Játtanin til Vinnumálastýrið er í tveimum. Oljumál hevur egna høvuðskonto 6.32.1.01.

Vinnumálastýrið er stjórnardeild landsstýrisins innan givin málsøkir. Uppgávur stýrisins mótvegis landsstýrismonnum í hesum sambandi eru m.a. at:

• Ráðgeva
• Málsviðgera
• Fyrireika lógaruppskot, kunngerðir og reglugerðir
• Samskipa
• Fremja stovnseftirlit

Vinnumálastýrið er fyriskipað soleiðis:

Aðalskrivstovan:

Skrivstovan fyrisitur tvørgangandi mál í Vinnumálastýrinum sum eru: Umsiting, samskipan, fíggjar-, lønar- og starvsfólkamál hjá stýrinum við tilhoyrandi stovnum.

Oljumáladeildin fyrisitur ráevnismál sum eru: Oljumál og Seismikkur

Oljumáladeildin skal á kolvetnisøkinum umsita mál sambært galdandi lóggávu, t.e. løgtingslóg um kolvetnisvirksemi umframt kunngerðir um veiting av forkanningarloyvum. og reglugerðum v.m. Oljumáladeildin samskipar alt arbeiðið, ið hevur beinleiðis við málsøkið at gera. Oljumáladeildin er skrivstova hjá Oljuráðleggingarnevndini.

Samskiftisdeildin:

Deildin fyrisitur samskiftismál sum eru: Samskiftis-, Post-, Fjarskifti-, Kunningartøkni-, Samferðslu-,Vega-, Havna-, Brunaumsjónar-, Tilbúgvingar-, Ferðavinnu-, Ferðslu- og Flogmál

Vinnumáladeildin:

Deildin fyrisitur vinnumál sum eru: Landbúnaðar-, Jarðar-, Skógrøktar-, Matrikulerings-, tskiftingar-, Ali-, Handils-, Vinnu-, Ídnaðar-, Menningar-, Kappingar-,Orku-, Rúsdrekka, Matvøru-, Veteriner-, Umhvørvis- og Arbeiðsmarknaðarmál.

Vinnumálastýrið hevur bólkar at arbeiða við niðanfyristandandi verkætlanum innan samskiftisøkið:

• at orða ein almennan kunningartøknipolitikk (6.11.1.07.50)
• at leggja tilrættis tilbúgvingarætlan fyri Føroyar (6.11.1.07.51)
• at gera eina langtíðar samferðsluætlan fyri Føroyar (6.11.1.07.52)

1) Føroya Lendisskipan (FLS) er eitt samstarv millum Matrikulstovuna, Telefonverkið, SEV, Tórshavnar kommunu, Klaksvíkar kommunu og Landsverkfrøðingin um eitt felags dátasavn viðvíkjandi kortum og installatiónum. Felagsskapurin, sum er frá 1988, hvílir á felags tørv, og verða útreiðslurnar goldnar eftir avtalaðum býtislykli.

Ætlanin er at fleiri brúkarar skulu koma við í samstarvið og í tí sambandi at broyta bygnaðin frá at vera áhugafelagsskapur til eitt partafelag og 200.000,-kr. skal nýtast til landsstýrisins partapening - tvs. vegna Matrikulstovuna og Landsverkfrøðingin.

Virksemisyvirlit: 20. Vanligt virksemi

6.11.1.16. Viðlíkahald (Rakstrarjáttan)

6.11.1.25. Samferðslu- og samskiftisætlanir (Rakstrarætlan)

Játtanin hevur sum endamál at menna samferðslu- og samskiftisøkið. Játtanin verður nýtt til ætlanir sum fevna frá ítøkiligum ætlanum til lóggávuarbeiði, innan samferðslu og samskifti.

Undirkonto 6.11.1.24.50. KT-ætlan, hevur sum endamál at menna ta føroysku KT-ætlanina, sum KT-bólkurin, mannaður við umboðum frá vinnuni og tí almenna, løgdu fyri landsstýrið á heysti 1997. Játtanin verður fyrst og fremst nýtt til forkanningar, útgreiningar og ítøkiligar virkisætlanir (td. royndir saman við kommunum um nýggjar møguleikar við kunningartøkni, sum kann bøta um trivnaðin og virksemi úti á smáplássum).

Undirkonto 6.11.1.24.51. Settur er bólkur við umboðum frá Vinnumálastýrinum, Fiskimálastýrinum, Almanna- og Heilsustýrinum og Føroya Landfúta, at gera eina tilbúgvingarætlan fyri Føroyar. Arbeiðið ætlast at taka 2 til 3 ár.

Viðvíkjandi undirkonto 4.11.1.24.52. Samferðsluætlan, hevur Samskiftisdeildin fingið til uppgávu, at gera ætlan fyri samferðsluútbyggingina fyri Føroyar. Endamálið við hesi ætlan er at samskipa samferðsluna í Føroyum og gera cost-benefit útrokningar av ymsum samferðslumøguleikum. Somuleiðis verður verkætlanin eitt amboð til at lýsa tørvin á broytingum bæði av sjálvum samferðslukervinum og á teimum stovnum, sum vara av kervinum.

6.11.1.29. Flyting av Vinnumálastýrinum (Løgujáttan)

Vegna umbygging/flyting/keyp í samband við nýskipan.