygninginum.

Sundurgreinað ætlan

 3.15.1. Fíggjarfyrisiting v.m.

3.15.1.10. Nýggj fíggjarstýring (Rakstrarjáttan)

Rakstrarjáttanin Nýggj fíggjarstýring verður brúkt til at innføra nýggjar EDV-skipanir á arbeiðsøkinum hjá Føroya Gjaldstovu og strekkja verkætlanirnar seg yvir fleiri ár. Byrjað varð longu í 1994, og verður 3. verkætlanin – lønskipanin – eftir ætlan liðug at taka í nýtslu í ár. Meðan ein nýggj 4. verkætlan – fíggjarlógarskipan – eftir ætlan byrjar í ár og verður liðug næsta ár.

Endamálið er at fáa til vega eina figgjarlógarskipan, ið styrkir landsins fíggjarstýring við at stuðla undir eina lætta og miðvísa mannagongd í sambandi við gerð av fíggjarlógum, eykajáttanarlógum og uppfylging av hesum.

Ætlanin er, at skipanin verður útboðin á sumri í ár, og at hon verður liðug og endaliga stovnsett á vári komandi ár. Samlaði kostnaðurin av at gera skipanina er mettur til 1,4 mió kr., har helvtin fellur tá arbeiðið at menna skipanina byrjar og restin, tá skipanin er tikin í nýtslu.

Sundurgreinað ætlan

Yvirlit yvir endurskoðaðu verkætlanina

FAS- endurgjaldið hevur higartil verið borið helvt um helvt av landi og kommunum. Hetta lutfall verður nú broytt til 72% til landið og 28% til kommunurnar. Broytingin væntast at kosta landskassanum 5,5 mió kr.

Orsøkin til broytta lutfallið er, at landið vil kompensera kommununum fyri ein part av tí minnu skattainntøku, kommunurnar koma at fáa orsakað av broytingum í skattalóggávuni, ið verða gjørdar fyri at bøta um fíggjarkorini hjá fólkapensjónistum.

Sundurgreinað ætlan

A. Yvirlit

Játtanaryvirlit

B. Játtanir

6.37.2.16. Kolagrevstur

Roynds Kolasøla hevur ætlanir um at fara undir kolavinnu í Prestfjalli og hevur søkt um at fáa eina eykajáttan upp á 500 tús. kr., sum bert skal nýtast til tað endamálið, tí tað er kostnaðarmikið at fara undir nýtt kolanám. Sambært Roynds Kolasølu er tað bert ein spurningur um tíð, til kolið er uppi undir Rókunum, har kol verður høgt nú. Landsverkfrøðingsstovnurin hevur gjørt borikanningar í Prestfjalli, og vístu tær gott úrslit.

Søkt verður um, at játtanin verður hækkað við 250 tús. kr. til endamálið í ár.

Sundurgreinað ætlan

6.38.1    Vegir og Havnir

Søkt verður um eina eykajáttan upp á íalt 2,15 mió kr. til vegastrekkið Skálafjørður – Gøtueiði. Í ár eru 1 mió kr. játtaðar til vegastrekkið, men røkkur játtanin ikki til tess at gera arbeiðið liðugt. Mælt verður til at játta 2,15 mió kr. til liðugtgerð av vegastrekkinum Skálafjørður – Gøtueiði. Annars verður neyðugt at steðga arbeiðnum um 1-2 mánaðir, sum er sera óheppið, tí tað kostar at rigga av og at rigga til, umframt at teinurin fer at liggja sum eitt arbeiðspláss.

Í fjør vóru 6,0 mió kr. játtaðar til vegastrekkið, men eydnaðist bert at brúka 4,85 mió kr. av játtanini. Av eykajáttanini er sostatt talan um at endurjátta 1,15 mió kr.

Sundurgreinað ætlan

Virksemisyvirlit

 6.39.4. Arbeiðsmarknaðartænastur

6.39.4.04. Umsiting av barsilsskipan (Rakstrarjáttan)

ALS umsitur barsilsskipanina.

Byrjanarkostnaðurin serliga fyri EDV-veitingar gjørdist væl dýrari enn mett frammanundan. Í uppskoti til eykajáttan fyri september 2001, sum varð samtykt í november, varð tí søkt um eina eykajáttan upp á 1,9 mió kr. Av hesum skuldu 1,2 mió kr. nýtast til EDV-skipanir. Eykajáttanin kom tó so seint, at tað ikki eydnaðist at nýta meira enn 155 tús. kr. av játtanini til telduforrit.

Søkt verður tí um eina eykajáttan upp á 1,04 mió kr. til EDV-veitingar. Talan er í veruleikanum um at endurjátta áður givna játtan. Viðmerkjast skal, at byrjanarkostnaðurin er ein eingangsútreiðsla.

Sundurgreinað ætlan

A. Yvirlit

Játtanaryvirlit

Viðmerkingar

Søkt verður um, at óbrúkt játtan frá 2001 verður endurjáttað í 2002. Harumframt verður biðið um hækkaða játtan, 300 tús. kr., at rinda meirkostnað vegna hækkan av arbeiðslønum á heysti 2001 og tilfarshækkingar í 2002. Arbeiðið er sett í verk seinasta heyst og væntast at verða liðugt í vár.

Sundurgreinað ætlan

 7.23.1. Ymsar útreiðslur

7.23.1.04. Stuðulsstovnurin (Rakstrarjáttan)

Søkt verður um, at óbrúkt játtan frá 2001, 500 tús. kr., verður endurjáttað stovninum í 2002. Stuðulsstovnurin hevur sett eitt fyrireikandi arbeiði í verk at fáa nýggja edv-skipan til stovnin. Stuðulsstovnurin fekk í november mánaði 2001 játtað 600 tús. kr. á eykafíggjarlóg til hetta endamál. Av tí at tað var so langt útliðið í fíggjarárinum, áðrenn peningurin varð játtaður, náddi Stuðulsstovnurin bert at byrja upp á ætlanina - kravfestingin varð gjørd. Í vár verður klárt at bjóða skipanina út, tí ber ikki til at siga neyvt, hvussu nógv skipanin fer at kosta, men kostnaðurin væntast at verða uml. 1,5 mió kr. tilsamans. Arbeiðið heldur áfram, so skjótt sum játtan er tøk.

Eisini verður biðið um hækkan av játtanini til Altjóða skrivstovuna upp á 75 tús. kr. Lønarkostaðurin hækkaði aftaná, at fíggjarlógin fyri 2002 var liðug. Harumframt er neyðugt við størri játtan til samstarvið við aðrar lærustovnar og altjóða samstarv annars.

Sundurgreinað ætlan

 7.23.2. Fólkaskúlin v.m.

Undirkonta 7.23.2.02.40. Inntøkufíggjað virksemi

Í fíggjarlógini fyri 2002 stendur: "Miðað verður eftir, at Almanna- og heilsumálastýrið skal bera ábyrgdina av hoyritólavirkseminum".

Almanna- og heilsumálastýrið hevur nú boðað frá, at tey hava funnið hølir og sostatt kunnu yvirtaka hoyritólavirksemið.

Mentamálastýrið og Almanna- og heilsumálastýrið eru samd um, at Landssjúkrahúsið skal bera ábyrgdina av hoyritólavirkseminum frá 1. mai 2002.

Sundurgreinað ætlan

 7.23.3. Miðnámsútbúgvingar

7.23.3.05. Miðnámsútbúgvingar (Rakstrarjáttan)

Í sambandi við makaskifti millum Tórshavnar Kommunu og Tekniska Skúlan í Tórshavn fekk skúlin játtað 5 mió kr. í 2001 til skiftið v.m. Restupphæddin eftir makaskiftið skal nýtast til viðlíkahald m.a at skifta tøk á høllunum við. Orsakað av veðri o.ø eru pr. 31.12.2001 736 tús. kr. av hesi játtan ikki nýttar. Søkt verður tí um at fáa hesa upphædd endurjáttaða í 2002, soleiðis at tøkini kunnu verða skift.

Útleigarin av matr. nr. 1039b, Tórshavn hevur í skrivi, dagfest 30. januar 2002, boðað Tekniska skúla í Tórshavn frá, at leigan verður hækkað við 13 tús. kr. um mánaðin frá 1. august 2002 at rokna. Søkt verður tí um 65 tús. kr. sum eykajáttan til húsaleigu í 2002.

Sundurgreinað ætlan

7.23.3.08. Fiskivinnu- og havbúnaðargranskingarmiðstøð (Løgujáttan)

Søkt verður um serstaka játtan til at keypa bygning í Vestmanna, ið serliga skal hýsa virkseminum hjá Fiskivinnuskúlanum. Talan er í fyrstu syftu um at nøkta verandi hølistørv hjá skúlanum, men eisini við atliti at yrkisútbúgvingini innan fiskiídnað og aling, sum ætlandi byrjar seinni í ár. Fiskivinnuskúlin hevur síðan stovnanina í 1989 húsast við fyribilsloysnum, ið ikki kunnu metast sum nøktandi fyri framhaldandi virksemi skúlans. Í bygninginum, ið ætlanin er at keypa, kann ein víðari útbygging verða framd seinni, sambært tilmælinum um ein sonevndan Sjódepil, ið kom fram á sumri 2001. Fiskivinnuskúlin verður tá partur av einum miðsavnandi undirvísingar- og menningarumhvørvi, ið vinnuni leingi hevur tørvað, og sum eisini kann gerast karmur um eitt munadygt upplýsingarvirksemi um fiski- og alivinnuna.

Sundurgreinað ætlan

7.23.5. Fólkaupplýsing

7.23.5.04. Húsarhaldsskúlar

Søkt verður um, at næmingastuðulin verður hækkaður til 2.000 kr. um mánaðin fyri hvønn næming sambært ásetingunum í § 4 í kunngerð nr. 80 frá 1. august 1991 um veiting av næmingastudningi til Húsarhaldsskúla Føroya.

Sundurgreinað ætlan

7.23.5.10. Musikskúlar (Rakstrarjáttan)

Játtanin til Musikskúlaskipanina hækkaði í fíggjarárinum 2001, og virksemið øktist samsvarandi frá skúlaársbyrjan í august 2001. Tilsamans øktist tímatalið við 140 tímum, og 300 næmingar fleiri eru upptiknir í skipanina.

Um hetta økta virksemið skal halda fram alt árið 2002, er neyðugt við eini eykajáttan, sum er á 350 tús. kr.

Útreiðslur fyri dagpening í sambandi við ferðing, íalt áleið 170 tús. kr., sum ídag verður goldið helvt um helvt av landi og kommunu, eigur sambært lógargrundarlagnum at verða goldið av landi. Hetta ber við sær eina minni inntøku, sum er 85 tús. kr. Hetta eru viðurskifti, ið Landsgrannskoðanin hevur gjørt vart við í ár.

Sundurgreinað ætlan

Søkt verður um, at partur av óbrúktari játtan frá 2001 verður endurjáttað skúlanum í 2002. Játtanin skal nýtast til at skúla lærarar á sjúkrasystraskúladeildini. Harumframt er neyðugt at gera einstakar tillagingar á almanna- og heilsuskúladeildina á Tvøroyri í ár.

Sundurgreinað ætlan

Mentanargrunnurin virkar við heimild í løgtingslóg nr. 84 frá 17. mai 2000 um Mentanargrunn Landsins. Tørvurin á fígging úr Mentanargrunninum er í ár longu nú óvanliga stórur. Tá ið grunnurin hevur lokið sínar skyldur mótvegis teimum, ið hava fingið tilsøgn um starvslønir, eru bert 900.000 kr. eftir til bókaútgávu, fløguútgávu, til mentanarlig tiltøk og mentanarligar verkætlanir. Mentanargrunnurin hevur longu nú fingið óvanliga nógvar og sera dygdargóðar umsóknir til útgávur eins væl sum til áhugaverd mentanartiltøk og til sera týðandi mentanarligar verkætlanir. Vanliga letur grunnurin upp til 30% í stuðli til útgavu. Um grunnurin skal kunna nøkta tørvin við atliti at teimum mongu umsóknum, ið dygdarliga lúka øll krøv til at fáa tilsøgn, og teimum umsóknunum, ið ein av royndum veit fara at koma seinni ár, er neyðugt at hækka játtanina til Mentanargrunnin við 500.000 kr.

Sundurgreinað ætlan

7.24.5. Kirkjan

7.24.5.02. Føroysk sjómanskirkja (Nýggj høvuðskonta)

Játtaður verður stuðul til føroysku sjómanskirkjuna, so tað verður møguligt at løna einum føroyskum sjómanspresti. Upplýsandi notat verður handað tingmonnum í sambandi við viðgerðina.

Sundurgreinað ætlan

7.24.5.09. Prestagarður í Glyvra prestagjaldi (Løgujáttan)

Í sambandi við at nýtt prestastarv er stovnsett í Glyvra prestagjaldi, hevur Mentamálastýrið útvegað hóskandi hús til prestagarð í prestagjaldinum. Mentamálastýrið fer at leiga Føroya Stiftstjórn húsini. Áðrenn leigumálið byrjar, mugu nakrar minni ábøtur gerast innandura, tí verður søkt um, at óbrúkt játtan frá 2001 verður endurjáttað í 2002.

Sundurgreinað ætlan

A. Yvirlit

Játtanaryvirlit