Eykajáttan

A. Upprunauppskot
B. Tikið aftur

Ár 2002, 11. mars, legði Karsten Hansen, landsstýrismaður, vegna landsstýrið fram soljóðandi  

Hjálagt er næsta uppskot landsstýrisins til eykajáttanarlóg í fíggjarárinum 2002.

Samlaði kostnaðurin av hesum uppskoti til eykajáttanarlóg er 2.450 tús. kr.

Eykajáttanirnar kunnu eisini greinast soleiðis:

• Onnur játtan…………………………….. 1.300 tús. kr.
• Landsfyritøka…………………………… 1.150 tús. kr.

Íalt …………………………………………. 2.450 tús. kr.

Høvuðsyvirlit

A. Yvirlit

Játtanaryvirlit

B. Játtanir

6.38.3.01. Postverk Føroya (Landsfyritøka)
Um so er, at peningur verður játtaður til blaðútbering í Føroyum soleiðis, at privatir bera tíðindabløð út um kvøldið, missir postverkið eina inntøku upp á umleið 1,15 mió kr. í ár. Mælt verður til at játta postverkinum hesa upphædd.

Uppgerð av nettotølum:

Sundurgreining av rakstrarnettotølum

Sundurgreinað ætlan

Starvsfólkayvirlit: 20. Vanligt virksemi

6.38.3.02. Blaðútbering (Nýggj høvuðskonta)

Mælt verður til at játta 1,3 mió kr., til tess at stuðla blaðútbering í Føroyum. Játtanin skal tryggja, at bløðini verða borin út til so stóran part av haldarunum sum gjørligt um kvøldið.

Alsamt harðari kapping er millum prentaðu og loftbornu miðlarnar, sum merkir, at dagbløðini leggja stóran dent á at koma sum skjótast út til lesararnar, eftir at blaðið er prentað. Bløðini eru av tí fatan, at skal teimum vera lív lagað, er neyðugt, at bløðini so vítt tilber verða borin út til haldararnar sama kvøld, sum tey verða prentað, og er tí eitt felag stovnað, sum skipar kvøldútbering í Havn.

Bløðini hava kannað møguleikan fyri at fáa Postverkið at skipa fyri kvøldútbering, men verður hetta ov kostnaðarmikið vegna sáttmálabundnar lønarútreiðslur.

Í fyrstu syftu verður skipanin eftir ætlan henda:

• Í teimum størru bygdunum og býunum (tó undantikið Suðuroy) skipa privatir blaðútberarar fyri kvøldútbering hvørt kvøld.
• Í allari Suðuroynni og í teimum minnu bygdunum (tó undantikið útoyggjar) verða bløðini borin út við morgunpostinum 4 dagar um vikuna (Postverk Føroya), og leygardagsbløðini verða borin út fríggjakvøld (privatir blaðútberarar).
• Á útoyggjunum verða bløðini borin út við postinum allar postútberingardagar. Tó verður leygardagsblaðið borið út leygardag, har ferðasambandið loyvir tí.

Skipanin verður sett í verk stigvíst, og verður miðað eftir, at øll skipanin virkar frá 1. juni 2002. Árligi kostnaðurin fyri skipanina verður mettur til 1,9 mió kr. Møguleiki er fyri at víðka skipanina í framtíðini, so kvøldútbering verður á øllum plássum. Hetta fer tó at krevja eina munandi hægri játtan. Viðmerkjast skal, at um skipanin verður sett í verk, fer postverkið at missa umleið 1,15 mió kr. í inntøkum í ár.

Eftir ætlan skulu tíðindabløð hava møguleika at søkja um stuðul til blaðútbering. Talan skal verða um bløð við almennum tíðindatilfari, sum koma út í minsta lagi seks ferðir í hvørjum ársfjórðingi, og hava í minsta lagi 200 haldarar, eins og ásett er í kunngerð nr. 134 frá 11. oktober 2001 um postgjøld. Lógarheimild skal fáast til vega fyri stuðlinum.

Sundurgreinað ætlan

Tórshavn 7. mars 2002.

Føroya Løgting
Erling Jalsgøta 6
Postboks 208
110 Tórshavn
Stílað: Finnboga Ísaksyni, løgtingsformanni

Vísandi til grein 54, 2. stk. í Tingskipan Føroya Løgtings viðmæla undirritaðu tingmenn, at hjálagda uppskot til eykajáttanarlóg fyri mars 2002 - 4 kann koma til viðgerðar. 

Á tingfundi 13. mars 2002 boðaði formaðurin frá, at Karsten Hansen, landsstýrismaður, hevur tikið málið aftur.