Eykajáttanarløgtingslóg fyri september 2000

A. Upprunauppskot
B. 1. viðgerð
C. Nevndarskjøl
D. Álit
E. 2. viðgerð
F. 3. viðgerð

Ár 2000, 19. september, legði Karsten Hansen, landsstýrismaður, vegna landsstýrið fram soljóðandi

Uppskot

til

Almennar viðmerkingar *

Høvuðsyvirlit *

§2. Løgmansfyrisiting *
2.11.1. Fyrisiting *
2.11.1.02. Løgmansskrivstovan (Rakstrarjáttan) *

2.11.2. Kommunal viðurskifti *
2.11.2.04. Arbeiði av nýggjum kommunubygnaði (Rakstrarjáttan) *

§3. Fíggjarmál o.a. *
3.15.1. Fíggjarfyrisiting v.m. *
3.15.1.19. Umsiting av gjaldføri (Rakstrarjáttan) (Nýggj høvuðskonto) *

§6. Vinnumál o.a. *
6.11.1. Fyrisiting *
6.11.1.25. Samferðslu- og samskiftisætlanir (Rakstrarjáttan) *

6.37.1. Ymsar útreiðslur *
6.37.1.07. Sáttmálaeftirlit (Rakstrarjáttan) *
6.37.1.17. Kappingarráðið (Rakstrarjáttan) *

6.38.1. Vegir og havnir *
6.38.1.11. Vegagerð í Leirvík (Nýggj høvuðskonto) *
6.38.1.17. Asfaltering við ferjulegurnar í Leirvík og Vestmanna (Nýggj høvuðskonto) *

6.38.2. Samferðsla *
6.38.2.01. Strandfaraskip Landins (Landsfyritøka) *
6.38.2.02. Strandfaraskip Landsins (Løgujáttan) *

§7. Útbúgving og gransking o.a. *
7.23.1. Ymsar útreiðslur *
7.23.1.07. Ymsar felagsútreiðslur (Rakstrarjáttan) *

7.23.2. Fólkaskúlin v.m. *
7.23.2.01. Fólkaskúlin (Rakstrarjáttan) *
7.23.2.07. Læraraeftirlønir (Lógarbundin játtan) *

7.23.3. Miðnámsútbúgvingar *
7.23.3.14. Studningur til lærupláss (Lógarbundin játtan) *

7.23.6. Hægri útbúgving og gransking *
7.23.6.02 Føroya Sjómansskúli (Løgujáttan) *
7.23.6.13. Lærararskúlin (Rakstrarjáttan) *
7.23.6.16. Fróðskaparsetur Føroya (Rakstrarjáttan) *
7.23.6.17. Biofar (Rakstrarjáttan) *
7.23.6.19. Granskingarætlanir *
7.23.6.23. Ymiskar verkætlanir (Rakstrarjáttan)(Nýggj høvuðskonto) *
7.23.6.26. Havfrøðiliga royndarstøðin – Biofar (Løgujáttan) *

7.24.3. Mentanararvur *
7.24.3.13. Føroya náttúrugripasavn (Rakstrarjáttan) *

§8. Almanna- og heilsumál o.a. *
8.20.3. Sjúkrahúsverkið *
8.20.3.04. Landssjúkrahúsið (Rakstrarjáttan) *
8.20.3.20. Serviðgerð uttanlands (Rakstrarjáttan) *

8.21.3. Barnastuðul *
8.21.3.01. Barnaforsorg (Lógarbundin játtan) *

8.21.6. Eldri og brekað *
8.21.6.01. Serforsorg (Rakstrarjáttan) *
8.21.6.13. Vardar íbúðir, rakstrarstudningur *

8.21.7. Sosialar skipanir *
8.21.7.01. Vanlig forsorg (Lógarbundin játtan) *

8.21.8. Sosialar pensjónir *
8.21.8.01. Fólkapensjón (Lógarbundin játtan) *
8.21.8.05. Fyritíðarpensjón (Lógarbundin játtan) *

§9. Oljumál o.a. *
9.32.2. Jarðfrøði *
9.32.2.01. Jarðfrøðisavnið (Rakstrarjáttan)(Nýggj høvuðskonto) *

§20. Inntøkur *
20.52.2. Millumverandi við tjóðbankan og landsbankan *
20.52.2.04. Aðrar rentur *

20.54.1. Heildarveiting o.t. *
20.54.1.01. Heildarveiting o.t. *

Almennar viðmerkingar

Hjálagt er fimta eykajáttanaruppskot frá landsstýrinum, sum lagt verður fyri Løgtingið fyri fíggjarárið 2000.

Samlaði kostnaðurin av hesum uppskoti er 54,6 mió. kr.

Eykajáttanirnar kunnu eisini greinast soleiðis:

• Lógarbundin játtan … ………………….. 39.388 tús. kr.
• Løgujáttan ……….……………………..3.472 tús. kr.
• Landsfyritøkur …………………………3.500 tús. kr.
• Onnur játtan……………………………..2.242 tús. kr.
• Rakstrarjáttan……………………………6.046 tús. kr.

Íalt …………………………………………. 54.648 tús. kr.

Samlaðu eykajáttanirnar higartil í ár hava verið 57.512 tús. kr. (íroknað 6.375 tús. kr. til høvuðskonto 8.21.6.07. Bjálvingarstuðul, hús hjá pensjónistum).

Sum tað sæst av uppgerðini omanfyri, so eru lógarbundnu útreiðslurnar ein sera stórur partur av umbidnu eykajáttanunum. Undanfarin ár hevur ikki verið biðið um eykajáttan, um lógarbundnu útreiðslurnar ikki hildu. Staðfest bleiv bara í roknskapinum, tá hann einaferð var gjørdur, at budgeteraðu lógarbundnu útreiðslurnar ikki hildu. Sum dømi kann nevnast, at í landsroknskapunum frá 1995 til og við 1998 bleiv staðfest meirnýtsla millum 9 og 30 % av forsorgarútreiðslum.

Játtanarskipanin bleiv broytt seinast í 1999 soleiðis, at frá og við ár 2000 bleiv eisini neyðugt við eykajáttan, um lógarbundnu útreiðslurnar ikki hildu. Tí kann sigast, at umbønin um eykajáttan til lógarbundnar útreiðslur í ár 2000 ikki bert er til meirnýtslu í ár 2000, men eisini til at rætta teir feilir, ið hava verið í metingunum av lógarbundnu útreiðslunum undanfarin ár.

Hóast hetta má ásannast, at talan er blivin um alt ov nógvar eykajáttanir, og samlaða upphæddin, sum árliga verður játtað sum eykajáttan, er eisini blivin alt ov stór. Hetta máar í ein ávísan mun støðið undan teimum fíggjar- og búskaparpolitisku ætlanum, ið liggja aftan fyri sjálva fíggjarlógina. Tað slepst neyvan nakrantíð heilt undan eykajáttanum. Uttanifrá komandi viðurskifti, ið ikki ber til at rokna við, tá fíggjarlógin verður gjørd, koma altíð at taka seg upp, men ásannast má, at sloppið kundi verið undan einum týðandi parti av umbønunum um eykajáttan, um stýringin var betri á teimum ymisku økjunum, og um neyvari útrokningar vórðu gjørdar, tá fíggjarlógin varð gjørd. Fíggjarmálastýrið er farið undir at viðgera henda trupulleika saman við teimum einstøku aðalstýrunum.

Í hesum uppskotinum til eykajáttanarlóg er tað serliga á forsorgar og pensjónsøkinum, at stór frávik frá fíggjarlógini koma til sjóndar. Almanna- og Heilsumálastýrið greiðir í sínum viðmerkingum frá, at frávikini skyldast manglandi tíð, tá pensjónslógaruppskotini vórðu gjørd. Hertil er at siga, at framyvir eigur mannagongdin at verða tann, at um tíð ikki er til at gera eitt lógaruppskot liðugt, eigur at verða bíðað við framløguni, til alt lógararbeiðið er liðugt, herundir eisini neyvar kostnaðarmetingar.

Eisini eru alt ov nógvar umbønir um heilt smáar upphæddir. Hetta virkar órógvandi fyri viðgerðina av størri málum. Fíggjarmálastýrið ætlar at taka stig til, at sleppast kann undan umbønum um eykajáttan undir eina ávísa upphædd.

Hetta uppskot til eykajáttanarlóg kann greinast soleiðis:

Á § 2 verður til Løgmansskrivstovuna biðið um 400 tús. kr. til eina kanning av embætisførsluni hjá Helenu Dam á Neystabø, landsstýriskvinnu, í sambandi við nýggju pensjónslógirnar. Harafturat verður til Arbeiði av nýggjum kommunubygnaði biðið um 200 tús. kr. til ein fulltrúa at taka sær av fíggjarligu viðurskiftunum í samskiftinum við kommunurnar.

Á § 3 verður til nýggja høvuðskonto 3.15.1.19 Umsiting av gjaldføri biðið um 596 tús. kr. at gjalda til Føroya Realkredittstovn (Realin) fyri umsiting av gjaldførislánum, sum fyrr varð mótroknað í rentuinntøkunum. Tískil hækkar høvuðskonto 20.52.2.04. Aðrar rentur tilsvarandi.

Á § 6 verður til Samferðslu- og samskiftisætlanir biðið um at sleppa at flyta 270 tús. kr. til 2 aðrar høvuðskonti, nevniliga 100 tús. kr. til Sáttmálaeftirlit og 170 tús. kr. til Kappingarráðið. Til nýggjar høvuðskonti 6.38.1.11. Vegagerð í Leirvík og 6.38.1.17. Asfaltering við ferjulegurnar í Leirvík og Vestmanna verður biðið um ávikavist 2.500 tús. til gerð av vegnum frá Leirvík til brennistøðina á Hagaleiti og 800 tús. kr. til asfaltering og uppmerkjing við ferjulegurnar í Leirvík og Vestmanna. Til Strandfaraskip Landsins verður biðið um 3,5 mió. kr., harav 1 mió. kr. skal nýtast til 4 radiooperatørar til GMDSS-skipan umborð á Tróndi og 2,5 mió. kr. skulu nýtast til øktar oljuútreiðslur. Til Strandfaraskip Landsins verður harafturat biðið um 2 mió. kr., harav 1,8 mió. kr. skulu nýtast til bjargingarútgerð umborð á nýggja sandoyarskipinum og 0,5 mió. kr. skulu nýtast til projektering av nýggja suðuroyarskipinum, meðan minni nýtsla á 0,3 mió. kr. er til nýggjar motorar á Ternuni.

Á § 7 verður til Ymsar felagsútreiðslur biðið um 87 tús. kr. til tulkatænastu til skúlagongd hjá deyvum næmingi. Til Fólkaskúlan verða spardar 7.812 tús. kr. í lønum í sambandi við læraraverkfallið fyrr í ár, meðan økt virksemi annars kostar 1.700 tús. kr. Til Læraraeftirlønir verður biðið um 1 mió. kr. til javnføring av tænastumannaeftirlønunum, harav 80% verða endurrindað av danska statinum á høvuðskonto 20.54.1.01. Heildarveiting o.t. Til Studning til lærupláss verður biðið um 2,5 mió. kr. orsakað av stórari næmingatilgongd. Til Føroya Sjómansskúla verður biðið um 702 tús. kr. orsakað av prís- og lønarvøkstri, síðan byggisáttmálin varð gjørdur. Til Læraraskúlan verður biðið um loyvi at hava inntøkufíggjað skeiðvirksemi. Til Fróðskaparsetur Føroya verður biðið um 500 tús. kr. til menning og uppbygging av undirvísing og gransking innan jarðalisfrøði og jarðfrøði. Til Biofar verður biðið um loyvi at hava inntøkufíggjaðar verkætlanir. Biðið verður um, at 1.945 tús. kr. verða fluttar av Granskingarætlanum til nýggja høvuðskonto 7.23.6.23. Ymiskar verkætlanir, har tilsamans verður biðið um 2.435 tús. kr. Til Havfrøðiligu royndarstøðina – Biofar verður biðið um 770 tús. kr. til bráðneyðugar hølisbroytingar til at lúka treytir, settar av Arbeiðseftirlitinum. Á høvuðskonto 7.24.3.13. Føroya náttúrugripasavn verður biðið um, at Jarðfrøðisavnið flytur sína játtan til § 9 Oljumál o.a.

Á § 8 verður til Landssjúkrahúsið biðið um 1.970 tús. kr. til bráðfeingis viðlíkahald og til at lúka krøv, sett av Arbeiðseftirlitinum, og til keyp av sjúkrabilum. Til Serviðgerð uttanlands verður biðið um 7,6 mió. kr. orsakað av øktum tali av sjúklingum, sum verða sendir til serviðgerð uttanlands, samstundis sum 2 nýggjar undirkonti verða stovnaðar. Til Barnaforsorg verður biðið um 11.556 tús. kr. til væntandi meirnýtslu. Til Serforsorg verður biðið um 556 tús. kr. til rakstur restina av árinum til autistaheim í Klaksvík. Til Vardar íbúðir, rakstrarstudningur, verður biðið um 146 tús. kr., tí rakstarstudningurin fyri 1999 varð goldin so seint, at tað ikki bar til at bóka hann í fíggjarárinum 1999. Til Vanliga forsorg verður biðið um 8.653 tús. kr. til væntandi meirnýtslu. Til Fólkapensjón verður roknað við eini minni nýtslu á 8.775 tús. kr., meðan til Fyritíðarpensjón verður biðið um 24.454 tús. kr. til væntandi meirnýtslu.

Á § 9 verður játtan flutt frá § 7 til nýggja høvuðskonto 9.32.2.01. Jarðfrøðisavnið, samstundis sum biðið verður um 355 tús. kr. til serligar jarðfrøðiligar kanningar.

Á § 20 verða Aðrar rentur mettar at verða 1 mió. kr. hægri, í sambandi við at Føroya Realkredittstovnur hevur broytt avrokning frá netto rentu til brutto rentu. Á høvuðskonto 20.54.1.01. Heildarveiting o.t. hækka inntøkurnar við 800 tús. kr. svarandi til 80% av hægru nýtsluni á høvuðskonto 7.23.2.07. Læraraeftirlønir.  

Høvuðsyvirlit

A. Yvirlit

Játtanaryvirlit

Viðmerkingar 

2.11.1 Fyrisiting

Landsstýrismálanevndin tók hin 17. mai 2000 avgerð um at taka til viðgerðar málið viðvíkjandi heimildargrundarlagnum fyri

• kunngerð nr. 8 frá 11. februar 2000 um persónliga viðbót sambært løgtingslóg um almannapensjónir og
• kunngerð nr. 101 frá 20. desember 1999 um stuðul til hjálparráð og
• tíðindaskrivinum um almannapensjónir og broytingar í skattinum, sent fjølmiðlunum 26. apríl 2000.

Eftir viðgerð av málinum í nevndini heitti nevndin á nevndarskrivaran um at gera eina frágreiðing um málið. Frágreiðingin varð 30. juni 2000 send løgmanni, landsstýrismanninum í almanna- og heilsumálum og landsstýrismanninum í fíggjarmálum til kunningar.

Í frágreiðingini verður í níggju førum sett spurnartekin við, um umsitingin av nevndu viðurskiftum er farin fram samsvarandi lóggávuni á økinum. Landsstýrismálanevndin kemur tó ikki til nakra niðurstøðu hesum viðvíkjandi.

Løgmaður hevur eftir hetta spurt landsstýrismálanevndina, um nevndin, grundað á frágreiðingina, hevur illgruna um, at viðkomandi landsstýrismaður hevur borið seg óregluliga at í hesum máli, og um so var, hví landsstýrismálanevndin so ikki hevur nýtt heimildina í stýrisskipanarlógini § 38. stk. 2, at krevja, at løgtingsformaðurin setir ein kanningarstjóra at gera eina niðurstøðu í málinum.

Landsstýrismálanevndin hevur m.a. svarað løgmanni :

"At landsstýrismálanevndin er av tí áskoðan, at tað ikki er uppgávan hjá landsstýrismálanevndini at taka støðu til spurningin, um Helena Dam á Neystabø hevur borið seg óregluliga at í hesum máli, men hevur latið hetta upp til løgmann og /ella Løgtingið at gera av.

At nevndin ikki metir, tað vera neyðugt at heita á løgtingsformannin um at seta kanningarstjóra, vísandi til at málið er nóg væl lýst í frágreiðing, sum nevndin hevur tikið stig til at fáa gjørt, og sum eisini er send løgmanni, landsstýrismonnum og øllum tingmonnum."

Við tað at landsstýrismálanevndin ikki ynskir at taka støðu til, um nakað óregluligt er farið fram í málinum, og heldur ikki ynskir at seta ein kanningarstjóra at kanna málið, er løgmaður av tí áskoðan, at tá reistir eru ivaspurningar av landsstýrismálanevndin um, hvørt ein landsstýrismaður hevur borið seg regluliga at í einum málið, eigur málið at fáa eina virðiliga og haldgóða niðurstøðu.

Løgmaður hevur tí gjørt av, at seta ein uttanveltaðan løgfrøðing at kanna, um fyrisitingin av málinum er útint á lógligan hátt. Hetta verður sjálvsagt treytað av, at Løgtingið gongur hesari umsókn um eykajáttan á møti.

Mett verður, at kostnaðurin av kanningini verður uml. kr. 400.000, og verður tískil neyðugt at broyta játtanina til Løgmansskrivstovuna samsvarandi niðanfyristandandi sundurgreining.

Sundurgreinað ætlan

2.11.2.04. Arbeiði av nýggjum kommunubygnaði (Rakstrarjáttan)

Ætlanin er at savna umsitingina av kommununum á einum stað. Í hesum sambandi er fíggjarliga umsitingin av kommununum, sum fyrr hevur verið røkt av starvsfólki í Fíggjarmálastýrinum, flutt til Løgmansskrivstovuna.

Sundurgreinað ætlan

 §3. Fíggjarmál o.a. 

A. Yvirlit

Játtanaryvirlit

3.15.1.19. Umsiting av gjaldføri (Rakstrarjáttan) (Nýggj høvuðskonto)

Síðan 1984 hevur Føroya Realkredittstovnur (Realurin) umsitið tey sokallaðu gjaldførislánini sambært løgtingslóg nr. 35 frá 1984 um gjaldførislán.

Tørvurin er broyttur hesi mongu árini, og lógin um Realin er eisini broytt soleiðis, at tørvurin á gjaldførislánum er burtur. Løgtingið samtykti einmælt løgtingslóg nr. 76 frá 5. november 1998 um umsiting av gjaldførislánum, har innafturgoldnu gjaldførislánini kunnu lánast út aftur sum síðustillað 2. veðrættarlán við 2. veðrættarláni úr Realinum.

Samsýningin til Realin fyri gjaldførislánini hevur verið, at Realurin hevur kravt rentuna inn og so lagt eitt ávíst procent omaná sum ómaksløn og síðani avroknað nettotalið við Gjaldstovuna (Landskassan). Tað hevur havt við sær, at ómaksløn Realkredittstovnsins ikki sæst aftur í landskassaroknskapinum.

Nú er hetta broytt soleiðis, at landskassin rindar Realinum 1% av útlánsfænum 59.556.000 kr., tað er 595.560 kr., fyri at umsita lánini, og Fíggjarmálastýrið vil, at ómakslønin sæst aftur í landskassaroknskapinum. Tí verður henda skipan gjørd nú á eykafíggjarlógini. Men á komandi fíggjarlóg skuldi alt verið komið í rættlag.

Í fjør og í ár er eisini ein skiftistíð frá tí gamla slagnum av lánum til tey nýggju. Gjaldførislánini eru umfíggjað, og byrjað varð í fjør at læna út eftir nýggju lógini. Hetta sást aftur í ómakslønini.

Í roknskaparárinum 1999/2000 hjá Realinum sæst, at ómakslønin fyri gjaldførislánini var bert 12.049 kr., og Realurin roknaði sær onga ómaksløn fyri 2. veðrættarlánini hetta fyrsta árið. Í roknskaparárinum 98/99 var ómakslønin 458.000 kr. og í 97/98 619.000 kr. Annars hevur ómakslønin ikki verið eins øll árini.

Sundurgreinað ætlan

A. Yvirlit

Játtanaryvirlit

Viðmerkingar

6.11.1.25. Samferðslu- og samskiftisætlanir (Rakstrarjáttan)

Á hesari játtan verða 100.000 kr. fluttar til konto 6.37.1.07. Sáttmálaeftirlit og 170.000 kr. til 6.37.1.17. Kappingarráðið. Samanlagt verða 270.000 kr. fluttar av hesari játtan á aðrar játtanir undir grein 6.

Sundurgreinað ætlan

 6.37.1. Ymsar útreiðslur

6.37.1.07. Sáttmálaeftirlit (Rakstrarjáttan)

Virksemið hjá sáttmálastovninum var størri, enn roknað var við frá ársbyrjan. Tí verður neyðugt við kr. 100.000 soleiðis, at ein eisini restina av árinum 2000 kann hava eitt trygt eftirlit við studningi til at byggja og umbyggja skip, bátar v.m. á føroyskum skipasmiðjum.

Øktu útreiðslurnar verða fíggjaðar við at flyta 100 tús. kr. frá játtanini 6.11.1.25. Samferðslu- og samskiftisætlanir.

Sundurgreinað ætlan

6.37.1.17. Kappingarráðið (Rakstrarjáttan)

Neyðugt er við einari eykajáttan upp á kr. 170.000 til Kappingarráðið. Tvær orsøkir eru til hetta. Onnur er kærunevndin í kappingarmálum, hvørs arbeiði er dýrari, enn roknað varð við. Hin er eitt størri tal av lutfalsliga tungum sakum, enn roknað varð við. Hesar sakir krevja oftani grannskoðarakanningar, sum eru útreiðslutungar.

Øktu útreiðslurnar til Kappingarráðið verða spardar á høvuðskonto 6.11.1.25. Samferðslu- og samskiftisætlanir.

Sundurgreinað ætlan

 6.38.1. Vegir og havnir

6.38.1.11. Vegagerð í Leirvík (Nýggj høvuðskonto)

Ætlanin er, at landið asfalterar vegin frá Leirvík til Brennistøðina, og at kommunan góðkennir vegin sum verandi kommunalan veg.
Landsverkfrøðingurin hevur kannað málið, og sagt verður, at vegurin er í ringum standi og tolir neyvan ein vetur afturat, um ikki ábøtur verða gjørdar á hann.
Ein møguleiki er at fyribilsumvæla vegin við skervi og spræning, og kann hetta gerast fyri 500.000 kr., men henda loysnin tekur longri tíð og er illa egnað at fremja um heystið, tá nógv væta vanliga er.

Hinvegin ber til heystar til at leggja eitt tunt undirlag á vegin og síðani leggja endaliga slitlagið. Hetta arbeiðið væntast at taka uml. ein mánað.

Vegastrekkið er 2000 m langt og 6 m breitt. Samanlagt er talan um 12.000 fermetrar av vegi.

Mælt verður til hesa loysn og at játta Leirvíkar kommunu studning til asfaltering í ár samanlagt 2,5 mió.kr.

Sundurgreinað ætlan

6.38.1.17. Asfaltering við ferjulegurnar í Leirvík og Vestmanna (Nýggj høvuðskonto)

Játtanin verður nýtt til at asfaltera og uppmerkja við ferjulegurnar í Leirvík og Vestmanna. Landsverkfrøðingsstovnurin metir, at kostnaðurin verður einar 400.000 kr. á hvørjum staði.

Sundurgreinað ætlan

 6.38.2. Samferðsla

6.38.2.01. Strandfaraskip Landins (Landsfyritøka)

Søkt verður um 3,5 mió. kr. í eykajáttan til Strandfaraskip Landsins fyri fíggjárið 2000.

Radiooperatørar til GMDSS-skipanina
Í sambandi við at myndugleikarnir kravdu, at GMDSS-samskiftisútgerð skuldi setast í skipini, hevur verið neyðugt at seta tilsamans 4 mans í starv sum radiooperatørar umborð á Dúgvuni og Tróndi. Lønarútreiðslur v.m. til hesar mans, 1 mió.kr., vórðu ikki avsettar í fíggjarætlanini fyri 2000, og er tí neyðugt at fáa játtað pening til hetta sum eykajáttan.

Oljuútreiðslur
Oljuprísurin er í løtuni so høgur, sum hann ikki hevur verið í 10 ár, og útlit eru ikki fyri stórvegis príslækkingum á marknaðinum. Roknskapurin higartil hjá SL og framrokningar fyri árið vísa, at oljuútreiðslurnar gerast 2,5 mió. kr. hægri enn mett í fíggjarætlanini fyri 2000. Í mun til metta oljuprísin er farin fram ein príshækking uppá 25%. Øll 3 árini frammanundan hevur verið nóg mikið sett av til oljukeyp.

Uppgerð av nettotølum

Sundurgreinað ætlan

Starvsfólkayvirlit

6.38.2.02. Strandfaraskip Landsins (Løgujáttan)

Sandoyarskip
Í projektinum Sandoyarferja eru settar av 1,5 mió. kr. til bjargingarútgerð. Óvissan um nýggju myndugleikakrøvini frá ES gjørdu, at neyðugt varð at seta eina ávísa upphædd av til hetta í projektinum og síðan biðja um eykajáttan til restina, tá krøvini og harvið upphæddin varð kend. Hetta varð avtalað í sambandi við sáttmálasamráðingarnar við Skipasmiðjuna á Skála. Skipasmiðjan hevur nú upplýst, at útgerðin kemur at kosta 3,3 mió. kr. Neyðugt verður sostatt at fáa eina eykajáttan til Sandoyarferjuna uppá 1,8 mió. kr. til útgerðina, nú endaligu krøvini eru ásett.

Suðuroyarskip
Projekteringin av skipinum verður boðin út fyrst í august mánaði í ár. SL heldur, grundað á fakliga ráðgeving, at tær 400 tús. kr. sum eru settar av til hetta í ár, eru ikki nóg mikið til projektering og kanningar av einari so stórari verkætlan.

Ternan, nýggir motorar
Talan verður helst um eitt avlop á hesi konto, sum so kann flytast til eina av hinum undirkonti.

Sundurgreinað ætlan

 §7. Útbúgving og gransking o.a. 

A. Yvirlit

Játtanaryvirlit

Nr. 2. ad. 7.23.6.13. Læraraskúlin (Rakstrarjáttan)
Heimilað verður, at inntøkufíggjað virksemi verður á undirkonto 40. Inntøkufíggjað virksemi, tó uttan at nettoútreiðslujáttanin verður hækkað.

Nr. 3. ad. 7.23.6.17. Biofar (Rakstrarjáttan)
Heimilað verður, at inntøkufíggjað virksemi verður á undirkonto 40. Inntøkufíggjað virksemi, verkætlanir, tó uttan at nettoútreiðslujáttanin verður hækkað.

Viðmerkingar

7.23.1.07. Ymsar felagsútreiðslur (Rakstrarjáttan)

Ein deyvur næmingur byrjaði á HF á Føroya Studentaskúla og HF-skeiði í august 1999. Eykajáttan fyri 1999, kr.175.000, varð fingin til endamálið á heysti 1999. Skúlagongdin verður væntandi tvey ár afturat. Árligu útreiðslurnar til hesa tulkatænastu eru mettar til kr. 350.000 fyri hvørt skúlaárið, og merkir hetta kr. 350.000 í fíggjarárinum 2000 og kr. 350.000 í fíggjarárinum 2001. Á fyrstu eykajáttanarlógini í ár vórðu bert játtaðar kr. 263.000, tí verður her søkt um írestandi upphædd, kr. 87.000.

Sundurgreinað ætlan

 7.23.2. Fólkaskúlin v.m.

7.23.2.01. Fólkaskúlin (Rakstrarjáttan)
Játtanin til fólkaskúlan verður minkað við kr. 6.112.000.

Spardar vóru kr. 7.812.000 í sambandi við læraraverkfallið í vár.

Útreiðslunar til fólkaskúlan koma annars at verða kr. 1.700.000 hægri, enn mett er á fíggjarlógini, og stavar henda eyka útreiðsla frá øktum virksemi til telduvarðaútbúgving, ráðleggingarvirksemi, skúlavegleiðing og meira tíð til flokslæraraarbeiði.

Sundurgreinað ætlan

7.23.2.07. Læraraeftirlønir (Lógarbundin játtan)
Eftir at umsókn um eykajáttanarløgtingslóg var send í vár, fekk Undirvísingar- og mentamálastýrið aftur skriv um javnføring av tænastumannaeftirlønum. Útrokningar vísa, at upphæddin til læraraeftirlønir skal vera kr 1.000.000 hægri.

Sundurgreinað ætlan

7.23.3. Miðnámsútbúgvingar

7.23.3.14. Studningur til lærupláss (Lógarbundin játtan)
Neyðugt er at hækka studningin til lærupláss munandi orsakað av stóru tilgongdini av næmingum í 1999 og aftur í 2000. Næmingatalið er hækkað frá 180 í 1998 til 241 í 1999.

Sundurgreinað ætlan

7.23.6.02 Føroya Sjómansskúli (Løgujáttan)
Umsóknin skyldast prís- og lønarvøkstrinum, sum hevur verið, síðan arbeiðssáttmálarnir vórðu undirskrivaðir í febr. 1999.
Lønar- og prísvøksturin er fyri ein part staðfestur við rokningum frá arbeiðstakaranum og fyri ein part mettur út frá vísitølum, og er hann tilsamans uml. 3,7% av byggiútreiðslunum.

Sundurgreinað ætlan

7.23.6.13. Lærararskúlin (Rakstrarjáttan)
Skúlin rekur skeiðvirksemi sum inntøkufíggjað virksemi, og tí er raksturin dagførdur við hesum. Talan er um nýtt skeiðvirksemi fyri dagrøktarum, serliga hjá Havnar kommunu og annars kring landið.

Sundurgreinað ætlan

7.23.6.16. Fróðskaparsetur Føroya (Rakstrarjáttan)
Í sambandi við umskipanina av Jarðfrøðisavninum varð avgjørt, at játtanin til Fróðskaparsetur Føroya (Náttúruvísindadeildina) verður hækkað við 1 mió. kr. Endamálið er at menna og byggja upp undirvísing og gransking innan jarðalisfrøði og jarðfrøði. Framtíðar samstarvið millum Jarðfrøðisavnið og Nattúruvísindadeildina á Fróðskaparsetrinum verður tryggjað við samstarvsavtalu. Í 2000 verður tó ikki neyðugt við meir enn 0,5 mió. kr.
Fróðskaparsetur Føroya hevur inntøkufíggjaðar verkætlanir, tí er játtanin dagførd við inntøkufíggjaðum virksemi. Talan er um fleiri granskingarætlanir, fíggjaðar við peningi uttanífrá. Í løtuni eru verkætlanir við fígging frá donskum granskingarráðum, oljufeløgum, stovnum og øðrum.

Sundurgreinað ætlan

7.23.6.17. Biofar (Rakstrarjáttan)
Biofar hevur inntøkufíggjaðar verkætlanir, tí er játtanin dagførd við inntøkufíggjaðum virksemi. Biofar átekur sær fleiri og fleiri verkætlanir, serliga fyri olju- og alivinnuna, ið umbiðarar sjálvir fíggja.

Sundurgreinað ætlan

7.23.6.19. Granskingarætlanir
Játtanirnar til ávíkavist verkætlanina Økismenningargransking og verkætlanina, sum skal lýsa grundarlagið undir einum økismenningarpolitikki, eru fluttar til serstaka rakstrarjáttan.

Sundurgreinað ætlan

7.23.6.23. Ymiskar verkætlanir (Rakstrarjáttan)(Nýggj høvuðskonto)
Játtanin verður brúkt til ávísar verkætlanir í stýrinum.

Undirkonto 7.23.6.23.21 er játtan til verkætlanina Økismenningargransking. Játtanin til hesa verkætlan er hækkað við ónýttari játtan, kr. 480.000 frá 1999. Hetta, tí at verkætlanin kom so seint í gongd í 1999, at byrjunarútreiðslur, ið ætlaðar vóru at vera í 1999, ikki komu fyrr enn í 2000. Verkætlanin verður eisini fíggjað við inntøkum frá kommunum og øðrum. Játtanin var við ársbyrjan sett av á 7.23.6.19 Granskingarætlanir, og er hervið flutt til serligt rakstrarstað.

Undirkonto 7.23.6.23.22 er upprunaliga játtanin til verkætlanina, sum skal lýsa grundarlagið undir einum økismenningarpolitikki.
Við ársbyrjan vóru játtaðar 500.000 kr. til eina ítøkiliga verkætlan, sum skal lýsa grundarlagið undir einum økismenningarpolitikki, sum støða skuldi takast til á ólavsøku 2000. Verkætlanin skal taka støði í eini røð av ábótum á størru økini kring landið við atliti m.a. til trygg viðurskifti, samferðslukervi, aldursbýti og íbúgvasamanseting annars, almenn/privat arbeiðspláss, vinnulig kor, nýggjar vinnur, góða útbúgving, samanhildið við avmarkandi, almennum skrivstovuveldi. Játtanin var við ársbyrjan sett av á 7.23.6.19 Granskingarætlanir, og er hervið flutt til serligt rakstrarstað.

Verkætlanin byrjaði ikki fyrr enn í juni 2000 og verður tí væntandi ikki liðug fyrr enn við árslok í ár.

Sundurgreinað ætlan

7.23.6.26. Havfrøðiliga royndarstøðin – Biofar (Løgujáttan)
Verandi arbeiðshølir hjá Biofar í Kaldbak lúka ikki treytirnar hjá Arbeiðseftirlitinum til handfaring av heilsuskaðiligum evnum og reglugerð hjá Brunaumsjón Landsins um eldfiman løg. Neyðugt er tí at gera bráðneyðugar hølisbroytingar í høllini í Kaldbak fyri at lúka omanfyri settu treytir.

Sundurgreinað ætlan

7.24.3.13. Føroya náttúrugripasavn (Rakstrarjáttan)
Játtanin er lækkað, tí Jarðfrøðisavnið er flutt av grein 7 til grein 9 Oljumál o.a.

Sundurgreinað ætlan