Marknaðarføring
45 Uppskot til løgtingslóg um marknaðarføring
Viðmerkingar til Áliti
Brúkaraumboð
Álitið um brúkaraverju er sent stovnum, feløgum og einstaklingum til hoyringar.
Hesi hava gjørt sínar viðmerkingar:
- Starvsmannafelagið (fegnast um álitið)
- Løgtingsins umboðsmaður (Ummælir ikki,
tí hann skal bara ummæla lógaruppskot, ið snúgva seg um ella nerta við virkisøki
hansara.
- Heilsufrøðiliga Starvsstovan (sum
stovnur hjá Føroya landsstýri, Vinnumálastýrinum, ummæla vit bert lógaruppskot, vit
fáa frá okkara stýri. T.v.s lógaruppskot, sum koma frá teirri til eina og hvørja
tíð sitandi samgongu.")
- Føroya Pedagogfelag (hava ikki stundir at
viðgera álitið)
- Føroya Postfelag (Taka av fullum huga undir
við álitinum og vóna, at tey verða samtykt og framd í verki)
- Kappingarráðið (høvdu ikki stundir at
viðgera og gera viðmerkingar til áltið áðrenn 5. oktober 2001, men síðani hava vit
heldur ikki frætt frá teimum).
- Føroya Keypssamtøka (Tey kundu hugsað
sær, at grein 8 varð víðkað við einum punkti, har tað stendur, at ikki er loyvt
at nýta afturvið gávur (tilgift)
- Føroya Banki heldur uppskotið vera alt ov
umfatandi fyri okkara lítla samfelag. Serstakliga § 7 fellur ikki væl hjá Bankanum.
(broytingar eru gjørdar til § 7 m.a. útfrá viðm. bankans)
- Føroya Arbeiðsgevarafelag hevur eisini
umfatandi argument fyri, at álitið er ikki neyðugt. Teir nevna eisini § 7, sum teir
meina frammanundan er regulerað í løgtingslóg um vinnu.
- Føroya Arbeiðarafelag hevur gjørt
umfatandi viðmerkingar til uppskotið og tær einstøku greinirnar. Nógvar av
viðmerkingunum og broytingaruppskotunum hjá FA eru tiknar til eftirtektar og settar inn
í endaliga álitið.
- Búskapar- og Løgfrøðingafelag Føroya
frøir seg um, at málið verður tikið upp og viðgjørt, men heldur, at álitið átti
ikki í so stóran mun at verið umseting av útlendskum lógum, men heldur ein
serføroysk lóggáva.