6.33.1.01. Landsdjóralæknaembætið (Rakstrarjáttan)

Høvuðskonto niðurløgd. Heilsufrøðiliga starvstovan og Landsdjóralæknaembætið eru løgd saman undir § 6.37.5.04.

Notur: Djóralæknatænastan og fiskasjúkutænastan, sum áður vóru partar av Landsdjóralæknaembætinum vórðu privatiseraðar í ávíkavist 1994 og 1996.

6.33.1.04. Djóralæknatænastan (Rakstrarjáttan)

Endamálið við játtanini er at veita borgarinum djóralæknatænastur sambært sáttmála millum Vinnumálastýrið og privatar djórlæknar.

6.33.2.01. Almennar royndir og ráðgeving (Rakstrarjáttan)

20. apríl 1995 samtykti Løgtingið at lata Búnaðardepilin reka bygningarnar hjá Royndarstøðini í Kollafirði.

Royndarstøðin í Kollafirði er umskipað til almennar royndir og ráðgeving, og er stovnur undir Vinnumálastýrinum.

Endamálið við stovninum er, at hann, við tíðarhóskandi jarðarbrúki fyri eyga, skal kanna møguleikar fyri at at økja um úrtøku, dygd og virkni, fyrst og fremst í djórahaldi og í fóðurframleiðslu. Høvuðsøkini eru hesi:

• Djórahald og fóðring, herímillum seyðaráðgeving.
• Vakstrarvelting.
• Jarðarbrúkstøkniligar kanningar og royndir.
• Tænastuveiting til landbúnað og myndugleikar, herímillum ísáðing, neytaeftirlit, jørð- og eftirútbúgvingarvirksemi.
• Ráðgeving fyri at byrgja fyri, at landbúnaður og annar ídnaður dálkar.

Almennar royndir veitur ráðgeving til bøndur og myndugleikar innan allar greinar. Uml. 900 fyrispurningar verða avgreiddir árliga. Almennar royndir tillagar eisini útlendskar royndir og úrslit til føroyskt jarðarbrúk fyri at skapa úrslit og grundarlag fyri framhaldandi gagnýti av landbrúkinum.

Tær nýbyrjaðu fóðurgreiningarnar saman við fóðurætlanunum til kýr, geva eina miðalsparing uppá keyp av fóðuri við uml. 30. – 40. tús um árið til eitt fjós við 20 mjólkneytum.

Neytaeftirlitið sum gevur framleiðsluúrslit og ætt fyri tær einkultu kýrnar, verður gjørt ókeypis fyri bøndurnar og gevur tað grundarlag fyri aling og fóðurplanlegging.

Ísáing av neytum við testaðum tarvum, hevur tey seinastu 30 árini givið ein framleiðsluøking uppá uml. 100 litrar fyri hvørja kúgv um árið.

6.33.2.04. Skógrøkt landsins (Rakstrarjáttan)

Skógrøkt landsins er stovnur undir Vinnumálastýrinum og innur uppgávur og áhugamál Skógfriðingarnevndarinnar, sum virkar sambært løgtingslóg nr. 53 um viðarlundir frá 27. november 1952 við seinni broytingum.

Stovnurin skal røkja gamlar og nýggjar viðarlundir og aðrar frílendisuppgávur, sum hoyra uppí. Somuleiðis rekur stovnurin Gróðurstøðina, við plantualing, plantusølu og arboretvirksemi. Skógrøktin hevur ráðgevingartænastu í træplantu- og náttúruspurningum og eisini upplýsingarvirksemi t.d. við skúlavitjanum, skúlaplantingum og næmingum í starvsvenjing. Samstarv er við verkætlanina "Ung í arbeiði" og við almannaverkið um starvsvenjing. Stovnurin fær álagt ymsar almennar ráðleggingar- og fyrisitingaruppgávur, og samstarvar við aðrar stovnar, kommunur og felagsskapir. Skógrøktin luttekur eisini í norðurlendskum samstarvi.

Tól og arbeiðsamboð eru niðurslitin á Skógrøktini og í 1999 er ætlanin at byrja eina útskifting av tólum. Eisini skal arbeiðast við at gera eina plantingsætlan fyri Føroyar.

Føroya jarðarráð virkar eftir reglugerð frá 26. august 1993, og umsitur árligu studningsjáttanina til landbúnaðarvinnuna.

Í árligu studningsjáttanini er fastur umsitingarkostnaður til Føroya jarðarráð uppi í.

Viðmerking: Býtið omanfyri er bert vegleiðandi, tí veruligi tørvurin er aloftast treytaður av viðurskiftum uttanífrá. T.d. kann úrtøkan vera ymisk og veðrið kann vera skiftandi.

Jarðarráðið eigur at boða landsstýrismanninum í landbúnaðarmálum frá, tá ið tørvur er á at flyta ímillum studningskontoirnar, sum eru nevndar omanfyri.