1.10.1.01. Løgtingsmenn (Rakstrarjáttan)

Játtanin verður nýtt til at gjalda løgtingsmonnum samsýning, vistarhald v.m. sambært Ll. nr. 11 frá 8. januar 1993 við seinni broytingum um samsýning og eftirløn løgtingsmanna v.m. Játtanin verður eisini nýtt til at gjalda ymsar útreiðslur í sambandi við løgtingsarbeiðið. (Ferða- og dagpening uttanlands, kanning av 80´unum og møguliga aðrar kanningar, útnorðurráðið og norðurlandaráðið).

Virksemisyvirlit

1.10.1.02. Eftirløn og bíðiløn til løgtingsmenn (Lógarbundin játtan)

Játtanin verður nýtt til at gjalda løgtingsmonnum eftirløn og bíðiløn (Ll. nr. 11 frá 8. januar 1993 við seinni broytingum um samsýning og eftirløn løgtingsmanna v.m.) og tænastumonnum á Løgtingskrivstovuni. Í løtini fáa 4 fyrrverandi tingmenn eftirløn, 4 fáa hjúnafelagaeftirløn og eitt embætisfólk. Bíðiløn verður goldin í 4 mánaðir, tá løgtingmaður leggur frá sær ella ikki verður afturvaldur Vanliga eru bert útreiðslur til bíðiløn í sambandi við løgtingsval. Upphæddin er seinastu árini tikin við undir lønir til løgtingsmenn.

1.10.1.04. Løgtingsskrivstovan (Rakstrarjáttan)

Løgtingsskrivstovan er ætlað at vera skrivstova hjá Løgtingi og løgtingsmonnum.

Hetta merkir, at Løgtingsskrivstovan tekur sær av hesum uppgávum:

-Avgreiðsluskrivstova

-Fyrisiting

-Tænastuveitingum til tingarbeiði

-Løgtingstíðindum

-Reka og halda ognirnar tinghúsið og Gamla apotekið viðlíka.

Virksemisyvirlit

1.10.1.07. Viðlíkahald (Rakstrarjáttan)

Virksemisyvirlit

1.10.1.10. Nýggjur bygningur til Føroya Løgting (Rakstrarjáttan)

Játtað verður 1,5 mió. kr. til projektering av nýggjum løgtingshúsi. Projektarbeiðið er framhald av arkitektakappingini, sum var í 1998, um nýggjan býgning til Føroya Løgting.

1.10.2.01. Grannskoðanardeild Landskassans (Rakstrarjáttan)

Reglurnar fyri Grannskoðanardeild Landskassans eru ikki lógarfestar, men eru ásettar av landsstýrinum í reglugerð frá 9. juni 1976 fyri Internu grannskoðanardeild landskassans. Sambært reglugerðini verða landskassans roknskapur og bókføring grannskoðað av internu grannskoðanardeild landskassans, sum er ein sjálvstøðugur stovnur, ið Løgtingsins ríkisgóðkendi grannskoðari hevur eftirlit við, og arbeiðsøki stovnsins er tann "landskassabókføring, sum verður førd og umsitin av Føroya Gjaldstovu."

Í reglugerðini er eisini ásett, at "teir stovnar, sum hava sjálvstøðuga bókføring og roknskap, koma ikki undir grannskoðan av grannskoðanardeildini". Her er talan um stovnar/grunnar so sum sjúkrahúsini, Postverkið, Apoteksverkið, Strandferðslan, Ídnaðargrunnurin, Jarðargrunnurin, Útvarpið, Sjónvarpið o.a., sum verða grannskoðaðir av privatum grannskoðarum.

Sambært siðvenju virkar stjórin á grannskoðanardeildini eisini sum skrivari hjá løgtingsgrannskoðarunum. Í løgtingslóg nr. 16 frá 26. apríl 1965 "um grannskoðan av landsins almennu roknskapum" og í løgtingsins reglugerð um val og virki løgtingsgrannskoðaranna frá 27. mars 1985, eru ásettar neyvari reglur um arbeiðsøki og heimildir løgtingsgrannskoðaranna í sambandi við grannskoðan og løgtingsins góðkenning av almennum roknskapum. Í lógini er m.a. ásett, at løgtingsgrannskoðararnir kunnu taka váttanir o.t. frá roknskapargrannskoðanini sum nóg gott prógv.

Løgtingslóg nr. 16 frá 26. apríl 1965 um grannskoðan av landsins almennu roknskapum er gjørd við "Lov om statsrevisorerne" sum fyrimynd. Lógin fevnir tí einans um reglur, heimildir og krøv, sum viðvíkja arbeiðinum hjá løgtingsgrannskoðarunum - ikki um roknskapargrannskoðanarreglur, sum í Danmark eisini eru lógarfestar.

Løgtingsgrannskoðararnir, fíggjarnevndin, grannskoðanardeildin og privata grannskoðanin hava víst á, at tørvur er á tíðarhóskandi og greiðari reglum á hesum øki, tí ivi er um fleiri grundleggjandi viðurskifti, so sum krøv um grannskoðanina, heimildir, arbeiðsøki og uppgávur, ábyrgd og skyldur, tíðarfreistir, fráboðan, samskifti og samstarv við løgtingsgrannskoðararnar, ta eksternu grannskoðanina, landsstýrið, løgtingið og fíggjarnevndina.

Lógaruppskot um umskipan av grannskoðanini eru áður løgd fyri tingið, men hesi duttu burtur, tá val varð útskrivað í 1994. Løgtingsgrannskoðarar hava síðani viðgjørt spurningin um umskipan av grannskoðanini av nýggjum saman við grannskoðanardeildini, og væntandi verður eitt lógaruppskot um grannskoðan lagt fyri løgtingið av nýggjum í 1998. Mett verður ikki, at hetta fær nakra fíggjarliga ávirkan á virksemið á grannskoðanardeildini framyvir.

Virksemisyvirlit

Grannskoðanardeild Landskassans hevur til endamáls at grannskoða landsroknskapin, sum fevnir um inntøkur og útreiðslur á fíggjarlógini umframt ogn og skuld landskassans. Harumframt fyrireikar og avgreiðir grannskoðanardeildin mál vegna løgtingsgrannskoðararnar. Grannskoðanin er løgd soleiðis til rættis, at ymisk øki og ymiskir stovnar við ávísum millumbilum verða grannskoðað, og farið verður út á stovnar/deildir , har t.d. roknskapar- og lønarviðurskifti og mannagongdir viðvíkjandi umsiting av lóggávu og játtanum verða kannað. Aðrar meira tvørgangandi uppgávur eru t.d. játtanareftirlit, lønargrannskoðan, edv-grannskoðan og gjøgnumgongd av statuspostum, avstemmingum v.m. Harumframt er grannskoðanardeildin í ávísan mun við í arbeiði, ella ummælir reglur og ásetingar, viðvíkjandi eftirlits-, grannskoðanar-, játtanar- og roknskaparviðurskiftum. Á toll- og skattaøkinum er avtalað, at grannskoðanardeildin skal vera við til at fyriskipa arbeiðið hjá innanhýsis eftirlitsdeildini.

1.10.2.04. Uttanvirkis grannskoðan (Rakstrarjáttan)

Játtanin á hesum rakstrarastað er til mettar útreiðslur av teimum uppgávum, ið eru álagdar Løgtingsins ríkisgóðkenda grannskoðara, sum er P/F Grannskoðaravirkið INPACT, sambært reglugerð Landsstýrisins frá 9. juni 1976 fyri Internu grannskoðanardeild landskassans.

Sambært reglugerðini hevur Løgtingsins ríkisgóðkendi grannskoðari eftirlit við Grannskoðanardeildini, og verður hetta m.a. gjørt við regluligum fundum, og harumframt verður arbeiðið við ársfrágreiðingum fyri fíggjarár gjørt saman við eksterna grannskoðaranum.

1.10.2.07. Løgtingsins umboðsmaður (Rakstrarjáttan)