Eykajáttanarlóg oktober 1998-2

1-4 Uppskot til eykajáttanarlóg oktober 1998 - 2

A. Upprunauppskot
B. 1. viðgerð
C. Álit
2. viðgerð

Ár 1998, 27. oktober, legði Henrik Old, løgtingsmaður, vegna Javnaðarflokkin fram soljóðandi

Uppskot

til

eykajáttanarlóg oktober 1998 - 2

Almennar viðmerkingar

Í fíggjarløgtingslógini fyri 1998 er játtað 1 mió. kr. til høvuðskonto 4.38.2.21. Stuðul til útoyggjar. Landsstýrið legði í vár fram lógaruppskot, um hvussu játtanin skal umsitast, men av tí, at val varð útskrivað, fall lógaruppskotið burtur. Nú so langt er liðið út á árið, uttan at lógarreglur eru gjørdar um umsiting av játtani, fer Javnaðarflokkurin at leggja lógaruppskot fyri tingið hesum viðvíkandi. Játtanin verður ikki øll brúkt í 1998, og mælt verður tí til, at lækka játtanina til hesa høvuðskonto við kr. 350.000,- og flyta upphæddina til høvuðskonto 4.38.2.01. Strandfaraskip Landsins (Landsfyritøka), og hækka játtanina til Oyggjaleiðir við 350.000 kr. soleiðis, at "Smyril" ger tveir túrar meira um vikuna á Suðuroyarfarleiðini, har annar verður sigldur á Vág.

§ 4. Mentan og samskifti o.a.
A. Yvirlit

Játtanaryvirlit

Túsund kr.	Nettotal	Útreiðslur	Inntøkur
Útreiðsluætlan	-	-	-
Inntøkuætlan	-	-	-
Løguætlan	-	-	-

Samferðsla og samskifti……………………………………………….	-	-
4.38.2. Samferðsla	-	-

B. Játtanir

		Útreiðslur	Inntøkur
		tús. kr.
4.38.2. Samferðsla
4.38.2.01 Strandfaraskip landsins (Landsfyritøka)	J	43.800	-
	EYJ	350	-
4.38.2.21. Stuðul til útoyggjar	J	1.000	-
	EYJ	-350	-

Viðmerkingar

4.38.2. Samferðsla
4.38.2.01. Strandfaraskip Landsins (Landsfyritøka)
Játtanin verður hækkað í 1998 við kr. 350.000, so "Smyril" kann gera tveir túrar meira um vikuna á Suðuroyarfarleiðini, har annar verður sigldur á Vág.

Uppgerð av nettotølum

tús. kr.	J	EYJ	J+EYJ
Inntøkur	67.600	-	67.600
Felags fyrisiting	500	-	500
Oyggjaleiðir	38.400	-	38.400
Bygdaleiðir	20.000	-	20.000
Farmaflutningur á landi	8.700	-	8.700
Uttanlandaflutningur	-	-	-
Játtan	43.800	350	44.150
Útreiðslur	111.400	350	111.750
Felags fyrisiting	15.200	-	15.200
Oyggjaleiðir	58.300	350	58.650
Bygdaleiðir	25.000	-	25.000
Farmaflutningur á landi	12.900	-	12.900
Uttanlandsflutningur	-	-	-
Rentur og avskrivingar	-	-	-
Nettotal	0	0	0

Sundurgreinað ætlan

tús. kr.	J	EYJ	J+EYJ
Nettoútreiðslujáttan	43.800	350	44.150
Útreiðslur	111.400	350	111.750
Inntøkur	67.600	-	67.600
20. Vanligt virksemi
*Útreiðslur*	111.400	350	111.750
11. Lønir o.a.	44.300	300	44.600
14. Keyp av vørum og tænastum	47.900	50	47.950
15. Keyp av útbúnaði, netto	1.000	-	1.000
16. Leiga, viðlíkahald og skattir	17.700	-	17.700
32. Útvegan av annleggi	500	.	500
*Inntøkur*	67.600	-	67.600
21. Søla av vørum og tænastuveitingum	67.600	-	67.600

Stuðul til útoyggjar
Játtanin verður ikki øll nýtt í 1998, kr. 350.000 verða tí fluttar til høvuðskonto 4.38.2.01 Strandfaraskip Landsins (Landsfyritøka).

Sundurgreinað ætlan

tús. kr.	J	EYJ	J+EYJ
Útreiðslujáttan	1.000	-350	650
01. Stuðul
Útreiðslur	1.000	-350	650
54. Stuðul til annað virksemi	1.000	-350	650

1. viðgerð 30. oktober 1998. Málið beint í fíggjarnevndina, sum tann 26. november 1998 legði fram soljóðandi

Á l i t

Málið var lagt fram av Javnaðarflokkinum tann 27. oktober 1998 og varð eftir 1. viðgerð tann 30. oktober 1998 beint í fíggjarnevndina.

Fíggjarnevndin hevur viðgjørt málið, ið snýr seg um at veita eina eykajáttan í 1998 uppá kr. 350.000 til Strandfaraskip Landsins, soleiðis at "Smyril" ger tveir túrar meira um vikuna á Suðuroyarfarleiðini. Upphæddin verður tikin av kontoini "Stuðul til útoyggjar", sum lækkar samsvarandi. Nevndin hevur undir viðgerðini havt fund við Finnboga Arge, landsstýrismann.

Fíggjarnevndin hevur býtt seg í ein meiriluta og ein minniluta.

Meirilutin (Jørgen Niclasen, Jógvan Durhuus, Heini O. Heinesen, Sámal Petur í Grund og Lisbeth L. Petersen) vísir á, at landsstýrismaðurin hevur upplýst, at "Smyril" í komandi ferðaætlan fer at økja um túratalið til Suðuroyar. Meirilutin vísir eisini á, at landsstýrismaðurin hevur upplýst, at kanningarnar verða gjørdar í samband við at dagføra Suðuroyarfarleiðina, og heldur meirilutin, at bíðað eigur at verða eftir hesum kanningarúrslitum, áðrenn støða verður tikin til at broyta verandi Suðuroyarsigling. Meirilutin ivast í, um tað er rætt at taka pening frá útoyggjunum til eykatúrar til Suðuroyar seint í árinum, heldur enn at gera eina heildarloysn fyri farleiðina. Fyriliggjandi uppskot kemur at forða fyri eini heildarloysn. Meirilutin setir tí einki uppskot fram.

Minnilutin (Vilhelm Johannesen og Flemming Mikkelsen) tekur undir við málinum og mælir løgtinginum til at samtykkja fyriliggjandi uppskot.

2. viðgerð 1. december 1998. Uppskotið fall 14-1-17.