3.11.1.03. Fíggjarmálastýrið (Rakstrarjáttan)

Almenna uppgávan hjá Fíggjarmálastýrinum er at:

• Ráðgeva landsstýrismanninum í fíggjarmálum á fíggjarpolitiska, búskaparpolitiska, skatta- og avgjaldspolitiska, peninga- og kredittmarknaðarpolitiska og lønarpolitiska økinum, soleiðis at hann fær eitt haldgott avgerðargrundarlag.
• Loysa tvørgangandi og samskipandi uppgávur á fíggjar- og búskaparpolitiska økinum.
• Fyriskipa landsins búskaparstýring og skapa grundarlag fyri, at landsfyrisitingin greiðir sínar uppgávur væl búskaparliga.
• Fylgja gongdini í føroyska búskapinum og gera metingar um úrslit av tí førda búskaparpolitikkinum.

Fíggjarmálastýrið hevur hesi mál um hendi:

• Uppskot um fíggjarlóg og eykajáttanarlóg.
• Umsiting í sambandi við játtanarlógir og játtanarskipan, játtanarrætt og budgetttekniskar spurningar.
• Eftirlit við, at játtanarskipanin verður fylgd.
• Lógarfyrireikandi arbeiði á fíggjarpolitiska, búskaparpolitiska og skatta- og avgjaldspolitiska økinum (saman við T&S).
• Fíggjareftirlit við kommunum.
• Búskaparfrágreiðingar.
• Umsiting av og fíggjarligt eftirlit við landsins byggimálum.
• Málsviðgerð, í samband við eftirgeving av skatti.
• Lógarumsiting í sambandi við innkrevjing.
• Lógarumsiting, sum viðvíkur peninga- og kredittmarknaði.
• Kanningar av ymsum pørtum av tí almenna fyri at tryggja, at landskassans fíggjarorka verður skynsamiliga nýtt. Lóggávuverkið á ávísum útreiðsluøki kann verða kannað og somuleiðis bygnaðurin á økinum. Setast kunnu arbeiðsbólkar, sum vanliga verða mannaðir við fólki úr fíggjarmálastýrinum, avvarðandi aðalstýri og møguliga við eksternum ráðgevum.

Umframt hesi mál hevur lønardeildin undir Fíggjarmálastýrinum hesi mál um hendi:

• Sáttmálasamráðingar.
• Sáttmálaumsiting.
• Ger av almennum reglum og vegleiðingum um lønarmál.
• Ráðgeving og kunning av aðalstýrum og stovnum um lønarviðurskifti og starvsfólkarætt.
• Tænastumannalóggáva og tænastumannaeftirlønir.
• Góðkenning av leigusáttmálum.
• Menningaruppgávur, m.a. menning av nýggjum lønarskipanum.

3.11.1.13. Viðlíkahald (Rakstrarjáttan)

Virksemisyvirlit

3.11.1.19. Flyting av fíggjar- og búskaparstovnum landsins (Løgujáttan)

3.11.1.20. Keyp av bygningi (Løgujáttan)

3.11.1.23. Landsins ognir (Rakstrarjáttan)

Mestu inntøkurnar eru av at leiga ognir út. Hetta eru hús, traðir og lendi til oljutangar.

Mestu útreiðslurnar eru av tryggingargjøldum.