8.11.1.08. Almanna- og heilsumálastýrið (Rakstrarjáttan)

Almanna- og heilsumálastýrið fyrisitur almannamál, heilsumál, íbúðarmál og javnstøðumál.

Uppgávan hjá Almanna- og heilsumálastýrinum er:

• at ráðgeva landsstýrismanninum í almanna-, heilsu-, íbúðar- og janvstøðumálum, herundir at kanna, fyrireika og gera tilmælir,
• at hava um hendi ráðleggingina av málsøkinum,
• at tilevna lógaruppskot, kunngerðir og aðrar reglur,
• at veita stovnum og øðrum undir stýrinum ráð og vegleiðing

Stýrið er umboðað í almanna- og heilsunevndum undir norðurlendska ráðharraráðnum.

Bygnaðarbroytingar eru gjørdar innan alla landsumsitingina. Flestu stýrini eru flutt úr Tinganesi í aðrar bygningar tær uppgávur, sum fyrr vórðu loystar í felag, eru lagdar út í stýrini. Harumframt hevur stýrið fingið nýggjar uppgávur, ið fyrr hava ligið aðrastaðni. Eisini eru krøvini til stýrið at gera kanningar, útvega upplýsingar og loysa ymiskar uppgávur økt. Hetta tilsamans hevur ført við sær eina meira útreiðslu fyri almanna- og heilsumálastýrið.

Bygnaðarbroytingarnar innan almanna- og heilsumálstýrið hava ført við sær, at fleiri funktiónir eru fluttar inn í stýrið. Hetta merkir, at starvsfólk, ið áður hava røkt ávísar uppgávur úti á stovnunum, nú flyta til stýrið. Útreiðslurnar til løn og rakstur eru tí samsvarandi minkaðar á m.a. Sjúkrahússtjóranum, Landssjúkrahúsinum og Almannastovuni og fluttar yvir í stýrið.

Viðmerking: Ráðið fyri Brekað og Eldraráðið hava serliga játtan á fíggjarlógini frammanundan, meðan upphæddin til sjúkrahúsráð verður flutt frá játtanunum hjá sjúkrahúsunum og yvir í Almanna- og heilsumálastýrið, fyrisitingina. Felags fyri hesi trý ráð er, at tey eru 5-manna ráð, ið skulu ráðgeva landstýrismanninum í málum, ið viðvíkja teirra øki. Skrivstovuuppgávan hjá hesum ráðum er løgd inn í Almanna- og heilsumálastýrið í 1998. Viðv. undirkonto 23: Granskingarætlanir, skal játtanin nýtast til granskingarætlan á heilsuøkinum. Ætlanin er ein felags ætlan við onnur aðalstýrir. ______. Viðv. undirkonto 24: Lønarskipan, er upphæddin til at loysa trupulleikanar um aldarskiftið.

8.11.1.09. Javnstøðunevndin (Rakstrarjáttan)

Stuðulin verður givin til at reka skrivstovuna hjá Javnstøðunevndini, til fundarpening og luttøku á ráðstevnum o.l. Lógargrundarlagið undir javnstøðunevndini er løgtingslóg nr. 52 frá 3. mai 1994 um javnstøðu millum kvinnur og menn.

Viðmerking: Játtanin er hækkað, tí ætlanin er at seta eitt starvsfólk í ½ tíð í Almanna- og heilsumálastýrið í eitt ár til at taka sær av javnstøðumálum burturav.

8.11.1.10. Flyting av Almanna- og heilsumálastýrinum (Løgujáttan)

Vegna umbygging/flyting verða játtaðar 3,5 mió. kr. í 1999.

8.11.1.18. Viðlíkahald (Rakstrarjáttan)

Viðmerking: Hendan høvuðskonto verður ikki nýtt við tað, at upphæddin til viðlíkahald verður flutt til tey økini, ið skulu nýta játtanana.

Virksemisyvirlit

8.11.1.22. Javnstøðunevndin (Rakstrarjáttan)

Stuðulin verður givin til at reka skrivstovuna hjá Javnstøðunevndini, til fundarpening og luttøku á ráðstevnum o.l. Lógargrundarlagið undir javnstøðunevndini er løgtingslóg nr. 52 frá 3. mai 1994 um javnstøðu millum kvinnur og menn.

Viðmerking: Játtanin er hækkað, tí ætlanin er at seta eitt starvsfólk í ½ tíð í Almanna- og heilsumálastýrið í eitt ár til at taka sær av javnstøðumálum burturav.