5.11.1.05. Fiskimálastýrið (Rakstrarjáttan)

Fiskimálastýrið umsitur málsøki innan fiskivinnu- og sjóvinnulóggávuna, herundir fyrireiking og eftirlit við lógum, kunngerðum og reglugerðum so sum reglur um fiskidagaskipan, kvotur og veiðirættindi á heima-, nær-og fjarleiðum. Reglur um útlendska fiskiveiða á føroysku landleiðunum. Veiði- og fiskiloyvisskipanin á føroysku landleiðunum og uttan fyri landleiðirnar. Sínámillum fiskiveiðiavtalur og millumlanda samstarv og regulering av fiskiveiði uttanfyri landleiðirnar. Stýrið umsitur sjóvinnumál við tí høvuðsmálssetningi at veita holla ráðgeving í sjóvinnumálum til tess at tryggja, at millumtjóða sáttmálar, egintjóða lóggáva innan felagsmál og sermál verður framd og at eftirlit er við hesum reglum til tess at verja mannalív og ognir á sjónum, verja havumhvørvið og at haldgóð trygd er fyri, at tey, sum starvast í hesi vinnu, hava dyggan førleika til hetta arbeiðið.

Stýrið umsitur stovnsmál og eru Fiskiveiðieftirlitið, Lønjavningargrunnurin, Fiskirannsóknarstovan og Sjóvinnufyrisitingin, herundir Skráseting Føroya skipað í Fiskimálastýrinum. Stýrið umsitur øll fíggjarviðurskifti millum landsstýrismann og løgtingið.

5.11.1.15. Viðlíkahald (Rakstrarjáttan)

Játtanin er til viðlíkahald av bygningum í Tinganesi, stovnarnar á Falkavegi og á Fiskirannsóknarstovuni.