Handilssáttmáli Pólland

FRÍHANDILSSÁTTMÁLI

MILLUM

KONGARÍKI DANMARKAR

OG FØROYA

OG

LÝÐVELDI PÓLLANDS

 

 

FRIHANDELSAFTALE

MELLEM

KONGERIGET DANMARK

OG FÆRØERNE

OG

REPUBLIKKEN POLEN

 

 

UMOWA O WOLNYM HANDLU

MIEDZY

KRÓLESTWEM DANII

I WYSPAMI OWCZYMI

A

RZECZAPOSPOLITA POLSKA

 

 

FREE TRADE AGREEMENT

BETWEEN

THE KINGDOM OF DENMARK

AND THE FAROE ISLANDS

AND

THE REPUBLIC OF POLAND

 

 

 

 

FRÍHANDILSSÁTTMÁLI

MILLUM

KONGARÍKI DANMARKAR

OG FØROYA

OG

LÝÐVELDI PÓLLANDS

 

 

KONGARÍKI DANMARKAR OG FØROYA

øðrumegin og

LÝÐVELDI PÓLLANDS

hinumegin,

SUM EFTIR HETTA verða nevnd sáttmálapartarnir

SUM VÍSA TIL støðu Føroya sum ein sjálvstýrandi part av Danmark,

SUM VÍSA TIL GATT/WTO treytir Føroya undir skyldum Danmarkar

SUM HAVA FYRILIT FYRI tí lívsneyðuga týdningi fiskivinnan, sum tann týdningarmesta vinnan, hevur fyri Føroyar, við tað at fiskur og fiskavørur eru høvuðsútflutningsvørurnar,

SUM HAVA FYRILIT FYRI tí neyðuga týdningi fiskivinnan hevur fyri Pólland,

SUM ERU SINNAÐIR at tryggja og víðka um verandi búskaparliga sambandið, sum er millum Póllands og Føroya, og at tryggja, við serligum atliti til kappingarumstøður á jøvnum føti at tryggja eina hóvliga menning av samhandlinum í samanhang við europeiskt samstarv.

SUM HAVA SETT SÆR FYRI stig fyri stig at taka burtur flestallar forðanir fyri samhandilin samsvarandi treytunum í tí Almenna Sáttmálanum um Toll og Uttanríkishandil (GATT) 1994 um stovnseting av fríhandilsøkjum, og í Sáttmálanum um at stovna Heimshandilsfelagsskapin

SUM BOÐA FRÁ, at teir eru til reiðar, við atliti til allar viðkomandi tættir og serliga menningina í europeiska samstarvinum, at kanna møguleikarnar fyri at menna og styrkja sambandið, so tað eisini kemur at umfata øki, sum hesin sáttmáli ikki fevnir um;

SUM HAVA FYRILIT FYRI, at til tess at økja um smidleikan er hóskiligt at veita einari felagsnevnd myndugleika at ráða av broytingum í treytunum í hesum sáttmála.

HAVA AVGJØRT, fyri at útinna hesi stevnumið og við atliti til, at eingin regla í hesum sáttmála kann verða tulkað soleiðis, at sáttmálapartarnir sleppa undan teim skyldum, sum teimum eru álagdar í øðrum altjóða sáttmálum,

AT GERA HENDA SÁTTMÁLA:

 

 

Grein 1

Endamál

Sáttmálapartarnir seta stigvíst á stovn í eini skiftistíð, sum varar til í seinasta lagi 31. desember 2002 eitt fríhandilsøki, ið fatar um Føroyar og lýðveldið Pólland samsvarandi reglunum í hesum sáttmála og í samsvari við tær í GATT 1994.

Sáttmálin hevur til endamáls:

a) hóvliga at menna búskaparliga sambandið sáttmálapartanna millum við at økja um sínámillum samhandilin, soleiðis at búskaparliga virksemið verður økt, livi- og arbeiðskorini betrað, framleiðslan økt og fíggjarliga støðufestið styrkt,

b) at tryggja samhandlinum sáttmálapartanna millum rímiligar kappingarumstøður,

c) at vera við til á henda hátt hóvliga at menna og økja heimshandilin við at taka burtur forðingarnar fyri samhandli.

 

 

Kapittul I

Grein 2

Øki sáttmálans

Hesin sáttmáli fevnir um vørur, sum hava sín uppruna í Føroyum ella í Póllandi:

a) sum koma undir kapitlarnar 25-97 í tí Tillagaðu Skipanini, og eru aðrar enn tær, nevndar eru í ískoyti I til sáttmálan um landbúnað innan fyri karmarnar á WTO,

b) sum eru útgreinaðar í frumskjølunum 1, 2 og 3 í hesum sáttmála við neyðugum atliti at fyriskipanum, loyvdum í hesum frumskjølum.

 

 

Ídnaðarvørur

Grein 3

Tollur á innflutningi og útflutningi

og avgjøld við samsvarandi ávirkan

1. Eingin nýggjur tollur verður ásettur á innflutning og útflutning ella avgjøld við samsvarandi ávirkan sum tollur í samhandlinum sáttmálapartanna millum.

2. Sáttmálapartarnir taka av allan toll ella avgjøld við samsvarandi ávirkan á útflutning í sínámillum handli á tí degi, hesin sáttmáli kemur í gildi.

3. Føroyar skulu taka av allan toll ella avgjøld við samsvarandi ávirkan á innflutning úr Póllandi, tá ið hesin sáttmáli kemur í gildi.

4. Pólland skal, vørurnar nevndar í ískoyti II undantiknar, taka av allan toll og avgjøld við samsvarandi ávirkan á innflutning av ídnaðarvørum úr Føroyum, tá ið hesin sáttmáli kemur í gildi.

 

Grein 4

Fíggjartollur

Reglurnar fyri avtøku av tolli á innflutning skal eisini fevna um fíggjartoll.

 

Grein 5

Avmarking í nøgd á innflutningi og útflutningi

og tiltøk við samsvarandi ávirkan

1. Ongar nýggjar avmarkingar í nøgd á innflutningi og útflutningi ella tiltøk við samsvarandi ávirkan verða sett í gildi í samhandlinum sáttmálapartanna millum.

2. Allar avmarkingarnar í nøgd á innflutningi og útflutningi og tiltøk við samsvarandi ávirkan verða tikin av tann dagin, hesin sáttmáli kemur í gildi, burtursæð frá tí, ið nevnt er í ískoyti III.

 

Kapittul II

Landbúnaðarvørur

Grein 6

1. Reglurnar í hesum kapitli verða at galda fyri landbúnaðarvørur, sum hava sín uppruna í Føroyum ella í Póllandi.

2. Heitið "landbúnaðarvørur" merkir vørurnar, sum nevndar eru í kapittlunum 1 og 24 í tí Tillagaðu Skipanini og tær vørur, nevndar eru í ískoyti I til sáttmálan um landbúnað innan fyri karmarnar á WTO, men fiskur og aðrar vørur úr sjónum eru ikki við.

 

Grein 7

Undantøk

1. Sáttmálapartarnir skulu geva hvør øðrum undantøk, útgreinað í frumskjølunum 1 og 2 í hesum sáttmála í samsvari við reglurnar í hesum kapittli og í frumskjølunum.

2. Reglurnar í hesum kapittli skulu ikki á nakran hátt forða sáttmálapørtunum í at arbeiða fyri teirra egna landbúnaðarpolitikki ella at taka politisk stig, herundir at fremja reglurnar í landbúnaðarsáttmálanum innan fyri karmarnar fyri heimshandilsfelagsskapin WTO.

3. Sáttmálapartarnir skulu nýta reglurnar á djóraheilsuliga, heilsuliga og plantuheilsuliga økinum soleiðis, at munur ikki verður gjørdur, og skulu ikki seta nýggjar reglur í verk, sum kunnu tarna samhandlinum óneyðuga.

 

Grein 8

Serlig verndarstig

Um innflutningur av vørum við uppruna hjá øðrum sáttmálapartinum, sum í hesum sáttmála verða veitt sømdir, hóast aðrar reglur í hesum sáttmála og serstakliga grein 21, við atliti til at landbúnaðarmarknaðir eru serliga viðkvæmir, álvarsliga órógvar marknaðirnar hjá hinum sáttmálapartinum, skal viðkomandi sáttmálapartur beinanvegin hava ráðleggingar til tess at finna eina hóskandi loysn. Til slík loysn er funnin, kann viðkomandi sáttmálapartur taka tey stig, hann heldur vera neyðug.

 

 

Kapittul III

Fiskur og vørur úr sjónum

 

Grein 9

1. Reglurnar í hesum kapittli verða at galda fyri fisk og aðrar sjóvørur, sum hava sín uppruna annaðhvørt í Føroyum ella í Póllandi.

2. Frumrit 3 í hesum sáttmála ásetur tollviðgerð og fyriskipanir at galda fyri fisk og aðra vøru úr sjónum.

 

Kapittul IV

Almennar reglur

Grein 10

Upprunareglur og fyrisitingarligt samstarv

1. Frumskjal 4 til henda sáttmála ásetur reglur um uppruna og viðkomandi fyrisitingarligar samstarvshættir.

2. Partarnir taka hóskandi stig, herundir at felagsnevndin ger regluligar endurskoðanir og fyriskipanir um fyrisitingarligt samstarv.

 

Grein 11

Innlendis skattur

1. Sáttmálapartarnir halda seg frá eini og hvørjari fyriskipan ella innlendis fíggjarligari gjaldsgongd, sum beinleiðis ella óbeinleiðis ger mun á vørum hjá øðrum sáttmálapartinum og líkum vørum, sum hava sín uppruna í hinum sáttmálapartinum.

2. Framleiðslur, sum verða útfluttar til økið hjá øðrum sáttmálapartinum, kunnu ikki fáa fyrimun av einum innlendis avgjaldsendurgjaldi, sum er hægri enn tað avgjaldið, sum beinleiðis ella óbeinleiðis er álagt teimum.

 

Grein 12

Gjaldingar

Gjaldingar viðvíkjandi samhandli og flytingar av hesum upphæddum til økið hjá sáttmálapartinum, har kravánarin hevur bústað sín, eru undantikin øllum avmarkingum.

 

Grein 13

Almenn undantøk

Sáttmálin forðar ikki fyri forboðum og avmarkingum fyri innflutningi, útflutningi ella vørum í gjøgnumflutningi, sum eru grundað á almenna siðalagið, lóg og landaskil ella almenna trygd, at verja lív ella heilsu manna, djóra ella plantu, at verja tjóðskaparligar dýrgripir við listarligum, søguligum ella fornfrøðiligum virði, at verja ognarrætt hugverka, ídnaðar og handilsogna ella reglur viðvíkjandi gulli ella silvuri ella at varðveita avmarkað náttúrutilfeingi, um slík tiltøk verða sett í verk í sambandi við avmarkingar í innlendis framleiðing ella nýtslu. Slík forboð ella slíkar avmarkingar skulu tó ikki føra til tilvildarligan mismun ella dulda avmarking í samhandlinum sáttmálapartanna millum.

 

Grein 14

Trygdarundantøk

Einki í hesum sáttmála forðar fyri, at annar sáttmálaparturin tekur stig, sum hann heldur vera neyðug:

a) fyri at forða fyri, at upplýsingar, sum stríða ímóti hansara avgerandi trygdaráhugamálum, sleppa út,

b) fyri at verja hansara avgerandi trygdaráhugamál ella fyri at fremja altjóða skyldur ella landsins politikk,

(i) viðvíkjandi handli við vápnum, lóðri og krígsútbúnaði, treytað av at hesi stig ikki broyta kappingarumstøðurnar fyri vørur, sum ikki eru ætlaðar til serlig hernaðarlig endamál, og handli við øðrum vørum, tilfari og tænastum, sum beinleiðis ella óbeinleiðis hevur til endamáls at búgva út eina hernaðarstøð, ella

(ii) ímóti útbreiðslu av lívfrøðiligum og evnafrøðiligum vápnum, kjarnorku-vápnum ella øðrum kjarnorkuspreingievnum, ella

(iii) um kríggj brestur á, ella annar álvarsligur altjóða spenningur kyknar upp.

 

Grein 15

Almennar einkarsølur

1. Sáttmálapartarnir skulu so við og við tillaga eina og hvørja almenna vinnurekandi einkarsølu fyri at tryggja, at eingin mismunur viðvíkjandi teim treytum, sum vørur verða útvegaðar og marknaðarførdar undir, er millum ríkisborgarar sáttmálapartanna. Felagsnevndin verður kunnað um stig, sum tikin verða til tess at fremja hetta endamál.

2. Reglurnar í hesi grein eru galdandi fyri einhvønn stovn, sum skikkaðu

myndugleikarnir hjá sáttmálapørtunum við lóg ella í roynd og veru, annaðhvørt beinleiðis ella óbeinleiðis, hava eftirlit við ella ígjøgnum hesar týðiliga ávirka innflutning ella útflutning sáttmálapartanna millum. Hesar reglur eru somuleiðis galdandi fyri einkarrætt, sum ein sáttmálapartur leggur út til aðrar stovnar.

 

 

Grein 16

Kappingarreglur fyri fyritøkur

1. Niðanfyristandandi er ósambæriligt við rætta mannagongd í hesum sáttmála, um so er at hesi ávirka samhandilin sáttmálapartanna millum:

a) allir sáttmálar millum fyritøkur, viðtøkur hjá samtøkum og allar samskipaðar mannagongdir millum fyritøkur, hvørs endamál ella ávirkan er at forða, avmarka ella avlaga kapping.

b) ein ella fleiri fyritøkur misnýta sína sterku støðu á øki sáttmálapartanna sum heild ella í meginpartinum av tí.

c) ein og hvør almenn hjálp sum avlagar ella hóttir við at avlaga kapping við at taka ávísar fyritøkur ella framleiðslu av ávísari vøru framum.

2. Reglurnar í 1. stk. eru galdandi fyri virksemið hjá øllum fyritøkum, herímillum almennum fyritøkum og fyritøkum, sum sáttmálapartarnir veita ser- ella einarættindi. Fyritøkur, sum álagdar eru at veita almennar vinnurekandi tænastur ella hava eyðkenni sum vinnurekandi einkarsøla, koma undir reglurnar í 1. stk., í tann mun hesar reglur ikki forða teimum við lóg ella í roynd og veru at gera tær serligu almennu tænasturnar, ið eru álagdar teimum.

3. Heldur annar sáttmálaparturin ávísa mannagongd vera ósambæriliga við 1. og 2. stk., og um slík mannagongd skaðar ella hóttir álvarsliga við at skaða áhugamál hjá tí partinum ella førir við sær ítøkiligan skaða á heimaídnað hansara, kann hann taka hóskandi stig sambært treytum og mannagongd ásettum í grein 26.

 

Grein 17

At verja ogn hugverka

1. Sáttmálapartarnir skulu hvør í sær viðurkenna upphavsrættindi og líknandi rættindi til verk, sum íbúgvar og stovnar í hinum sáttmálapartinum, eins og lógligu eftirmenn teirra hava rætt til uttan mun til, hvar teirra fyrsta útgáva kom út. Hvør sáttmálapartur tryggjar, at tílík rættindi verða vard undir somu treytum sum í teirra innlendis lóggávu viðvíkjandi teirra íbúgvum og stovnum. Harumframt átaka sáttmálapartarnir sær sínámillum at virða upphavsrættindi ella líknandi rættindi hjá teirra íbúgvum og stovnum samsvarandi altjóða reglum. Serstakliga átaka sáttmálapartarnir sær at vísa sínámillum virðing fyri fyrisettu málunum um vernd sambært Bern og Róma sáttmálunum.

2. Sáttmálapartarnir veita og tryggja vernd av ogn hugverka við tí sum grund ikki at gera mismun, herundir fyriskipanir um at veita og fremja tílík rættindi. Sáttmálapartarnir vátta sín vilja at virða skyldur og krøv, ið standast av WTO sáttmálanum um handilslig viðurskifti viðvíkjandi ogn hugverka (TRIPS) eins og av øðrum sáttmálum, sum sáttmálapartarnir hava skrivað undir, serstakliga París sáttmálin um at verja ídnaðarogn (Stokkhólmsavtalan, 1967).

3. Sáttmálin hevur til endamáls at verja ogn hugverka serstakliga at verja upphavsrættindi, ið umfata telduskipanir og dátabasur og líknandi rættindi, vørumerki, landalærulig eyðkenni, ídnaðarlig snið, einarætt (patent), staðlýsingar av samrásum eins og ikki leysgivnar upplýsingar um "know-how".

4. Sáttmálapartarnir kunnu gera fleiri sáttmálar, ið fara út um krøvini í hesum sáttmála.

5. Sáttmálapartarnir samstarva í málum um at verja ídnaðarogn. Eftir áheitan frá øðrum sáttmálapartinum hava teir ráðlegging við serfrøðingar um hesi mál, serstakliga um tiltøk viðvíkjandi verandi ella framtíðar altjóða sáttmálum um at tillaga, fyrisita og fremja ogn hugverka og um tiltøk í altjóða felagsskapum so sum heimshandilsfelagsskapinum WTO og heimsfelagsskapinum fyri ogn hugverka WIPO eins og viðurskifti hjá sáttmálapørtunum við eitthvørt triðjaland í málum um ogn hugverka.

 

Grein 18

Almenn innkeyp

1. Sáttmálapartarnir skilja tað sum eitt av endamálunum við hesum sáttmála, at teirra almennu innkeypsmarknaðir gerast frælsir.

2. Sáttmálapartarnir tillaga so við og við sínar reglur, treytir og siðvenju um almenn innkeyp fyri at geva útvegarunum hjá hinum sáttmálapartinum, í seinasta lagi 31 desember ár 2002, atgongd til at gera útbjóðingarmannagongdir á teirra almennu innkeypsmarknaðum samsvarandi reglunum í sáttmálanum um almenn innkeyp í fylgiskjali IV til sáttmálan um stovnan av heimshandilsfelagsskapinum WTO.

3. Felagsnevndin skal kanna, hvussu endamálini við hesi grein betri kunnu verða nádd og kann tilmæla, hvussu reglurnar í 2. stk. á hentan hátt verða settar í verk fyri at tryggja fría atgongd, gjøgnumskygni og fulla javnvág í rættindum og skyldum.

4. Meðan kannað verður sambært 3. stk., kann felagsnevndin umhugsa, serstakliga við atliti til altjóða menning og reglur á hesum øki, møguleikan fyri at víðka virkisøkið og/ella vavið av at lata upp marknaðin sambært 2. stk.

5. Sáttmálapartarnir skulu stremba eftir at fylgja teimum sáttmálum, ið gjørdir eru undir tí almenna sáttmálanum um toll og uttanríkishandil 1994, GATT, og sáttmálanum um stovnan av heimshandilsfelagsskapinum WTO.

 

 

Grein 19

Bygnaðarlig tillaging

1. Tíðaravmarkað undantakstiltøk, sum víkja frá reglunum í grein 3, kann Pólland seta í verk sum øktan toll.

2. Hesi tiltøk kunnu bara víkja at nýggjum ídnaði ella ávísum bygnaðardeildum, sum verða umskipaðar ella hava álvarsligar tvørleikar at dragast við, serliga tá ið hesir tvørleikar elva álvarsligar samfelagsligar trupulleikar.

3. Tey skulu gevast at virka í seinasta lagi, tá ið skiftisskeiðið er av.

4. Pólland verður at kunna Føroyar um eitt og hvørt undantakstiltak, ið ætlanin er at fremja, og, tá ið áheitan er úr Føroyum, skal fundur verða í felagsnevndini um slík tiltøk og tær bygnaðardeildir, tey víkja at.

Grein 20

Søla fyri undirprís

Heldur annar sáttmálaparturin, at selt verður fyri undirprís ("dumping") eftir merkingini í grein VI í almenna sáttmálanum um toll og uttanríkishandil 1994 í handilssambondum sum hesin sáttmáli fevnir um, kann hann taka hóskandi stig til tess at steðga hesum sambært grein VI í almenna sáttmálanum um toll og uttanríkishandil 1994 og WTO sáttmálanum um at seta í verk grein VI í almenna sáttmálanum um toll og uttanríkishandil 1994, sambært treytum og mannagongd ásettum í grein 26.

 

Grein 21

Vanlig trygdartiltøk

Har vøra verður innflutt í so stórum nøgdum og undir sovorðnum treytum, at hetta kann verða orsøk til ella hóttir við at verða orsøk til:

a) álvarsligan skaða fyri innlendis framleiðarar av líknandi ella beinleiðis kappingarførum framleiðslum á økinum hjá tí innflytandi sáttmálapartinum, ella

b) álvarsligt ólag á eitthvørt viðkomandi búskaparligt øki ella trupulleikar, sum kundu ført við sær, at búskaparliga støðan í einum øki versnaði álvarsliga,

kann viðkomandi sáttmálapartur taka hóskandi stig sambært treytum og mannagongd ásettum í grein 26.

 

 

Grein 22

Endurútflutningur og álvarsligt trot

Har nýtsla av reglunum í greinunum 3 og 5 førir við sær:

a) endurútflutning til eitt triðjaland, sum útflytandi sáttmálaparturin fyri viðkomandi vøru varðveitir útflutningsavmarkingar í nøgd, toll ella tiltøk ella gjøld við samsvarandi ávirkan; ella

b) álvarsligt trot ella hóttan um trot á eini vøru, sum hevur stóran týdning fyri útflytandi sáttmálapartin;

og har støðan, ið sipað verður til omanfyri, førir við sær, at stórir trupulleikar stinga seg upp ella væntandi fara at stinga seg upp hjá útflytandi sáttmálapartinum, kann tann sáttmálaparturin taka hóskandi stig sambært treytum og mannagongd ásettum í grein 26.

 

Grein 23

Gjaldsjavnatrupulleikar

1. Sáttmálapartarnir skulu royna at sleppa undan at seta í verk avmarkandi tiltøk, herundir tiltøk viðvíkjandi innflutningi við atliti til gjaldsjavnan.

2. Hevur annar sáttmálaparturin álvarsligar gjaldsjavnatrupulleikar, ella hesir hótta stórliga, kann viðkomandi sáttmálapartur sambært teimum reglunum í almenna sáttmálanum um toll og uttanríkishandil 1994, GATT, seta í verk avmarkandi tiltøk, herundir tiltøk viðvíkjandi innflutningi, sum skulu vera tíðaravmarkað og mugu ikki fara út um tað, sum neyðugt er fyri at bøta um gjaldsjavnastøðuna. Tiltøkini verða slakað so við og við, sum gjaldsjavnin batnar, og skulu verða avtikin, tá umstøðurnar ikki longur tala fyri hesum. Viðkomandi sáttmálapartur skal beinanvegin boða hinum sáttmálapartinum frá, at tey verða sett í verk og tá til ber eisini áseta, nær tey verða avtikin.

 

Grein 24

Almennur stuðul

1. Ein og hvør stuðul veittur av tí almenna sum sáttmálapartur ella veittur gjøgnum ríkistilfeingi av einumhvørjum slagi, sum avlagar ella hóttir við at avlaga kappingina við at taka ávísar fyritøkur ella ávísa vøruframleiðslu framum, í tann mun tað kann ávirka handilin sáttmálapartanna millum, er ósambæriligur við rætta mannagongd í hesum sáttmála.

2. Reglurnar í 1. stk. galda ikki fyri framleiðslurnar, víst verður til í kapittlunum II og III.

3. Felagsnevndin skal innan trý ár frá tí, at sáttmálin er komin í gildi, leggja treytir við, hvussu grundarlagið undir teimum mannagongdum, ið stríða ímóti 1. stk., verða ásettar, eins og reglur um, hvussu hesar verða settar í verk.

4. Sáttmálapartarnir skulu tryggja gjøgnumskygni í almenna stuðulinum, m.a. við árliga at geva hvør øðrum frágreiðing um alla upphæddina og býtið av veitta stuðulinum og eftir áheitan geva hinum sáttmálapartinum upplýsingar um stuðulsskipanir og serlig einstøk mál um almennan stuðul.

5. Heldur annar sáttmálaparturin, at ein ávís mannagongd:

• er ósambærilig við reglurnar í 1. stk., og ikki er nóg væl handfarin sambært reglunum ásettum í 3. stk. um íverksetan, ella

• har ongar sovorðnar reglur eru, og um slík mannagongd er orsøk til ella hóttir við at gerast orsøkin til álvarsligan skaða á áhugamál hjá tí sáttmálapartinum ella ítøkiligan skaða á heimaídnað hansara,

kann hann taka hóskandi stig sambært treytum ásettum í grein 26. Slík hóskandi stig kunnu bert verða tikin í samsvari við mannagongdir og treytir hjá heimshandilsfelagsskapinum WTO og einhvørji onnur viðkomandi skjøl, sum samráðst er um undir hansara leiðslu, sum kunnu nýtast sáttmálapartanna millum.

 

Grein 25

At halda sínar skyldur

1. Sáttmálapartarnir skulu taka eitthvørt vanligt ella serstakt stig, sum krevst fyri at halda skyldur sínar sambært hesum sáttmála. Teir bera so í bandi, at endamálini, sum sett eru í sáttmálanum, verða nádd.

2. Um annar sáttmálaparturin heldur, at hin sáttmálaparturin ikki hevur hildið skyldur sínar sambært hesum sáttmála, kann viðkomandi sáttmálapartur taka hóskandi stig sambært mannagongdum ásettum í grein 26.

3. Ongar reglur í hesum sáttmála kunnu tulkast soleiðis, at tær sleppa sáttmálapørtum undan teirra skyldum eftir øðrum altjóða sáttmálum.

 

Grein 26

Mannagongd viðvíkjandi trygdartiltøkum

1. Áðrenn farið verður undir at nýta mannagongdina fyri trygdartiltøk, sum ásett eru í fylgjandi stykkjunum í hesi grein, skulu sáttmálapartarnir royna at loysa einhvønn tvørleika teirra millum við beinleiðis ráðlegging.

2. Uttan at vika við 6. stk. boðar sáttmálaparturin, sum umhugsar at taka til trygdartiltøk, beinanvegin hinum sáttmálapartinum frá hesum og gevur honum allar viðkomandi upplýsingar. Fundir sáttmálapartanna millum verða hildnir uttan drál í felagsnevndini fyri at finna eina loysn, sum báðir sáttmálapartar kunnu góðtaka.

3. Fyri at halda 2. stk. eru hesar reglur galdandi:

a) Viðvíkjandi greinunum 20 og 21 kannar felagsnevndin málið ella støðuna og kann taka einhvørja neyðuga avgerð til tess at steðga teimum trupulleikum, ið viðkomandi sáttmálapartur hevur boðað frá. Er eingin slík avgerð tikin innan tríati dagar, frá tí málið varð lagt fyri felagsnevndina, kann viðkomandi sáttmálapartur taka hóskandi stig til at greiða teir trupulleikar, ið standast av manngagongdini, talan er um.

b) Viðvíkjandi grein 25 kann viðkomandi sáttmálapartur taka hóskandi stig, aftaná at fundirnir eru lidnir ella eftir at eitt tríggja mánaða tíðarskeið er liðið frá tí degi, fyrsta fráboðanin varð givin hinum sáttmálapartinum.

c) Viðvíkjandi greinunum 16 og 23 gevur viðkomandi sáttmálapartur felagsnevndini allan tann stuðul henni tørvar fyri at kanna málið, og um tað er hóskandi avtaka ta átalaðu mannagongdina. Um viðkomandi sáttmálapartur ikki heldur uppat við tí átalaðu mannagongdina innan ta freist, ið felagsnevndin hevur ásett, ella um felagsnevndin ikki er vorðin samd innan tríati dagar, frá tí málið varð lagt fyri hana, kann viðkomandi sáttmálapartur taka hóskandi stig fyri at greiða teir trupulleikar, ið standast av mannagondini, talan er um.

4. Trygdartiltøk skulu beinanvegin verða fráboðað hinum sáttmálapartinum. Tey skulu verða avmarkað viðvíkjandi vavi og gildistíð til tað mest neyðuga fyri at bøta um støðuna, ið hevur ført til hesa áheitan, og skulu ikki volda størri skaða, enn henda mannagongd ella trupulleiki longu hava volt. Tey tiltøk, ið minst órógva arbeiðið eftir hesum sáttmála, verða tikin framum.

5. Regluligir fundir verða hildnir í felagsnevndini fyri at avmarka trygdartiltøkini skjótast gjørligt ella taka tey av, tá ið umstøðurnar ikki longur rættvísgera at tey verða varðveitt.

6. Tá serligar umstøður, ið krevja, at stig verða tikin beinanvegin, útiloka forkanningum, kann viðkomandi sáttmálapartur, í teim førum, ið ásett eru í greinunum 16, 20, 21 og 23, alt fyri eitt seta í verk fyribils tiltøk, sum eru alneyðug fyri at bjarga støðuni. Tiltøkini skulu uttan drál verða fráboðað, og ráðleggingar skulu verða sáttmálapartanna millum skjótast gjørligt.

 

 

Grein 27

Tollsamgongur, fríhandilsøki og marknahandil

Hesin sáttmáli forðar ikki fyri, at tollsamgongur, fríhandilsøki ella fyriskipanir um marknahandil verða varðveitt ella stovnað, í tann mun tey ikki hava ringa ávirkan á samhandilsskipanina sambært hesum sáttmálanum, serstakliga ásetanirnar um upprunareglur.

 

Kapittul V

Reglur um gildissetan v.m.

Grein 28

Felagsnevndin

Við hesum er stovnað felagsnevnd, sum ábyrgist at umsita og seta í verk henda sáttmála. Í henni sita umboð, tilnevnd av báðum sáttmálapørtunum.

Grein 29

Starvsskipan í felagsnevndini

1. Til tess at sáttmálin kann verða framdur á rættan hátt, skulu sáttmálapartarnir, tá tað er neyðugt, veita hvør øðrum upplýsingar, og, eftir áheitan frá øðrum sáttmálapartinum, hava ráðleggingar í felagsnevndini.

2. Til hetta endamál, verður hetta ásett:

a) Felagsnevndin kann taka avgerðir í teimum málum, ið hesin sáttmáli fevnir um. Í øðrum førum kann felagsnevndin koma við viðmælum.

b) Í felagsnevndini verða upplýsingar veittar hvør øðrum og ráðleggingar fara fram sum nevnt í 1. stk., og serstakliga ráðleggingar og avgerðir sum nevnt í grein 25, tá tað er hóskandi.

c) Felagsnevndin kemur saman aðruhvørja ferð í Føroyum og í Póllandi, tá ið tað er neyðugt eftir áheitan frá øðrum sáttmálapartinum

d) Felagsnevndin starvast eftir felags semju.

e) Felagsnevndin ásetur sína egnu starvsskipan, sum millum annað skal hava reglur fyri formansval og formansskeið.

f) Felagsnevndin kann gera av at seta undirnevndir og arbeiðsbólkar, sum hon heldur vera neyðug fyri at stuðla henni í at útinna uppgávur sínar.

g) Felagsnevndin kann gera av at broyta frumskjølini í hesum sáttmála.

 

Grein 30

Víðkanarreglur

1. Tá ið annar sáttmálaparturin heldur tað vera gagnligt fyri áhugamál sáttmálapartanna at menna tey sambond, sum eru grundað á henda sáttmála, við at víðka tey til eisini at fevna um øki, ið ikki eru fevnd av sáttmálanum, skal hann leggja eina grundgivna áheitan fyri hin sáttmálapartin.

2. Sáttmálapartarnir kunnu geva felagsnevndini boð um at kanna hesa áheitan og, tá ið hóskiligt er, at taka upp samráðingar.

3. Sáttmálar, ið verða gjørdir eftir teim samráðingum, sum víst verður til í 2. stk., skulu verða staðfestir ella góðkendir av sáttmálapørtunum samsvarandi teirra egnu mannagongdum.

 

Grein 31

Fylgiskjøl og frumskjøl

Fylgiskjøl og frumskjøl í hesum sáttmála skulu verða ein samanhangandi partur av honum.

 

Grein 32

Gildiskoma

Hesin sáttmáli kemur í gildi á fyrsta degi í øðrum mánaði, sum kemur aftaná tann dag, seinna fráboðanin er móttikin, ið váttar, at innlendis lógarkrøv sáttmálapartanna um at seta sáttmálan í gildi, eru lokin.

 

Grein 33

Rættargildi og avtøka

1. Hesin sáttmáli er gjørdur fyri óavmarkað skeið.

2. Annar sáttmálaparturin kann taka sáttmálan av við eini skrivligari frásøgn til hin sáttmálapartin. Sáttmálin skal fara úr gildi tólv mánaðir eftir tann dag, slík uppsøgn er skrivað.

 

Til vitnis um hetta hava undirritaðu við fulltrú, og sum á sambæriligan hátt hava fingið myndugleika til tess, skrivað undir henda sáttmála.

TIL VITTERLIGHED HERFOR har underskrevne regeringsbefuldmægtigede undertegnet aftalen.

W DOWÓD CZEGO, nizej podpisani pelnomocnicy, bedac do tego odpowiednio upowaznieni, podpisali niniejsza Umowc.

IN WITNESS WHEREOF the undersigned plenipotentiaries, being duly authorised thereto, have signed this Agreement.

Gjørdur í Warszawa hin 3. november 1998 í tvíriti á føroyskum, donskum, polskum og enskum máli, hvør teksturin er javngilt álítandi. Í ivamálum verður enski teksturin at galda.

Udfærdiget i Warszawa den 3. november 1998 i to eksemplarer på færøsk, dansk, polsk og engelsk, idet hver af disse tekster har samme gyldighed. I tilfælde af uoverensstemmelse, skal den engelske tekst være gældende.

Umowe niniejsza sporzadzono w Warszawa .... dnia .................... roku, w dwóch egzemplarzach, kazdy w jezykach faryjskim, dunskim, polskim i angielskim, przy czym wszystkie teksty sa jednakowo autentyczne. W przypadku jakichkol wiek rozbieznosci tekst angielski uwazany bedzie za rozstrzygajacy.

Done at Warsaw on the 3^rd November, 1998 in duplicate in Faroese, Danish, Polish and English languages, each of these texts being equally authentic. In case of discrepancy the English version shall prevail.

Fyri kongaríki Danmarkar Fyri lýðveldi Póllands

For Kongeriget Danmark For Republikken Polen

W imieniu Królestwa Danii W imieniu Rzeczypospolitej Polskiej

For the Kingdom of Denmark For the Republic of Poland

Mogens Holm Pedersen (sign.) Janusz Steinhoff (sign.)

Fyri Føroyar

For Færøerne

W imieniu Wysp Owczych

For the Faroe Islands

FYLGISKJAL I

til landbúnaðarsáttmálan innan karmarnar í WTO

(smb. grein 2 og 6)

Vørur í kapitli 25 - 97 í Tillagaðu Skipanini (HS), ið víst verður til í grein 2 og 6 í sáttmálanum

(smb. grein 3)

1. Innflutningstollur, sum í Póllandi verður lagdur á tær vørur við uppruna í Føroyum, ið nevndar eru niðanfyri, skal so við og við verða tikin av samsvarandi hesum tíðarplani:

A - tá sáttmálin kemur í gildi, verður hann lækkaður niður í tríggjar sjeyndapartar av grundtollinum, sum ásett erga omnes 29. februar 1992,

1. januar 2000 verður hann lækkaður niður í tveir sjeyndapartar,

1. januar 2001 verður hann lækkaður niður í ein sjeyndapart,

1. januar 2002 verður hann lækkaður niður í null:

 

PCN-kodur:

verður lækkaður soleiðis:

- 3% 1. januar 1999,

- 0 1. januar 2000.

 

 

 

FYLGISKJAL III (A)

(smb. grein 5)

FYLGISKJAL III (B)

(smb. grein 5)

viðvíkjandi serligum reglum um innflutning av ávísum landbúnaðarvørum

Grein 1

Pólland gevur vørum við uppruna í Føroyum hesar tariffkvotur:

Grein 2

Føroyar sleppa vørum við uppruna í Póllandi undan tolli og øðrum avgjaldi við samsvarandi árini, tó ikki hesar vørur:

Frumskjal 2

reglum um innflutning av ávísum viðgjørdum landbúnaðarvørum

Grein 1

Pólland leggur toll á innflutning av vørum við uppruna í Føroyum, sum ásett í talvunum í fylgiskjalinum til hetta frumskjal.

Grein 2

Føroyar taka toll og onnur avgjøld av við samsvarandi árini á innflutningi av viðgjørdum landbúnaðarvørum við uppruna í Føroyum, tó við teimum undantøkum, ið nevnd eru í grein 2 í Frumskjali 1.

TALVA

Tollur, ið kann leggjast á vørur við uppruna í Føroyum

við innflutning inn í Pólland

Fiskur og aðrar fiskavørur, sum tilskilað niðanfyri, eru fevnd av reglunum í sáttmálanum.

Tann dag, sáttmálin kemur í gildi, verður allur tollur á innflutningi og avgjøld við sama árini avtikin í Føroyum fyri hesar vørur við uppruna í Póllandi.

Pólland lækkar grundtollin 10 prosentstig, tá ið sáttmálin kemur í gildi. Tey avgjøld, ið eftir eru, verða avtikin í III eins árligum stigum, tað fyrsta 1. januar 2000.

 

 

Pólland kann framvegis hava toll á innflutningi av hesum vørum við uppruna í Føroyum:

03021200 - Kyrrahavslaksur, Atlantslaksur, og "Danublaksur" (fiskur, feskur ella køldur, tó ikki fiskaflak og annað fiskakjøt úr vøruflokki 0304),

030240 - "Baltisk sild", (fiskur, feskur ella køldur, tó ikki fiskaflak og annað fiskakjøt úr vøruflokki 0304),

03031000 - Kyrrahavslaksur, tó ikki livur, rogn og sil (fiskur, frystur, tó ikki fiskflak og annað fiskakjøt úr vøruflokki 0304),

03041013 - Kyrrahavslaksur, Atlantslaksur og "Danublaksur" (fiskaflak og annað fiskakjøt (eisini malið), feskt, kølt),

03042013 - Kyrrahavslaksur, Atlantslaksur og "Danublaksur" (fiskaflak og annað fiskakjøt (eisini malið), fryst),

03053030 - Kyrrahavslaksur, Atlantslaksur og "Danublaksur" (fiskaflak, turkað, saltað ella í saltlaka, men ikki roykt),

03054100 - Kyrrahavslaksur, Atlantslaksur og "Danublaksur" (royktur fiskur, eisini fiskaflak),

16041100 - Laksur (tilgjørdur ella haldevnaður fiskur),

160420 - Annar tilgjørdur ella haldevnaður fiskur.

 

Tollur á vørum í listanum omanfyri verður avtikin eftir hesi tíðarætlan:

1. januar 2000 - 30% lækking,

1. januar 2003 - fullkomin tolllækking.

 

 

 

 

 

 

 

 

 

 

og fyrisitingarligir samstarvshættir

PARTUR I ALMENNAR REGLUR

- grein 1 Orðalýsingar

PARTUR II HUGTAKIÐ "UPPRUNAFRAMLEIÐSLUR" LÝST

- grein 2 Almenn krøv

- grein 3 Sínamillum kumulatión av uppruna

- grein 4 Fult framleiddar framleiðslur

- grein 5 Nóg nógv viðgjørdar ella tilgjørdar framleiðslur

- grein 6 Ikki nøktandi viðgerð ella tilgerð

- grein 7 Grundtreytaða eindin

- grein 8 Tilhoyr, eykalutir og amboð

- grein 9 Framleiðslur í samstøðum

- grein 10 Neutralir lutir

PARTUR III TERRITORIALKRØV

- grein 11 Territorialmeginreglan

- grein 12 Flutningur beinleiðis

- grein 13 Framsýningar

PARTUR IV ENDURGJALD ELLA FRÍTØKA

- grein 14 Forboð fyri tollendurgjaldi ella frítøku fyri tolli

PARTUR V UPPRUNAVÁTTAN

- grein 15 Almenn krøv

- grein 16 Mannagongd, tá ið EUR.1 vørustaðfesting verður givin

- grein 17 Tá ið EUR.1 vørustaðfestingar verða givnar eftirfylgjandi

- grein 18 Tá ið tvítak av EUR.1 vørustaðfesting verður givið

- grein 19 At geva EUR. 1vørustaðfestingar grundað á upprunaváttan,

givin ella skrivað frammanundan

- grein 20 Reglur um at skriva fakturaváttan

- grein 21 Góðkendur útflytari

- grein 22 Rættargildi upprunaváttanar

- grein 23 At leggja fram upprunaváttan

- grein 24 Innflutningur í pørtum

- grein 25 Undantøk frá upprunaváttan

- grein 26 Undirstøðisskjøl

- grein 27 At goyma upprunaváttan og undirstøðisskjøl

- grein 28 Ósambæri og formligar villur

- grein 29 Upphæddir ásettar í ECU

PARTUR VI FYRISITINGARLIGIR SAMSTARVSHÆTTIR

- grein 30 Sínamillum hjálp

- grein 31 At kanna upprunaváttanir

- grein 32 Trætuloysn

- grein 33 Revsing

- grein 34 Fríøki

PARTUR VII ENDAREGLUR

- grein 35 Undirnevnd í málum viðvíkjandi tolli og uppruna

- grein 36 Fylgiskjøl

- grein 37 Broytingar í frumskjalinum

- grein 38 At seta frumskjalið í verk

- grein 39 Vørur í gjøgnumflutningi ella á goymslu

Grein 1

Í hesum frumskjali verður at skilja:

(a) "framleiðing" sum øll sløg av viðgerð ella tilgerð, samanseting íroknað, ella serstakar viðgerðir;

(b) "tilfar" sum øll sløg av tilfari, ráevni, allir lutir ella partar og tílíkt, ið nýtt er í framleiðingini av vøruni;

(c) "framleiðsla" sum tann framleiðsla, ið verður framleidd, eisini um hon er ætlað til seinni nýtslu í eini aðrari framleiðing;

(d) "vøra" sum tilfar og vørur;

(e) "tollvirði" sum ásetta virðið samsvarandi sáttmálanum um at fremja grein VII í almenna sáttmálanum um toll og uttanríkishandil 1994 (WTO sáttmáli um tollmeting);

(f) "ab virki prísur" sum søluprísurin fyri framleiðsluna ab virki, goldin framleiðaranum í Føroyum ella Póllandi, sum hevur staðið fyri seinastu viðgerð ella tilgerð, um so er, at virðið á øllum nýttum tilfari er íroknað prísinum, og hann er minkaður við øllum innlendis skatti, sum er ella kann verða afturgoldin, tá ið framleiðslan verður útflutt;

(g) "virði á tilfari" sum tollvirðið í innflutningsstundini á tilfari, sum nýtt er, og sum ikki hevur uppruna, ella, um hetta ikki er kent og ikki kann verða staðfest, tann prísur, sum fyrst er staðfestur, og sum er goldin fyri tilfarið í Føroyum ella Póllandi;

(h) "virði á upprunatilfari" sum virðið á tí tilfari, sum lýst er í litra (g), sum verður at nýta samsvarandi neyðugum tillagingum;

(i) "meirvirði" sum ab virki prísurin, tollvirðið frádrigið, á hvørjari framleiðslu, sum nýtt er, sum ikki hevur uppruna í tí landinum, har framleiðslurnar vórðu gjørdar;

(j) "kapitlar" og "vøruflokkar" sum kapitlar og vøruflokkar (kodur við 4 talstavum), nýttar í vøruskránni, sum fevnir um "Harmonized Commodity Description and Coding System", sum í hesum frumskjali verður víst til sum "Tillagaða Skipanin" ella "TS";

(k) "flokking" sum flokking av framleiðslu ella tilfari í einum serstøkum vøruflokki;

(l) "sending" sum framleiðslur, sum annaðhvørt verða sendar samstundis frá einum útflytara til ein móttakara, ella eru umfataðar av einum einstøkum flutningsskjali, ið fevnir um sendingina frá útflytara til móttakara, ella um einki tílíkt skjal er, av einum einstøkum faktura;

"øki" eisini sum territorialsjógvur.

HUGTAKIÐ "UPPRUNAFRAMLEIÐSLUR" LÝST

 

Grein 2

Almenn krøv

1. Til tess at seta sáttmálan í verk verða hesar framleiðslur at skilja sum framleiðslur, ið hava uppruna í Føroyum:

framleiðslur, sum fult og heilt eru framleiddar í Føroyum sambært grein 4 í hesum frumskjali;

framleiðslur, ið eru framleiddar í Føroyum, har annað tilfar er latið í, sum ikki er fult framleitt har, treytað av at tílíkt tilfar hevur verið nóg nógv viðgjørt ella tilgjørt í Føroyum sambært grein 5 í hesum frumskjali;

2. Til tess at seta sáttmálan í verk verða hesar framleiðslur at skilja sum framleiðslur, ið hava uppruna í Póllandi:

framleiðslur, sum fult og heilt eru framleiddar í Póllandi sambært grein 4 í hesum frumskjali;

framleiðslur, ið eru framleiddar í Póllandi, har annað tilfar er latið í, sum ikki er fult framleitt har, treytað av at tílíkt tilfar hevur verið nóg nógv viðgjørt ella tilgjørt í Póllandi sambært grein 5 í hesum frumskjali;

 

Grein 3

Sínamillum samansavnan av uppruna

Tilfar, sum hevur uppruna í Føroyum, er at meta sum tilfar við uppruna í Póllandi, tá ið tað er latið í eina framleiðslu, sum er gjørd har. Tað er ikki neyðugt, at tilfarið er nóg nógv viðgjørt ella tilgjørt, um so er, at tað er meira viðgjørt ella tilgjørt enn ásett í grein 6, 1. stk., í hesum frumskjali.

Tilfar, sum hevur uppruna í Póllandi, er at meta sum tilfar við uppruna í Føroyum, tá ið tað er latið í eina framleiðslu, sum er gjørd har. Tað er ikki neyðugt, at tilfarið er nóg nógv viðgjørt ella tilgjørt, um so er, at tað er meira viðgjørt ella tilgjørt enn ásett í grein 6, 1. stk., í hesum frumskjali.

 

Grein 4

Fult framleiddar framleiðslur

Niðanfyristandandi er at meta sum "fult framleiddar framleiðslur" í Føroyum ella Póllandi:

a) mineralskar framleiðslur vunnar úr jørð ella havbotni teirra;

b) grønmeti, heystað har;

c) livandi dýr, fødd og ald har;

d) framleiðslur úr livandi dýrum, ald har;

e) framleiðslur frá veiðu ella fiskiskapi, rikin har;

f) framleiðslur frá havfiskiskapi og aðrar framleiðslur tiknar við skipum teirra úr havinum uttan fyri territorialsjógv Føroya ella Póllands;

g) framleiðslur gjørdar umborð á verksmiðjuskipum teirra einans úr framleiðslum nevndar í litra f);

h) brúktir lutir, sum eru savnaðir har og bert kunnu nýtast til endurnýtslu av rávørum, brúkt dekk íroknað, ið bert kunnu nýtast til at vulkanisera, ella sum rusk;

rusk og leivdir stavandi frá framleiðing har;

j) framleiðslur vunnar úr havbotninum ella undirgrundini uttan fyri territorialsjógv teirra, treytað av at teir hava einkarrætt til at nýta havbotnin ella undirgrundina;

k) vørur framleiddar har og einans burtur úr teimum í litra a) til j) nevndu framleiðslum.

Orðingarnar "skipum teirra" og "verksmiðjuskipum teirra" í 1. stk., litra f) og g) viðvíkja bert skipum og verksmiðjuskipum;

sum eru skrásett ella fráboðað í øðrum sáttmálapartinum;

sum sigla undir flagginum hjá tí sáttmálapartinum;

har í minsta lagi 50% eru ogn hjá ríkisborgarum í Føroyum ella í Póllandi ella er ogn hjá einum felag við høvuðsskrivstovu í hesum londum, har stjórin ella stjórarnir, formaðurin í nevndini ella umsjónarráðnum og meirilutin av limunum í hesum nevndum eru íbúgvar í Føroyum ella Póllandi, og harafturat, um talan er um eitt íognarfelag ella eitt felag við skerdari ábyrgd, tá í minsta lagi helvtin av peningi felagsins er ogn hjá hesum londum ella almennum stovnum ella ríkisborgarum í viðkomandi londum;

hvørs skipari og yvirmanning eru ríkisborgarar í Føroyum ella í Póllandi, og

e) har í minsta lagi 75% av manningini eru ríkisborgarar í Føroyum ella í Póllandi.

 

Grein 5

Nóg nógv viðgjørdar ella tilgjørdar framleiðslur

Sambært grein 2 verða framleiðslur, sum ikki eru fult framleiddar, mettar at vera nóg nógv viðgjørdar ella tilgjørdar, tá ið treytirnar ásettar í listanum í fylgiskjali II til hetta frumskjal eru loknar.

Treytirnar omanfyri áseta fyri allar framleiðslur, ið hesin sáttmáli fevnir um, ta viðgerð ella tilgerð av tilfari, ið ikki er upprunaligt, ið latið er í tilevningina av hesum framleiðslum, og eru bert galdandi fyri tílíkt tilfar. Sostatt verður ein framleiðsla, sum er vorðin upprunaframleiðsla við at lúka treytirnar, sum ásettar eru í listanum, nýtt í framleiðingini av einari aðrari framleiðslu, eru reglurnar, sum galdandi eru fyri framleiðsluna, sum hon er vorðin ein partur av, ikki galdandi fyri hana, og ikki er neyðugt at hava fyrilit fyri, at tilfar, sum ikki var upprunaligt, kann vera latið í tilevningina av henni.

Hóast 1. stk. kann tilfar, sum ikki er upprunaligt, og sum sambært reglunum í listanum, ikki skuldi verið latið í tilevningina av eini framleiðslu, kortini nýtast, treytað av at:

a) virðið tilsamans ikki fer upp um 10% av ab virki prísinum á vøruni;

b) nýtsla av hesum stykki ikki ger, at farið verður upp um nakran av prosentpørtunum viðvíkjandi hægsta virði á ikki upprunatilfari, ið ásettir eru í listanum.

Hetta stykkið er ikki galdandi fyri framleiðslur, sum koma undir kapitlarnar 50 til 63 í Tillagaðu Skipanini.

1. og 2. stk. eru galdandi, tó ikki í teim førum, sum nevnd eru í grein 6.

Grein 6

Ikki nøktandi viðgerð ella tilgerð

1. Við fyrivarni fyri 2. stk. verður niðanfyristandandi mett sum ónøktandi viðgerð ella tilgerð til at gera framleiðslurnar til upprunaframleiðslur, um so treytirnar í grein 5 eru loknar ella ikki:

a) viðgerð, sum tryggjar, at framleiðslan verður varðveitt í sama líki undir flutningi og goymslu (at lufta, breiða, turka, køla, leggja í saltlaka ella svávullaka ella aðrar vatnupploysingar, burturbeina skaddar partar ella líknandi viðgerð);

b) einføld viðgerð eitt nú at taka burtur dust, síla ella sálda, skilja, flokka, seta saman (íroknað at býta upp í vørusamstøður) vaska, mála, skera sundur;

c) i) at umskifta pakkitilfarið og skifta sundur og savna pakkar;

ii) á einfaldan hátt at lata í fløskur, gløs, posar, eskjur, kassar, festa á kort ella plátur o.s.fr. og alt annað einfalt pakkivirksemi;

d) seta merki, navnaseðlar og onnur líknandi frámerki á framleiðslurnar ella innpakkingina;

e) á einfaldan hátt at blanda framleiðslur, um tær eru av sama slagi ella ikki, har ein ella fleiri partar av blandingini ikki lúka krøvini, sum ásett eru í hesum frumskjali, fyri at tey kunna verða mett sum upprunavørur í Føroyum ella Póllandi;

f) á einfaldan hátt at seta saman partar til eina fullfíggjaða framleiðslu;

g) at sameina tvær ella fleiri viðgerðir, sum tilskilaðar eru í litra a) til f);

h) at drepa dýr.

2. Øll viðgerð ella tilgerð, ið er gjørd við eina ávísa framleiðslu í Føroyum ella Póllandi, er at meta sum ein heild, tá ið avgjørt verður, um viðgerðin ella tilgerðin av framleiðsluni er at meta sum ónøktandi sambært 1. stk.

Grein 7

Grundtreytaða eindin

1. Grundtreytaða eindin, sum verður nýtt sambært reglunum í hesum frumskjali er tann framleiðslan, sum verður mett at vera grundeindin, tá ið flokkað verður sambært vøruskránni í Tillagaðu Skipanini.

Samsvarandi hesum verður, at:

a) tá ið ein framleiðsla, ið er ein bólkur ella ein samanseting av lutum, er flokkað sambært Tillagaðu Skipanini í einum ávísum vøruflokki, er heildin tann grundtreytaða eindin.

b) tá ið ein sending er samansett av fleiri samlíkum framleiðslum, sum verða flokkaðar undir sama vøruflokki í Tillagaðu Skipanini, verður hvør einstøk framleiðsla mett hvør sær, tá reglurnar í hesum frumskjali verða nýttar.

Um pakking sambært 5. pkt. í Tillagaðu Skipanini er íroknað framleiðsluna, tá ið flokkað verður, er hon eisini íroknað, tá ið uppruni verður avgjørdur.

 

Tilhoyr, eykalutir og amboð

Tilhoyr, eykalutir og amboð, ið eru latin saman við útgerð, maskinum, tólum ella akførum, og sum eru partur av vanligu útgerðini og eru íroknað prísinum á hesum, ella sum ikki eru fakturerað hvørt sær, verða mett sum partur av tí útgerð, maskinu ella akfari, talan er um.

Framleiðslur í samstøðum

Framleiðslur í samstøðum so sum greinað í 3. pkt. í "Tillagaðu Skipanini" verða mettar sum upprunaligar, tá ið allar framleiðslurnar í samansetingini eru upprunaframleiðslur. Um ein samstøða er gjørd úr upprunaligum og ikki upprunaligum framleiðslum, verður øll samstøðan sum heild tó roknað sum upprunalig treytað av, at virðið á framleiðslunum, sum ikki er upprunaframleiðsla, fer ikki upp um 15% av ab virki prísinum á samstøðuni.

Grein 10

Neutralir lutir

Tá ið upprunin á eini framleiðslu verður avgjørdur, er ikki neyðugt at kanna, um niðanfyristandandi, sum møguliga er latið í framleiðsluna, hevur upprunastøðu:

orka og brennievni,

virki og útgerð,

maskinur og amboð,

vørur, sum ikki gerast partur og sum ikki vóru ætlaðar at gerast partur av endaligu samansetingini av framleiðsluni.

 

 

Grein 11

Territorialmeginreglan

1. Treytirnar í parti II um at fáa upprunastøðu skulu verða loknar uttan slit í Føroyum ella Póllandi.

2. Um upprunavørur, sum útfluttar eru úr Føroyum ella Póllandi í annað land, verða aftursendar, verða tær mettar sum ikki upprunavørur, uttan so at tollvaldið kann fáa nóg góða vissu fyri, at:

(a) aftursenda vøran er tann sama sum tann útflutta, og

(b) vøran hevur ikki fingið aðra viðgerð enn ta, sum hevur verið neyðug fyri at varðveita hana í sama líki, meðan hon var í viðkomandi landi ella varð útflutt.

 

Flutningur beinleiðis

1. Fyrimunarviðgerð sambært sáttmálanum kann bert gerast galdandi fyri framleiðslur, ið lúka reglurnar í hesum frumskjali, og sum verða fluttar beinleiðis millum Føroya og Póllands. Tó kunnu framleiðslur, sum bert fevna um eina sending, verða fluttar gjøgnum onnur øki, og um høvi býðst, verða lossað ella løgd á goymslu á slíkum øki, treytað av at tær eru undir eftirliti av tollmyndugleikunum í transittlandinum ella goymslulandinum, og at tær ikki hava fingið aðra viðgerð enn lossing, innskipan ella aðra viðgerð, sum hevur verið neyðug fyri at varðveita tær í sama líki.

Upprunavørur kunnu verða fluttar gjøgnum rørleiðing tvørtur um øki hjá øðrum enn tí hjá Føroyum ella Póllandi.

2. Sum prógv fyri at treytirnar í 1. stk. eru loknar, skal fyri tollmyndugleikarnar í innflutningslandinum verða framlagt:

(a) eitt felags farmabræv, ið fevnir um flutning frá útflutningslandinum gjøgnum transittlandið, ella

(b) ein staðfesting útgivin av tollmyndugleikunum í transittlandinum, sum:

(i) gevur eina nágreiniliga lýsing av framleiðslunum,

(ii) staðfestir dagin, tá ið framleiðslan er lossað og innskipað og, tá ið umstøðurnar tala fyri tí, nøvnini á skipunum, ella aðrar flutningshættir, ið nýttir eru, og

(iii) staðfestir, undir hvørjum treytum framleiðslan hevur verið í transittlandinum, ella

(c) um hetta ikki er gjørligt, so onnur próvskjøl ístaðin.

 

Framsýningar

1. Upprunavørur, ið verða sendar til framsýning í triðja landi og seldar aftaná framsýningina til innflutnings Føroyum ella Póllandi, fáa við innflutning fyrimunirnar sambært reglunum í sáttmálanum, treytað av at nøktandi prógv kann verða veitt mótvegis tollmyndugleikunum um, at:

(a) ein útflytari hevur sent hesar framleiðslur úr Føroyum ella Póllandi í framsýningarlandið og hevur sýnt tær fram har,

(b) at hesin útflytari hevur selt ella á annan hátt handað einum móttakara í Føroyum ella Póllandi framleiðslurnar,

(c) at framleiðslurnar eru sendar undir framsýningini ella beint eftir í sama líki, sum tær vóru sendar til framsýningina, og

(d) at framleiðslurnar, frá tí at tær vóru sendar á framsýningina, ikki hava verið nýttar til annað endamál enn til at vísa fram á framsýningini.

2. Ein upprunaváttan skal verða givin ella skrivað sambært reglunum í parti V og verða løgd fyri tollmyndugleikarnar í innflutningslandinum á vanligan hátt. Navn á framsýningini og bústaður verða at viðmerkja á váttanina. Um neyðugt kann eyka próvførsla verða kravd um, undir hvørjum umstøðum vørurnar eru sýndar fram.

3. 1. stk. er galdandi fyri allar handils-, ídnaðar-, landbúnaðar- ella handverksframsýningar, sølustevnur ella samsvarandi almennar stevnur ella sýningar, sum ikki eru fyriskipaðar til privat endamál í handlum ella handilshølum til tess at selja fremmandar framleiðslur, og har framleiðslurnar eru undir støðugum tolleftirliti.

 

 

Grein 14

Forboð fyri tollendurgjaldi ella frítøku fyri tolli

1. Ikki upprunatilfari, ið nýtt verður at gera framleiðslur við uppruna í Føroyum, í Póllandi, og sum upprunaváttan er givin ella skrivað fyri sambært reglunum í parti V, verður hvørki veitt tollendurgjald ella frítøka fyri toll av nøkrum slagi í Føroyum ella Póllandi.

2. Forboðið í 1. stk. skal vera galdandi fyri eina og hvørja skipan um heilt ella lutvíst at endurgjalda, eftirgeva ella ikki at gjalda toll ella avgjøld við samsvarandi árini, sum galdandi er í Føroyum ella Póllandi fyri tilfar nýtt í framleiðingini, treytað av at reglurnar týðiliga ella í roynd og veru geva loyvi til at endurgjalda, eftirgeva ella ikki at gjalda, tá ið framleiðslurnar gjørdar úr nevnda tilfari verða útfluttar, og ikki tá ið tær verða afturhildnar til innlendis nýtslu har.

3. Útflytarar av framleiðslum, ið eru umfataðar av eini upprunaváttan, mugu til eina og hvørja tíð vera til reiðar eftir áheitan frá tollmyndugleikunum at vísa fram øll neyðug skjøl, sum prógva, at einki tollendurgjald er givið fyri ikki upprunaligt tilfar, ið nýtt er til at framleiða viðkomandi framleiðslur, og somuleiðis at tollur og øll avgjøld við samsvarandi árini, sum løgd eru á tílíkt tilfar, í roynd og veru eru goldin.

4. Reglurnar í 1-3 stk. eru eisini galdandi fyri pakkitilfar samsvarandi grein 7, 2. stk., tilhoyr, eykalutir og amboð, sambært grein 8 og framleiðslur í samstøðum, sambært grein 9, tá ið tílíkir lutir ikki hava upprunastøðu.

5. Reglurnar í 1-4 stk. eru bert galdandi fyri tilfar av tí slagnum, sum sáttmálin fevnir um. Harumframt skulu tær ikki vera til hindurs fyri, at tiltøk viðvíkjandi prísendurgjaldi fyri landbúnaðarvørur verða sett í verk, sum galda fyri útflutning samsvarandi reglunum í hesum sáttmála.

 

 

UPPRUNAVÁTTAN

Grein 15

Almenn krøv

1. Framleiðslur við uppruna í Føroyum skulu, tá innflutt verður til Póllands, og framleiðslur við uppruna í Póllandi skulu, tá innflutt verður til Føroya, fáa fyrimun av sáttmálanum, um annað av hesum verður lagt fram:

(a) ein EUR.1 vørustaðfesting, sum víst í fylgiskjali III; ella

(b) í teimum í grein 20, 1. stk. nevndu førum, ein váttan, hvørs tekstur er tilskilaður í fylgiskjali IV, ið útflytarin gevur á einum faktura, einum útflýggingarskjali ella einumhvørjum øðrum handilsskjali, sum lýsir viðkomandi framleiðslur so mikið nágreiniliga, at tær kunnu kennast aftur (hereftir víst til sum "fakturaváttan").

2. Hóast 1. stk. skulu upprunavørur sambært hugsunarháttinum í hesum frumskjali í teimum í grein 25 nevndu førum fáa fyrimunir av sáttmálanum, uttan at tað er neyðugt at leggja fram annað av omanfyri nevndu skjølum.

 

Grein 16

Mannagongd, tá ið EUR.1 vørustaðfesting verður givin

1. Ein EUR.1 vørustaðfesting verður útgivin av tollmyndugleikunum hjá útflutningslandinum eftir skrivliga áheitan frá útflytaranum ella undir ábyrgd útflytarans av fulltrúa hansara.

2. Við hesum endamáli skal útflytarin ella fulltrúi hansara fylla út bæði EUR.1 vørustaðfesting og áheitanaroyðublað, sum eintak er víst av í fylgiskjali III. Hesir formálar verða at fylla út á einum av teimum málum, sum hesin sáttmálin er skrivaður á og samsvarandi reglunum í innlendis lóggávu hjá útflutningslandinum. Eru teir handskrivaðir, skulu teir skrivast við blekki og við spjaldrastavum. Vørulýsingin má verða tilskilað í tí teigi, ið gjørdur er til tess, og ongar tómar linjur mugu vera eftir. Í teimum førum, tá ið teigurin er ikki heilt fullur, skal vatnrøtt strika verða sett undir niðastu linju av lýsingini, og krossur gjørdur um tað tóma plássið.

3. Útflytari, sum søkir um at fáa eina EUR.1 vørustaðfesting útgivna, skal til eina og hvørja tíð, tá ið tollmyndugleikarnir hjá útflutningslandinum, har EUR.1 vørustaðfestingin er givin, biðja um tað, vera til reiðar at vísa fram øll neyðug skjøl, ið prógva upprunastøðuna hjá viðkomandi framleiðslum, og at allar aðrar treytir í hesum frumskjali eru loknar.

4. Tollmyndugleikar Føroya ella Póllands geva eina EUR.1 vørustaðfesting, um viðkomandi framleiðsla kann metast sum framleiðsla við uppruna í Føroyum ella Póllandi, og lýkur hinar treytirnar í hesum frumskjali.

5. Útgevandi tollmyndugleikarnir skulu taka øll neyðug stig til at prógva, at framleiðslan er upprunavøra, og at hon lýkur allar aðrar treytir í hesum frumskjali. Til hetta endamál skulu teir hava rætt til at biðja um eitt og hvørt prógv og at útinna eitt og hvørt eftirlit av roknskapunum hjá útflytaranum ella eina og hvørja aðra kanning, ið verður hildið hóskandi. Útgevandi myndugleikarnir skulu eisini tryggja, at oyðubløðini, sum víst verður til í 2. stk., eru rætt útfylt. Serstakliga skulu teir kanna eftir, um teigurin til vørulýsing er útfyltur á ein slíkan hátt, at allur møguleiki fyri svikafullum útfyllingum er útihýstur.

6. Útgávudagurin á vørustaðfesting EUR.1 skal verða viðmerkt í teigi 11 á staðfestingini.

7. Eina EUR.1 vørustaðfesting skulu tollmyndugleikarnir geva, og hon skal vera tøk hjá útflytaranum, so skjótt sum umrøddi útflutningur er avgreiddur ella vissur.

 

Vørustaðfesting EUR.1 útgivin eftirfylgjandi

1. Hóast grein 16, 7. stk. kann ein vørustaðfesting EUR.1 í serstøkum førum verða útgivin eftir at framleiðslurnar, sum vørustaðfestingin snýr seg um, eru útfluttar, um:

hon ikki varð útgivin samstundis sum útflutningurin fór fram vegna mistøk, óvildaða gloymsku ella serligar umstøður, ella

tollmyndugleikarnir fáa nóg góða vissu fyri, at ein EUR.1 vørustaðfesting útgivin í samband við innflutningin ikki var góðtikin av tekniskum ávum.

2. Fyri at halda 1. stk. skal útflytarin í áheitanini skriva stað og dag, tá ið framleiðslan, sum vørustaðfestingin EUR.1 snýr seg um, er útflutt, og grundgeva áheitan sína.

3. Tollmyndugleikarnir kunnu bert geva eina vørustaðfesting EUR.1 eftirfylgjandi, um tað fyrst er staðfest, at eykaupplýsingarnar í umsóknini frá útflytaranum samsvara við tey skrivligu skjølini.

4. Vørustaðfestingar EUR.1 givnar eftirfylgjandi skulu verða áteknaðar við einum av hesum áritum:

"GIVIN EFTIRFYLGJANDI",

"UDSTEDT EFTERFØLGENDE",

"WYSTAWIONE RETROSPEKTYWNIE",

"ISSUED RETROSPECTIVELY".

5. Átekningin sum, víst verður til í 4. stk., skal verða sett í teigin "Viðmerkingar" á vørustaðfesting EUR.1.

 

 

Tvítak av vørustaðfesting EUR.1 útgivið

1. Verður ein vørustaðfesting EUR.1 stolin, burturmist ella oyðiløgd, kann útflytarin venda sær til tollmyndugleikarnar, sum góvu hana út, fyri at fáa eitt tvítak, grundað á útflutningsskjølini í teirra varðveitslu.

2. Tvítak útgivið á henda hátt, skal verða áteknað við einum av hesum orðum:

"TVÍTAK",

"DUPLIKAT",

"DUPLICATE".

3. Átekningin, sum víst verður til í 2. stk., skal verða sett í teigin "Viðmerkingar" á tvítakinum av vørustaðfesting EUR.1.

4. Tvítak skal verða dagfest við sama útgávudegi, sum upprunaliga vørustaðfestingin EUR.1, og skal hava gildi frá tí degi.

 

Grein 19

útgivin ella skrivað frammanundan

Tá ið upprunaframleiðslur eru undir eftirliti hjá tollvaldinum í Føroyum ella Póllandi, skal tað vera møguligt at býta upprunaligu upprunaváttanina um við eina ella fleiri EUR.1 vørustaðfestingar, til tess at senda allar ella nakrar av hesum framleiðslum onkra aðrastaðni í Føroyum ella Póllandi. Tollskrivstovan, sum hevur eftirlit við framleiðslunum, skal geva hesa(r) vørustaðfesting(ar) EUR.1, sum koma ístaðin fyri ta upprunaligu vørustaðfestingina.

Grein 20

Reglur um at skriva fakturaváttan

1. Ein fakturaváttan, sum nevnd í grein 15, 1. stk., litra b kann verða skrivað:

(a) av einum góðkendum útflytara sambært grein 21, ella

av einum og hvørjum útflytara av sendingum við einum pakka ella fleiri pakkum við upprunavørum í, hvørs samlaða virði ikki fer upp um ECU 6.000.

2. Ein fakturaváttan kann verða skrivað, um framleiðslurnar, talan er um, kunnu metast sum upprunavørur í Føroyum ella Póllandi og lúka hinar treytirnar í hesum frumskjali.

3. Útflytari, ið skrivar eina fakturaváttan, skal til eina og hvørja tíð, tá ið tollmyndugleikarnir í útflutningslandinum biðja um tað, vera til reiðar at leggja fram øll nýtilig skjøl, ið prógva upprunastøðu á viðkomandi framleiðslum, og at aðrar treytir í hesum frumskjali eru loknar.

4. Útflytarin skal skriva eina fakturaváttan á maskinu, stempla ella prenta á fakturan, fylgiseðilin ella annað handilsskjal. Váttanin, hvørs tekstur stendur í fylgiskjali IV, skal verða skrivað á einum av teimum málum, sum nevnd eru í sama fylgiskjali samsvarandi reglunum í innlendis lóggávuni í útflutningslandinum. Um váttanin er handskrivað, skal hon verða skrivað við blekki og spjaldrastavum.

5. Á fakturaváttanini skal standa handskrivaða undirskrift útflytarans. Tó skal ikki verða kravt, at góðkendur útflytari sambært grein 21 skal undirskriva tílíkar váttanir, um so er, at hann gevur tollmyndugleikunum í útflutningslandinum eitt skrivligt lyfti um, at hann átekur sær fulla ábyrgd av øllum fakturaváttanum, ið vísa til hann, sum hevði hann undirskrivað tær við hond sjálvur.

6. Útflytarin kann skriva eina fakturaváttan, tá ið framleiðslurnar, hon viðvíkur, verða útfluttar, ella aftaná útflutning treytað av, at fakturaváttanin verður víst fram í innflutningslandinum ikki seinni enn tvey ár aftaná innflutning av teimum framleiðslum, ið hon vísir til.

 

Grein 21

Góðkendur útflytari

1. Tollmyndugleikarnir hjá útflutningslandinum kunnu loyva einum og hvørjum útflytara, ið hevur regluligar avskipingar av framleiðslum, sum hesin sáttmálin fevnir um, at skriva fakturaváttanir uttan mun til virðið á teimum umrøddu framleiðslunum. Ein útflytari, ið søkir um tílíkt loyvi, skal geva tollmyndugleikunum alla ta trygd, sum neyðug er fyri at kunna vátta, at framleiðslurnar hava upprunastøðu, eins og at hinar treytirnar í hesum frumskjali eru loknar.

2. Tollmyndugleikarnir kunnu geva útflytara loyvi sum góðkendur útflytari, undir øllum teimum treytum, sum teir meta hóskandi.

3. Tollmyndugleikarnir skulu geva góðkenda útflytaranum eitt loyvisnummar, sum skal standa á fakturaváttanini.

4. Tollmyndugleikarnir hava eftirlit við nýtsluni av loyvinum hjá góðkenda útflytaranum.

5. Tollmyndugleikarnir kunnu til eina og hvørja tíð taka loyvið aftur. Tað skulu teir, um tann góðkendi útflytarin ikki gevur ta trygd, sum nevnd er í 1. stk., ikki lýkur treytirnar nevndar í 2. stk., ella á annan hátt nýtir loyvið skeivt.

 

Rættargildi upprunaváttannar

1. Ein upprunaváttan hevur gildi í 4 mánaðir frá útgávudegnum hjá útflutningslandinum og skal í hesum tíðarskeiði verða løgd fyri tollmyndugleikarnar hjá innflutningslandinum.

2. Upprunaváttanir, sum verða lagdar fyri tollmyndugleikarnar hjá innflutningslandinum eftir seinastu freist fyri framløgu sum ásett í 1. stk., kunnu verða góðtiknar við tí endamáli at geva fyrimunarviðgerð, um so er at skjølini ikki eru framløgd innan seinastu freist orsakað av heilt óvanligum umstøðum.

3. Í øðrum førum, tá ið hon er ov seint framløgd, kunnu tollmyndugleikarnir hjá innflutningslandinum góðtaka upprunaváttanirnar, tá ið framleiðslurnar eru lagdar fyri teir innan nevndu síðstu freist.

 

At leggja fram upprunaváttan

Upprunaváttanir skulu verða lagdar fyri tollmyndugleikarnar hjá innflutningslandinum sambært reglunum, ið ásettar eru í tí landinum. Nevndu myndugleikar kunnu krevja eina umseting av upprunaváttanini og kunnu eisini krevja, at við innflutningsfráboðanini skal fylgja ein frágreiðing frá innflytaranum sum sannar, at vørurnar lúka kravdu treytirnar fyri, at sáttmálin kann verða nýttur.

Innflutningur í pørtum

Tá ið sundurtiknar ella ikki samansettar framleiðslur, sambært punkt 2, litra (a) í almennu reglunum í Tillagaðu Skipanini, sum koma undir deildirnar XVI og XVII ella vøruflokkarnar 7308 og 9406, eftir áheitan frá innflytaranum og sambært treytum ásettar av tollmyndugleikunum hjá innflutningslandinum verða innfluttar í pørtum, skal ein felags upprunaváttan verða løgd fyri tollmyndugleikarnar, tá ið fyrsti parturin verður innfluttur.

Undantøk frá upprunaváttan

1. Framleiðslur sendar í smápakkum frá privatum persónum til privatar persónar, ella sum eru partar av persónligum viðføri hjá ferðandi, verða at meta sum upprunaframleiðslur, uttan at kravt verður, at upprunaváttan verður løgd fram, treytað av at hesar framleiðslur ikki eru innfluttar við nøkrum vinnuligum endamáli, og fráboðað verður, at tær lúka treytirnar í hesum frumskjali og at eingin ivi er um, at fráboðanin er sonn. Í teimum førum framleiðslur verða sendar við posti, kann fráboðanin verða gjørd á tollfráboðan C2/CP3 ella á pappír, heft sum fylgiskjal til tað skjalið.

2. Innflutningur av og á, sum bert fevnir um framleiðslur til persónliga nýtslu hjá móttakaranum ella tí ferðandi ella húski teirra, skal ikki metast sum innflutningur við vinnuligum endamáli, um tað týðiliga sæst av vøruslagi ella vørunøgd, at innflutningurin einki vinnuligt endamál hevur.

3. Harafturat skal heildarvirðið á hesum framleiðslum ikki fara upp um ECU 500, um talan er um smápakkar, ella ECU 1200, um talan er um framleiðslur, sum eru partur av persónliga viðføri teirra ferðandi.

 

Grein 26

Undirstøðisskjøl

Skjøl, nevnd í grein 16, 3. stk. og grein 20, 4. stk., ið nýtt eru sum prógv fyri, at framleiðslur, sum ein EUR. 1 vørustaðfesting ella ein fakturaváttan fevnir um, kunnu verða mettar sum upprunavørur í Føroyum ella Póllandi og lúka hinar treytirnar í hesum frumskjali, kunnu eitt nú vera:

(a) beinleiðis prógv um ta viðgerð, sum útflytarin ella útvegarin letur fara fram fyri at útvega sær hesar vørur, sum tað stendur eitt nú í hansara roknskapi ella innanhýsis bókhaldi,

(b) skjøl, sum prógva upprunastøðuna á nýttum tilfari, givin ella skrivað í Føroyum ella Póllandi, tá ið skjølini eru nýtt í samsvari við innlendis lóggávuna,

(c) skjøl, sum prógva viðgerðina ella tilgerðina á tilfari í Føroyum ella Póllandi, útgivin ella skrivað í Føroyum ella Póllandi, tá ið hesi skjøl eru nýtt sambært innlendis lóggávu,

(d) EUR.1 vørustaðfestingar ella fakturaváttanir, ið prógva upprunastøðuna á nýttum tilfari, útgivnar ella skrivaðar í Føroyum ella Póllandi sambært hesum frumskjali.

 

Grein 27

At goyma upprunaváttan og undirstøðisskjøl

1. Útflytari, sum søkir um at fáa eina EUR.1 vørustaðfesting útgivna, skal í minsta lagi í trý ár goyma skjølini, ið víst verður til í grein 16, 3. stk.

2. Útflytari, sum skrivar eina fakturaváttan, skal í minsta lagi í trý ár goyma avrit av fakturaváttanini eins og skjølini, sum víst verður til í grein 20, 3. stk.

3. Tollmyndugleikarnir í útflutningslandinum, sum geva eina EUR.1 vørustaðfesting, skulu í minsta lagi í trý ár goyma áheitanaroyðublaðið, sum víst verður til í grein 16, 2. stk.

4. Tollmyndugleikarnir í innflutningslandinum skulu í minsta lagi í trý ár goyma EUR.1 vørustaðfestingar og fakturaváttanir, sum lagdar eru fyri teir.

 

Ósambæri og formligar villur

1. Verður smávegis ósambæri staðfest millum upplýsingar givnar í upprunaváttanum og tær, givnar í skjølum, ið løgd eru fyri tollvaldið við tí endamáli at lúka formligu treytirnar fyri at innflyta framleiðslur, skal tað ikki í sjálvum sær ógilda fakturaváttanina, um tað verður nóg væl tryggjað, at skjalið svarar til tær framløgdu framleiðslurnar.

2. Eyðsýndar formligar villur so sum skrivivillur á eini upprunaváttan eiga ikki at føra við sær, at skjalið verður vrakað, um hesar villur ikki eru soleiðis háttaðar, at tær sáa iva um beinleikan á upplýsingunum á skjalinum.

 

Grein 29

Upphæddir ásettar í ECU

1. Upphæddir í innlendisgjaldoyra hjá útflutningslandinum svarandi til upphæddir ásettar í ECU verða ásettar av útflutningslandinum og fráboðaðar innflutningslandinum.

2. Fara upphæddirnar upp um samsvarandi upphæddir, sum ásettar eru av innflutningslandinum, skal seinni nevndi góðtaka tær um so er, at framleiðslurnar eru faktureraðar í gjaldoyranum hjá útflutningslandinum.

3. Upphædd, ið nýtt verður í einum hvørjum innlendis gjaldoyra, skal í viðkomandi innlendis gjaldoyra samsvara við upphæddina ásetta í ECU fyrsta arbeiðsdag í oktober 1996.

4. Eftir áheitan frá Føroyum ella Póllandi skal felagsnevndin endurskoða upphæddirnar ásettar í ECU og teirra javnvirði í innlendis gjaldoyranum hjá Føroyum og Póllandi. Tá ið endurskoðað verður, skal felagsnevndin geva vissu fyri, at upphæddirnar, sum nýtast skulu í innlendis gjaldoyranum, ikki verða lækkaðar, og tekur harumframt støðu til, um tað er ynskjandi at varðveita veruliga árinið av hesum virðismørkum. Við hesum fyri eyga kann felagsnevndin gera av at broyta upphæddirnar ásettar í ECU.

 

 

Grein 30

Sínámillum hjálp

1. Tollmyndugleikar Føroya og Póllands skulu lata hvør øðrum avrit av teimum stemplum, ið nýtt verða á tollskrivstovum teirra til útgávu av EUR.1 vørustaðfestingum, við bústaði hjá tollmyndugleikunum, hvørs ábyrgd er at sannprógva slíkar vørustaðfestingar og fakturaváttanir.

2. Til tess at tryggja, at hetta frumskjal verður rætt nýtt, skulu Føroyar og Pólland hjálpa hvør øðrum gjøgnum røttu tollmyndugleikarnar at kanna eftir trúleikanum á EUR.1 vørustaðfestingum ella fakturaváttanum og beinleikanum av upplýsingunum í hesum skjølum.

 

Grein 31

At sannprógva upprunaváttanir

1. Upprunaváttanir skulu verða sannprógvaðar við stakroyndum, og annars tá ið tollmyndugleikarnir í innflutningslandinum hava rímiliga orsøk til at ivast um trúleikan í hesum skjølum, um upprunastøðuna hjá viðkomandi framleiðslum, ella um hinar treytirnar í hesum frumskjali eru loknar.

2. Við tí endamáli at fremja ásetanirnar í 1. stk., skulu tollmyndugleikarnir í hjá innflutningslandinum senda tollmyndugleikunum hjá útflutningslandinum vørustaðfesting EUR.1, fakturan, um hann er lagdur fyri teir, og fakturaváttan, ella avrit av hesum skjølum aftur, og um neyðugt grundgeva fyri áheitanini. Fyri at styðja áheitanina um sannprógvan skulu teir senda øll skjøl og allar útvegaðar upplýsingar, sum benda á, at upplýsingarnar, ið vóru givnar á upprunaváttanini, eru skeivar.

3. Kanningina gera tollmyndugleikarnir hjá útflutningslandinum. Til tess hava teir rætt til at biðja um eitt og hvørt próvtilfar og til á ein hvønn hátt at kanna roknskap útflytarans ella fremja tað eftirlit, teir halda vera hóskandi.

4. Um tollmyndugleikarnir í innflutningslandinum gera av at steðga við at játta fyrimunarviðgerð av framleiðslunum, ið talan er um, meðan bíðað verður eftir kanningarúrslitinum, skulu teir bjóða sær til at geva innflytaranum framleiðslurnar leysar, tó treytað av teimum trygdartiltøkum, sum verða hildin neyðug.

5. Tollmyndugleikarnir, sum biðið hava um kanningina, skulu fáa fráboðan um kanningarúrslitini skjótast gjørligt. Hesi úrslit mugu týðiliga vísa, um skjølini eru sonn, um framleiðslurnar eru at meta sum upprunaframleiðslur í øðrum sátmálapartinum.

6. Um talan er um rímiligan iva, og einki svar er komið innan 10 mánaðir eftir áheitan um kanningina, ella svarið ikki hevur nóg góðar upplýsingar fyri at meta um trúleikan á nevndu skjølum ella upprunan á framleiðsluni, skal áheitti tollmyndugleikin nokta rættin til fyrimunirnar, tó ikki undir serligum umstøðum.

 

Grein 32

Trætuloysn

Stinga trætur seg upp viðvíkjandi kanningarháttinum í grein 31, sum tollmyndugleikarnir, ið biðja um eftirkanning, og tollmyndugleikarnir, ið hava ábyrgdina av kanningini, kunnu ikki loysa sínámillum, ella teir seta spurningar um, hvussu hetta frumskjal skal tulkast, skal tílíkt verða lagt fyri felagsnevndina.

Í øllum førum skulu trætur millum innflytara og tollmyndugleikarnar hjá innflutningslandinum loysast sambært lóggávuni í viðkomandi landi.

Revsing

Revsing verður áløgd einum og hvørjum, sum ger ella fær gjørt eitt skjal við rongum upplýsingum, til tess at framleiðslur skulu fáa fyrimunarviðgerð.

Fríøki

1. Føroyar og Pólland skulu taka øll neyðug stig til tess at tryggja, at framleiðslur handlaðar við upprunaváttan sum grundarlagi, sum undir gjøgnumflutninginum verða goymdar á einum fríøki í teirra øki, ikki verða umbýttar við aðrar vørur, og at tær ikki verða viðgjørdar á annan hátt enn tann vanliga framferðin til tess at forða fyri, at tær oyðileggjast.

2. Um talan er um frítøku frá reglunum sambært 1. stk., tá ið framleiðslur við uppruna í Føroyum ella Póllandi verða innfluttar til eitt fríøki við upprunaváttan sum grundarlag og verða viðgjørdar ella tilgjørdar, skulu nevndu myndugleikar eftir áheitan frá útflytaranum geva eina nýggja vørustaðfesting EUR.1, um viðgerðin ella tilgerðin samsvarar við reglurnar í hesum frumskjali.

 

 

Broytingar í frumskjalinum

Felagsnevndin kann gera av at broyta reglurnar í hesum frumskjali.

 

Grein 36

Undirnevnd í tollmálum

1. Ein undirnevnd í tollmálum skal verða sett, og álagt verður henni at taka sær av fyrisitingarligum samstarvi við tí fyri eyga, at hesin sáttmáli verður rætt og einsháttað nýttur, og at taka sær av einum og hvørjum øðrum máli, sum kann verða litið henni upp í hendur.

2. Undirnevndin skal verða samansett av serkønum fólki frá báðum sáttmálapørtunum, sum hava ábyrgd av tollspurningum.

 

Grein 37

Fylgiskjøl

Fylgiskjølini til hetta frumskjal skulu vera ein samanhangandi partur av tí.

 

Grein 38

At seta frumskjalið í verk

Sáttmálapartarnir skulu taka neyðug stig til tess at seta hetta frumskjal í verk.

 

Grein 39

Vørur í gjøgnumflutningi ella á goymslu

Reglurnar í hesum sáttmála kunnu gerast galdandi fyri vørur, sum lúka treytirnar í frumskjalinum, og sum á tí degi, hesin sáttmáli kemur í gildi, annaðhvørt eru í gjøgnumflutningi ella liggja fyribils á frígoymslu ella í fríøki hjá einum sáttmálaparti, treytað av at røttu myndugleikarnir hjá útflutningssáttmálapartinum innan fýra mánaðar frá tí degnum, eftirfylgjandi geva tollmyndugleikunum hjá innflutningssáttmálapartinum vørustaðfesting EUR.1 saman við skjølum, ið vísa, at vørurnar vórðu fluttar beinleiðis.

FYLGISKJAL I

INNGANGSVIÐMERKINGAR TIL LISTAN Í FYLGISKJALI II

Viðmerking 1:

Listin ásetur, hvørjar treytir skulu vera loknar av øllum framleiðslum fyri at kunna metast sum nóg mikið viðgjørdar ella tilgjørdar sambært grein 5 í frumskjalinum.

Viðmerking 2:

2.1 Teir báðir fyrstu teigarnir í listanum lýsa fulllidnu framleiðsluna. Fyrsti teigur tilskilar nummar á vøruflokki ella kapitli, ið nýtt er í Tillagaðu Skipanini, og annar teigur tilskilar vørulýsingina, ið nýtt er í hesi skipan fyri viðkomandi vøruflokk ella kapittul. Fyri hvørja viðmerking í teimum báðum fyrstu teigunum er ein regla serstakliga tilskilað í 3. ella 4. teigi. Tá tað í summum førum stendur eitt "ex" framman fyri viðmerkingina í fyrsta teigi, merkir tað, at reglan í 3. og 4. teigi bert kann nýtast um tann partin av viðkomandi vøruflokki ella kapitli, sum lýstur er í 2. teigi.

2.2 Har fleiri vøruflokkar eru bólkaðir í 1. teigi ella ein kapittul er viðmerktur, og vørulýsingin í 2. teigi tí stendur við vanligari orðing, er samsvarandi regla í 3. ella 4. teigi galdandi fyri allar framleiðslur, sum í Tillagaðu Skipanini eru flokkaðar undir vøruflokk í hesum kapitli ella undir einhvønn av teimum vøruflokkum, ið eru bólkaðir saman í 1. teigi.

2.3 Tá tað í listanum eru ymsar reglur fyri ymsar framleiðslur innan fyri ein vøruflokk, inniheldur hvør innskjóting lýsingina av tí partinum av vøruflokkinum, ið er umfataður av samsvarandi reglu í 3. ella 4. teigi.

2.4 Tá ein regla serstakliga er tilskilað í 3. og 4. teigi fyri eina viðmerking í báðum teimum fyrstu teigunum, kann útflytarin velja annaðhvørt at lata regluna í 3. teigi ella 4. teigi vera galdandi. Um eingin upprunaregla stendur í 4. teigi, er reglan í 3. teigi galdandi.

Viðmerking 3:

3.1 Reglurnar í grein 5 í frumskjalinum viðvíkjandi framleiðslum, ið hava fingið upprunastøðu, og sum eru nýttar í fremleiðingini av øðrum framleiðslum galda uttan mun til, um upprunastøðan er fingin í virkinum, har hesar framleiðslur eru nýttar ella í einum øðrum virki í Føroyum ella í Póllandi.

 

 

 

Dømi:

Ein motorur í vøruflokki 8407, hvørs regla ásetur, at virðið á nýttum tilfari, sum ikki hevur upprunastøðu, má ikki fara upp um 40% av ab virki prísinum á framleiðsluni, er gjørdur úr "aðrari stállegering grovt tilevnað við smíðing", í vøruflokki 7224.

Er hesin smíðaði luturin gjørdur í Póllandi úr kubba (ingot), ið ikki hevur upprunastøðu, so hevur luturin longu fingið upprunastøðu sambært reglunum fyri vøruflokk ex 7224 í listanum. Smíðaði luturin kann soleiðis roknast at hava upprunastøðu í virðisrokningini av motorinum, uttan mun til um hann varð framleiddur á sama virki sum motorurin ella á einum øðrum virki í Póllandi. Virðið á kubbanum (ingot), ið ikki hevur upprunastøðu, skal soleiðis ikki roknast uppí, tá virðið á nýttum tilfari, ið ikki hevur upprunastøðu, verður roknað.

3.2 Reglan í listanum er tað minstamark, sum krevst fyri viðgerð ella tilgerð, og meiri viðgerð ella tilevning gevur eisini upprunastøðu; hinvegin kann viðgerð ella tilgerð undir ásetta markinum ikki geva upprunastøðu. Tá ið tilfar uttan upprunastøðu sambært eini reglu kann nýtast á einum ávísum framleiðingarstigi, er tí eisini loyvt at nýta tílíkt tilfar á einum fyrri stigi í framleiðingini, men nýtsla av tílíkum tilfari í einum seinni stigi er ikki loyvd.

3.3 Uttan at vika við viðmerking 3.2, har ein regla ásetur, at "tilfar úr einum hvørjum vøruflokki" kann nýtast, kann tilfar úr sama vøruflokki sum framleiðslan sjálv, eisini nýtast, sbr. tó møguligar serstakar avmarkingar, sum eisini kunnu vera innihildnar í regluni. Kortini merkir orðingin "framleiðing úr tilfari úr einum hvørjum vøruflokki, íroknað annað tilfar úr vøruflokki nr. ....", at bert tilfar, ið er flokkað í sama vøruflokki sum framleiðslan, men við eini aðrari lýsing enn tí vørulýsing, ið er nevnd í 2. teigi í listanum, kann nýtast.

3.4 Tá tað í eini reglu í listanum serstakliga verður tilskilað, at ein framleiðsla kann framleiðast úr meira enn einum slagi av tilfari, merkir tað, eitthvørt ella fleiri ymisk sløg av tilfari kunnu nýtast. Kravt verður ikki, at øll sløgini av tilfari verða nýtt samstundis.

Dømi:

Reglan um vovið klæði í TS 5208 til 5212 ásetur, at natúrtrevjur kunnu nýtast, og at millum annað kemotrevjur kunnu nýtast. Tað merkir ikki, at bæði sløgini skulu nýtast; men at tað er møguligt at nýta annað ella hitt tilfarið ella bæði samstundis.

Tá ið tað í eini reglu í listanum er tilskilað, at ein framleiðsla skal verða framleidd úr einum ávísum tilfari, forðar treytin eyðsýniliga ikki fyri, at annað tilfar verður nýtt, sum vegna sítt sermerkta slag ikki kann lúka reglurnar. (Sí eisini viðmerking 6.2 niðanfyri viðvíkjandi tekstilvørum).

 

 

 

Dømi:

Reglurnar um tilbúnaða føði í vøruflokki 1904, sum beinleiðis forbjóða nýtslu av korni og tættum teirra, forða ikki fyri nýtslu av mineralskum saltsløgum, kemikalium og øðrum útílatingarevnum, sum ikki eru framleidd úr korni.

Hinvegin er hetta ikki galdandi fyri framleiðsur, sum, hóast tær ikki kunnu framleiðast úr tí ávísa tilfarinum, sum tilskilað er í listanum, kunnu verða framleiddar úr tílíkum tilfari á einum fyrri stigi í framleiðingini.

Dømi:

Tá ið talan er um eitt klædnaplagg úr ex kapittul 62, gjørt úr óvovnum tilfari, og tað bert er loyvt at nýta garn uttan upprunastøðu til hetta slagið av lutum, er tað ikki møguligt at byrja við óvovnum klæði - hóast óvovið klæði vanliga ikki kann verða framleitt úr garni. Í tílíkum føri eigur tað upprunaliga tilfarið vanliga at vera á stiginum, áðrenn tað gerst garn, t.v.s. á trevjustiginum.

3.6 Tá ið tvey prosenttøl verða uppgivin í eini reglu í listanum sum mesta virðið á tilfari uttan upprunastøðu, ið nýtast kann, mugu hesi prosenttøl ikki leggjast saman. Við øðrum orðum má mesta virðið á øllum nýttum tilfarssløgum uttan upprunastøðu ongantíð fara upp um tað hægsta av uppgivnu prosenttølunum. Haraftrat má ikki verða farið upp um einstøku prosenttølini, ið galdandi eru fyri ávísu tilfarssløgini.

Viðmerking 4:

4.1 Orðið "natúrtrevjur" verður nýtt í listanum um allar aðrar trevjur enn eftirgjørdar og syntetiskar trevjur og er avmarkað til stigið áðrenn spunnið verður, herundir eisini restir, og um annað ikki er tilskilað, fevnir orðið "natúrtrevjur" eisini um trevjur, ið eru karðaðar, kembdar ella á annan hátt tilgjørdar, men ikki spunnar.

4.2 Orðið "natúrtrevjur" fevnir eisini um rossahár úr vøruflokki 0503, silki úr vøruflokki 5002 og 5003, eins og ulltrevjur, fín ella grov dýrahár úr vøruflokki 5101 til 5105, bummullartrevjur úr vøruflokki 5201 til 5203 og aðrar plantutrevjur úr vøruflokki 5301 til 5305.

4.3 Orðini "tekstildeiggj", "kemotilfar" og "pappírstilfar" eru nýtt í listanum til at lýsa tilfar, ið ikki verður flokkað í kapitlunum 50 til 63, sum kann nýtast at framleiða eftirgjørdar ella syntetiskar trevjur ella pappírstrevjur ella -garn.

4.4 Orðini "stuttar kemotrevjur" verða í listanum nýtt um syntetiskar ella eftirgjørdar langtrevju strýggjur, stutttrevjur ella restir úr vøruflokki 5501 til 5507.

Viðmerking 5:

5.1 Fyri framleiðslur flokkaðar í teir vøruflokkar í listanum, sum víst verður til í hesi viðmerking, eru treytirnar í 3. teigi ikki galdandi fyri tekstilgrundtilfar, sum nýtt er til framleiðingina av teimum, og sum tilsamans er 10% ella minni av vektini tilsamans á øllum nýttum tekstilgrundtilfari (sbr. eisini viðmerking 5.3 og 5.4).

5.2 Tó kann tolda frávikið nevnt í viðmerking 5.1. bert nýtast fyri blandaðar vørur, sum eru gjørdar úr tveimum ella fleiri sløgum av tekstilgrundtilfari.

Hetta tilfar er tekstilgrundtilfar:

- silki

- ull

- grov dýrahár

- fín dýrahár

- rossahár

- bummull

- tilfar til pappírsvørur og pappír

- lín

- hampur

- júti og aðrar tekstilbasttrevjur

- sissal og aðrar tekstiltrevjur av ættini Agave

- kokos, abaca, ramie og aðrar plantutekstiltrevjur

- syntetiskar kemolangtrevjur

- eftirgjørdar kemolangtrevjur

- syntetiskar kemostutttrevjur av polypropylene

- syntetiskar kemostutttrevjur av polyester

- syntetiskar kemostutttrevjur av polyamidum

- syntetiskar kemostutttrevjur av polyacrylonitril

- syntetiskar kemostutttrevjur av polyimidum

- syntetiskar kemostutttrevjur av polytetrafluoroethylen

- syntetiskar kemostutttrevjur av polyphenylene sulphide

- syntetiskar kemostutttrevjur av polyvinyl chloride

- aðrar syntetiskar kemostutttrevjur

- eftirgjørdar komostutttrevjur av viskosu

- aðrar eftirgjørdar kemostutttrevjur

- garn úr polyurethane segmenterað við smidligum segmentum av polyether, eisini spunnið

- garn úr polyurethane segmenterað við smidligum segmentum av polyesterum, eisini spunnið

- framleiðslur úr vøruflokki 5605 (metalgarn), ið innihalda álir við kjarna av aluminiumsfolio ella við kjarna av plastikkfilmi, eisini klæddir við aluminiums-pulvuri, í tvørskurði ikki yvir 5 mm, kleimdir saman av gjøgnumskygdum ella littum bindievni millum tvey løg av plastikkfilmi.

- aðrar framleiðslur úr vøruflokki 5605.

Dømi:

Garn úr vøruflokki 5205 úr bummullartrevjum úr vøruflokki 5203 og syntetiskum stutttrevjum úr vøruflokki 5506 er blandað garn. Tí kunnu syntetiskar stutttrevjur uttan upprunastøðu, sum ikki lúka upprunareglurnar (ið krevja framleiðing úr kemiskum tilfari ella tekstildeiggi), nýtast við upp til 10 prosentum av garninum í vekt.

Dømi:

Ullint klæði úr vøruflokki 5112 úr ullgarni úr vøruflokki 5107 og syntetiskum garni úr stutttrevjum úr vøruflokki 5509 er blandað klæði. Tí kann syntetiskt garn, ið ikki lýkur upprunareglurnar (sum krevja framleiðing úr kemotilfari ella úr tekstildeiggi) ella ullgarn, ið ikki lýkur upprunareglurnar (sum krevja framleiðing úr natúrtrevjum, ikki karðaðar ella kembdar ella á annan hátt tilbúnar til spuna) ella ein samanseting av hesum báðum, nýtast í framleiðingini, treytað av at teirra samanlagda vekt ikki fer upp um 10% av vektini á klæðinum.

Dømi:

Skúvað tekstilklæði úr vøruflokki 5802, gjørt úr bummullargarni úr vøruflokki 5205 og bummullarklæði úr vøruflokki 5210, er bert blandað vøra, um bummullarklæðið í sjálvum sær er blandað klæði, gjørt úr garni, ið verður flokkað undir tveimum ymiskum vøruflokkum, ella um nýttu bummullargørnini í sjálvum sær eru blanding.

Dømi:

Hevði skúvaða tekstilklæðið, ið talan er um, verið úr bummullargarni úr vøruflokki 5205 og syntetiskum klæði úr vøruflokki 5407, er tað greitt, at nýttu gørnini eru tvey ymisk sløg av tekstilgrundtilfari, og tuftaða tekstilklæðið er sostatt ein blandað framleiðsla.

Dømi:

Eitt teppi við skúvum gjørt bæði úr eftirgjørdum garni og úr bummullargarni við afturklædningi av jute verður mett sum ein blandað framleiðsla, tí nýtt eru trý sløg av tekstilgrundtilfari. Sostatt kann eitt hvørt slag av tilfari uttan upprunastøðu nýtast, sum eru á einum seinni stigi í framleiðingini, enn reglan loyvir, treytað av at vektin á teimum tilsamans fer ikki upp um 10% av vektini á tekstiltilfarinum í teppinum. Sostatt kunnu bæði juteklædningurin og/ella eftirgjørda garnið takast við á hesum stiginum í framleiðingini, treytað av at vekttreytirnar eru loknar.

5.3 Fyri framleiðslur, ið innihalda "garn gjørt úr polyurethan, segmenterað við smidligum polyether segmentum, eisini "yvirspunnið"", er tolda frávikið fyri garnið 20%.

5.4 Fyri framleiðslur, ið innihalda "álir við kjarna av aluminiumsfolio ella kjarna av plastikkfilmi, eisini klæddir við aluminiumspulvuri, í tvørskurði ikki yvir 5 mm, kleimdir saman av eini klisturál millum tvey sløg av plastikkfilmi", er tolda frávikið á álini 30%.

Viðmerking 6:

6.1 Til vovnar tekstilframleiðslur, sum í listanum eru merktar við eini undirviðmerking, ið vísir til hesa viðmerkingina, kann tekstiltilfar verða nýtt - tó ikki fóður og millumfóður, sum ikki lúka regluna í 3. teigi í listanum fyri gjørdu framleiðsluna, ið talan er um - treytað av at tað er flokkað í einum øðrum vøruflokki enn framleiðslan, og treytað av at virðið á tí ikki fer upp um 8% av ab virki prísinum á framleiðsluni.

6.2 Uttan at vika við viðmerking 6.3 kann tilfar, ið ikki er flokkað undir kapitlunum 50 til 63, nýtast frítt í framleiðing av tekstilframleiðslum, eisini um tað ikki inniheldur tekstil.

Dømi:

Um ein regla í listanum ásetur, at garn skal nýtast til ein ávísan tekstillut sum t.d. einar buksur, forðar tað ikki fyri, at metallutir kunnu verða nýttir, t.d. knappar, tí knappar ikki eru flokkaðir í kapitlunum 50 til 63. Av somu orsøk forðar reglan ikki fyri, at snarlás kunnu verða nýtt, hóast snarlás vanliga hava tekstil í sær.

6.3 Er ein prosentregla galdandi, skal virðið á tilfari, sum ikki hoyrir undir kapitlarnar 50-63 roknast uppí, tá virðið á nýttum tilfari, sum ikki hevur upprunastøðu, verður roknað.

Viðmerking 7:

7.1 Viðvíkjandi vøruflokkunum 2707, 2713 til 2715, ex 2901, ex 2902 og ex 3403, eru "ávísar tilgerðir" hesar:

vakumdropadríving;

endurdropadríving við djúptøknum arbeiðshátti¹;

kloyving;

endurforming;

úttøka við hjálp av úrveljandi upploysingarevni;

tilgerðin, ið fevnir um allar eftirfylgjandi viðgerðir: tilgerð við tjúknaðari svávulsýru, oleum ella svávulanhydrid; neutralisering við alkaliskum evnum; avliting og reinsing við natúrliga virknari jørð, virktari jørð, virktum trækoli ella bauxiti;

polymerisasjón;

alkylasjón;

isomerisasjón;

Viðvíkjandi vøruflokkunum 2710 2711 og 2712 eru "ávísar tilgerðir" hesar:

(a) vakumdropadríving;

(b) endurdropadríving við djúptøknum arbeiðshátti²;

(c) kloyving;

(d) endurforming;

(e) úttøka við hjálp av úrveljandi upploysingarevni;

(f) tilgerðin, ið fevnir um allar eftirfylgjandi viðgerðir: tilgerð við tjúknaðari svávulsýru, oleum ella svávulanhydrid; neutralisering við alkaliskum evnum; avliting og reinsing við natúrliga virknari jørð, virktari jørð, virktum trækoli ella bauxiti;

(g) polymerisasjón;

(h) alkylasjón;

¹ Sí viðmerking 4, litra b, til kapitul 27 í felags vøruskránni.

2 Sí frágreiðandi viðmerking 4, litra b, til kapittul 27 í felags vøruskránni.

(ij) isomerisasjón;

(k) viðvíkjandi tungolju bert í vøruflokki ex 2710, svávlan við hydrogeni, ið hevur sum úrslit eina minking uppá í minsta lagi 85 prosent av svávulinnihaldinum í framleiðsluni, ið tilgjørd verður (ASTM D 1266-59 T háttur);

(l) viðvíkjandi framleiðslum bert í vøruflokki 2710, deparaffinering við aðrari tilgerð enn filtran;

(m) viðvíkjandi tungolju bert í vøruflokki ex 2710, viðgerð við hydrogen undir trýsti, sum er meiri enn 20 bar og í hiti, sum er hægri enn 250°C við at nýta katalysator, sum ikki elvir til avsvávlan, tá ið hydrogenið er eitt virkið element í eini kemiskari

reaksjón. Meirviðgerð við hydrogeni úr smyrjiolju í vøruflokki ex 2710 (t.d. hydroeftirviðgerð ella avliting) fyri á meiri serskildan hátt at betra lit ella bindindi, skal kortini ikki verða mett sum ein serskild viðgerð;

(n) viðvíkjandi brennioljum bert í vøruflokki 2710, atmosferisk dropadríving, treytað av at minni enn 30 prosent av hesum framleiðslum dropadrívist, í volumen, íroknað missir, við 300°C við ASTM D 86 hátti;

(o) viðvíkjandi aðrari tungolju enn luftolju og brenniolju bert í vøruflokki ex 2710, viðgerð við hjálp av "a high-frequency electrical brush-discharge".

Viðvíkjandi vøruflokki ex 2707, 2713 til 2715, ex 2901, ex 2902 og ex 3403, einfaldar viðgerðir so sum reinsan, umhelling, avsalting ("desalting"), vatnsundurskiljing, filtran, liting, merking, at fáa eitt svávulinnihald av at blanda framleiðslur við ymiskum svávulinnihaldi, ein og hvør samanseting av hesum viðgerðum ella líknandi viðgerðum gevur ikki upprunastøðu.

 

 

skal viðgerast við, fyri at framleidda vøran kann fáa upprunastøðu

Tað kann vera, at sáttmálin ikki fevnir um allar framleiðslurnar, ið nevndar eru í listanum.

Tað er tí neyðugt at leita ráð hjá hinum sáttmálapørtunum.