Býti av løgtingsmálum í mun til løgtingsnevndirnar

Býtið av løgtingsmálum í mun til løgtingsnevndirnar

 

Løgtingsformaðurin hevur tikið avgerð um, at løgtingsmálini verða yvirskipað býtt soleiðis í nevnd:

• Løgtingsmál frá løgmanni verða beind í Uttanlandsnevndina.
• Løgtingsmál frá landsstýrismanninum í uttanríkis- og vinnumálum verða beind í ávikavist Uttanlandsnevndina og Vinnunevndina.
• Løgtingsmál frá landsstýrismanninum í almanna- og mentamálum verða beind í ávikavist Trivnaðarnevndina og Mentanarnevndina.
• Løgtingsmál frá landsstýrismanninum í fíggjarmálum verða beind í Fíggjarnevndina.
  Harafturat verða uppskot til verkslagslógir beind í Fíggjarnevndina.
• Løgtingsmál frá landsstýrismanninum í heilsumálum verða beind í Trivnaðarnevndina.
• Løgtingsmál frá landsstýrismanninum í fiskivinnumálum verða beind í Vinnunevndina.
• Løgtingsmál frá landsstýrismanninum í barna- og útbúgvingarmálum verða beind í ávikavist Mentanarnevndina og Trivnaðarnevndina.
• Løgtingsmál frá landsstýrismanninum í umhvørvismálum verða beind í Rættarnevndina.
• Løgtingsmál frá landsstýrismanninum í lógar- og innlendismálum verða beind í ávikavist Rættarnevndina, Vinnunevndina og Uttanlandsnevndina.

 Á Løgtingi, 5. januar 2023

 

Bjørt Samuelsen
løgtingsformaður