Sambært løgtingslóg nr. 101 frá 1978 verður játtan latin fólkaháskúlum.

Føroya fólkaháskúli er sjálveigandi stovnur. Ætlanin við skúlanum er at vekja ans fyri andligum og kropsligum mentum og at menna føroyska sjálvsfatan og føroyskt medvit.

Húsarhaldsskúli Føroya.

Í 1992 gjørdist skúlin sjálvsognarstovnur. Skúlin hevur tvey árlig skeið, hvørt er 20 vikur. 22 næmingar kunnu ganga í skúlanum. Stovnurin rekur Húsarhaldsskúla Føroya sambært løgtingslóg nr. 66 frá 13. mai 1992 um Húsarhaldsskúla Føroya.

Skúlin fær stuðul sambært § 11 í Ll. nr. 66 frá 13. mai 1992. Næmingastuðul verður játtaður sambært kunngerð nr. 80 frá 1. aug. 1991. Hesin stuðul verður játtaður á sama rakstrarstaði, sum stuðulin til skúlan.

7.23.5.07. Frítíðarundirvísing (Rakstrarjáttan)

Lógargrundarlagið undir frítíðarundirvísingini er at finna í løgtingslóg nr. 70 frá 30. juni 1983 um frítíðarundirvísing v. m, sum er givin út sambært rammulóg fyri Føroyar um frítíðarundirvísing v. m.

Frítíðarundirvísingin verður sambært nevndu lóg skipað soleiðis:

• Almenn frítíðarundirvísing sambært § 3 - 5
• Serstøk frítíðarundirvísing sambært § 6 og 7
• Frítíðarvirksemi sambært § 11 og kunngerð nr. 6 frá 18. januar 1988

Kommunurnar seta á stovn alla frítíðarundirvísing.

Sambært lógini skal verða tryggjað íbúgvunum í eini kommunu eitt fjøllbroytt tilboð um undirvísing í teimum evnum, sum íbúgvarnir yvir 14 ár vilja hava undirvísing í. Almenn frítíðarundirvísing skal sambært § 3, pkt 1 standa øllum yvir fjúrtan ár í boði.

Landskassin veitir studning til almenna frítíðarundirvísing eftir hesi lóg, sum er 50 % av teimum studningsheimilaðu útreiðslunum til góðkenda almenna frítíðarundirvísing eftir 2. tátti.

Kommunurnar hava skyldu til smb. § 6, eftir tørvi, at seta á stovn serstaka frítíðarundirvísing fyri øll yvir fjúrtan ár.

Serstøk frítíðarundirvísing fevnir um:

Royndarfyrireikandi undirvísing, sum kann enda við roynd, ið fevnir m.a. um:

a) fráfaringarroyndir fólkaskúlans

b) stakgreinaundirvísing til HF

c) onnur undirvísing, ið kann enda við próvtøku

Yrkiskenda undirvísing, sum miðar ímóti einum arbeiði.

Serundirvísing, ið sambært § 5, stk. 3 í rammulógini skal verða givin bæði sum bøtandi og fyrilitarlig serundirvísing.

Sambært § 19 veitir landskassin 100% í studningi av teimum studningsheimilaðu útreiðslunum til alla góðkenda, serstaka frítíðarundirvísing eftir 3. tátti.

Bý/bygdaráð eiga eftir førimuni at tryggja, at íbúgvunum í kommununi verður givið eitt fjølbroytt tilboð um frítíðarvirksemi fyri børn og ung. Landskassin veitir smb. § 19 í mesta lagi 50 % í studningi av teimum studningsheimilaðu útreiðslunum til frítíðarvirksemi eftir 4. tátti.

Lønin til frítíðarundirvísing er ásett í rundskrivi nr. 1 frá 5. september 1989 um læraralønir til teirra, ið undirvísa sambært 2.,3. og 4. tátti í løgtingslóg um frítíðarundirvísing.

Tey seinastu árini er frítíðarundirvísingin skorin 70%, og hevur hetta ført við sær, at nakrir skúlar hava lagt alla undirvísing niður.

Undirvísingin á handarbeiðsskeiðinum í Klaksvík hevur verið fíggjað av hesi høvuðskonto síðan 1995.

7.23.5.10. Musikkskúlar (Rakstrarjáttan)

Tann skipaða musikkskúlaundirvísingin í Føroyum virkar eftir Ll. nr. 69 frá 7. juni 1984 um stuðul til musikkskúlar. Musikkskúlarnir eru kommunalir. Í flestu førum er fleiri kommunur saman um ein musikkskúla.

Leiðarin í musikkskúlanum hevur sambært § 6 ábyrgdina av at samskipa musikkundirvísingina.

Sambært lógini verður studningur latin fyri 50 % av útreiðslunum av læraralønum. Landskassin rindar allar ferðaútreiðslurnar.