2.11.1.02. Løgmansskrivstovan (Rakstrarjáttan)

Løgmansskrivstovan røkir tær uppgávur, sum løgmanni og landsstýrismanninum í sjálvsstýrismálum, løgmálum og norðurlandamálum eru tillutaðar sambært stýrisskipanini og uppgávur, sum hoyra til embætini, sambært málsbýtið landsstýrisins.

Høvuðsuppgávurnar hjá Løgmansskrivstovuni eru:

• at ráðgeva løgmanni, hvørs málsøki eru stýrisskipan, uttanríkismál, kommunumál og fyrisiting, og landsstýrismanninum í sjálvsstýrismálum, løgmálum og norðurlandamálum
• at umsita tey málsøki, sum eru løgd til løgmann og landsstýrismannin í sjálvsstýrismálum, løgmálum og norðurlandamálum
• samskipandi virksemi millum aðalstýrini
• at loysa tvørgangandi arbeiðsuppávur og standa fyri tvørgangandi verkætlanum, sum ikki nátúrligt hoyra til eitt ávíst aðalstýri.

Málsøkini kunnu greinast soleiðis:

• Eftirkanning av lógaruppskotum og kunngerðum, løgfrøðilig responsa, ráðgeving, stýrisskipanarviðurskifti, ríkislógir, sum ikki hoyra til annað stýri, lógarmál og kommunumál.
• Samskipandi virksemi millum aðalstýrini, uttanlandsmál so sum millumlandaviðurskifti, ríkisfelagsskapurin, norðurlandamál, millumlandasamráðingar og millumlandafelagsskapir. Harumframt umboðanarmál, sum fevnir um vitjanir av útlendskum stjórnarumboðum, móttøkur og annað.
• Menningartiltøk so sum starvsfólkapolitikkur, dygdarleiðsla, nýskipan innan almenna bygnaðin, skeiðvirksemi, norðurlendskt tænastumannaumbýti og kunningarpolitikkur.

Løgmansskrivstovan er skipað við 3 deildum: Løgdeild, uttanlandsdeild og nýskipanardeild og 2 tænastueindum: Umsiting og løgmansritara.

Víst verður á, at sjálvsstýrismál eisini hava sjálvstøðuga rakstrarjáttan.

Undirkonto 21. Nýskipan og 23. Nevndir eru lagdar undir vanligt virksemi undirkonto 20.

2.11.1.11. Flyting av almennum stovnum (Løgujáttan)

2.11.1.12. Viðlíkahald (Rakstrarjáttan)

Endamálið við hesi rakstrarjáttan er at halda landsins ognir í Tinganesi og úti á Reyni viðlíka.

Virksemisyvirlit

2.11.1.21. Umbygging í Tinganesi (Løgujáttan)

Løgujáttanin verður nýtt til at innrætta og umvæla Skansapakkhúsini. Ætlanin er at væla um húsini í 3 stigum, har 1. stigið partvíst varð framt í 1998. Ætlanin er at gera stig 1 og 2 liðugt í 1999. Um peningur er tøkur, verður byrjað uppá stig 3.

• Stig 1 fevnir um rúm til tíðindafólk, kantinu og stovurnar hjá løgmanni.
• Stig 2 fevnir um miðhædd og trappir
• Stig 3 fevnir um loftið og fundarhølið til landsstýrismenn.

Í sambandi við at Løgmansskrivstovan er endaliga skipað, og aðalstýrini eru flutt úr Tinganesi (ella eru í ferð við at flyta) er neyðugt við hesum broytingum. Húsini eru ótíðarhóskandi og treingja harðliga til eina ábøtandi hond. Sum dømi verður víst á, at sum er, er ofta neyðugt at brúka skrivstovuna hjá løgmanni til móttøkur vegna plásstrot, og tað sjálvt um alt fleiri móttøkur eru.

2.12.3.01. Løgmaður og landsstýrið (Rakstrarjáttan)

Játtanin er til at gjalda løgmanni og landsstýrismonnum samsýning fyri løn, borðfæ og vistarhald v.m. sambært lóg nr. 10 frá 8. januar 1993 um samsýning og eftirlønir landsstýrismanna v.m.

Útreiðslujáttanin hækkaði í 1998 orsakað av vali. Sambært løgtingslóg um samsýning og eftirløn landsstýrismanna v.m. hevur landsstýrismaður rætt til landsstýrismannasamsýning í ávíkavist 3 og 6 mánaðir, tá ið hann fer frá. Fíggjarlógaruppskotið fyri 1999 er ávirkað av, at núverandi samgonga hevur 1 landsstýrismann meira enn fyrrverandi, samstundis sum ávísar justeringar eru millum standardkonto 11. og 14.

2.13.1.01. Viðskiftastovur (Rakstrarjáttan)

Viðskiftastovurnar liggja umsitingarliga undir Løgmansskrivstovuni og eru umboðsstovur landsstýrisins í øðrum londum. Føroyar hava 3 viðskiftastovur:

• Viðskiftastovan í Keypmannahavn, ið virkar eftir kunngerð nr. 62 frá 2. august 1979.
• Viðskiftastovan í Aberdeen, ið formliga er partur av donsku sendistovuni í London.
• Viðskiftastovan í Bruxelles, ið virkar tætt saman við donsku umboðsstovuni í Bruxelles.

Viðskiftastovurnar umboða landsstýrið uttanlands. Tær skulu í høvuðsheitum veita hesar tænastur:

• Veita upplýsingar og leiðbeining til landsstýrið um viðurskifti í øðrum londum.
• Virka fyri at fremja føroyskan útflutning og ráðgeva í vinnuligum spurningum.
• Vera føroyskum myndugleikum, virkjum o.ø. til hjálpar í viðskiftum úteftir.
• Eftir tørvi og førimuni at veita útlendingum upplýsingar um Føroyar.

2.13.2.01. Norðurlandasamstarv, ráðharraráð (Rakstrarjáttan)

Játtanin er til at veita endurgjald fyri ferðir hjá landsstýrismonnum og embætisfólki uttanlands á fundir, sum verða hildnir í Norðurlandaráðshøpi. Endurgjaldið verður veitt sambært avtalu millum landsstýrið og Tænastumannafelag landsins um endurgjald fyri ferðir uttanlands. Norðurlandaráðharraráðið veitir á hvørjum ári stuðul til endamálið.

Játtanin var upprunaliga ætlað til ymisk tiltøk, sum kunnu gagna menningarlondum. Løgmansskrivstovan er í ferð við at kanna, hvussu hesin peningur verður best nýttur.

2.14.1.01. Ymsar útreiðslur (Rakstrarjáttan)

Endamálið er at geva út Kunngerðasavn, Kunngerðablaðið og Lógarsavn.

Játtanin til lógarsavn fevnir um framhald av Lógbók fyri Føroyar, við atliti til stovnsetan og rakstur av elektroniskari lógdátabasu, partvís sum fløga hvønn árshelming, partvís á internetinum. Játtanin fyri 1999 skal nýtast til at seta á stovn dátabasu. Tað snýr seg fyrst og fremst um stovnanina (tvs. tað arbeiði, ið skal fremjast av edv-fyritøku) eins og tað verkliga, ritstjórnarliga og løgfrøðiliga arbeiði við at stovna og reka dátabasuna. Arbeiðið fevnir harafturat um at tilvega neyðugu leitiorðini bæði á føroyskum og donskum.

Lógdátabasan, ið er í uppskoti, er grundað á Lógbók fyri Føroyar, men skal framyvir fevna um alt, ið verður prentað í Løgtingstíðindum og Kunngerðablaðnum.

Møguleikar eru eisini seinni, um ynski er frammi um hetta, at útbyggja basuna til at fevna um m.a. fyrisitingarligar ásetanir, eins og ymsar sáttmálar.

Dóms- og løgreglumál og útreiðslur av vali verður eisini rindað av hesi játtan.

2.14.2.01. Skrásetingareftirlitið (Rakstrarjáttan)

Skrásetingareftirlitið er sett og arbeiðir við heimild í løgtingslóg um almennar skráir og løgtingslóg um privatar skráir.

Skrásetingareftirlitið er skipað við ráði (nevnd) og avgreiðsluskrivstovu.

Skrásetingareftirlitið hevur eftirlit við teimum skráum, sum lógin fevnir um. Hetta merkir, at Skrásetingareftirlitið skal

4. og viðgera kærur um skrásetingar.

2.14.2.04. Landsfólkayvirlitið (Rakstrarjáttan)

Landsfólkayvirlitið útinnir sínar uppgávur sambært løgtingslóg nr. 86 frá 1. juni 1982 um fólkayvirlit og kunngerð nr. 95 frá 13. juli 1982 um fólkayvirlit. Verandi lóggáva ásetur, at eitt landsfólkayvirlit skal førast. Uppgávan hjá Landssfólkayvirlitinum er millum annað at skráseta og goyma hesar upplýsingar um fólk:

• Navn
• Yrki
• Bústaður, uttan so at hesin er vardur

Somuleiðis hevur Landsfólkayvirlitið fingið heimild at geva hvørjum fólki eitt persónsnummar.

Við omanfyri nevndu upplýsingum sum grundarlagi, veita Landsfólkayvirlitið (og kommunalu fólkayvirlitini) privatum fólki, felagsskapum, vinnulívinum og almennum stovnum tænastur.

2.14.3.01. Hin Føroyski Happadrátturin (Lógarbundin játtan)

Føroyski Happadrátturin verður rikin eftir løgtingslóg nr. 49 frá 15. juni 1950 við seinni broytingum.

Játtanin verður nýtt til at inntøkuføra yvirskot av happadráttinum, fyri síðani at útgjalda hetta sambært § 1, f) í løgtingslóg nr. 49 frá 15. juni 1950 við seinni broytingum. Yvirskotið aftaná rakstur verður býtt soleiðis: 1/3 verður latin ÍSF og 2/3 verða settir í "Grunnur ætlaður brekaðum".

2.14.3.04. Hin Føroyski Happadrátturin (Rakstrarjáttan)

Reglurnar fyri happadráttin eru ásettar í kunngerð nr. 134 frá 30. oktober 1990 um reglur fyri happadrátt.

Játtanin verður nýtt til raksturin av happadráttinum.

2.16.1.01. Kommununevndin (Rakstrarjáttan)

Í 1995 varð kommununevndin sett við tí endamálið at gera uppskot til nýggjan kommunalan bygnað. Nevndin legði álit fram í 1998, og arbeiðið hjá kommununevndini er sostatt liðugt.

2.16.1.02. Arbeiði av nýggjum kommunubygnaði (Rakstrarjáttan)

Játtanin verður nýtt til arbeiði at skipa nýggjan kommunubygnað. Víst verður til álitið um nýggja kommunala skipan, sum júst er handað løgmanni av kommununevndini.

Kommunal útskiftingarlán. Hesi lán eru veitt komununum til fígging av útreiðslum í sambandi við útskifting og matrikulering.

Lán úr Kommunala lánigrunninum. Hesi lán eru veitt kommununum til fígging av keypi av lendi til sethúsaøkir, byggibúning av sethúsaøkjum, útstykking, vegagerð og kloaklegging.

2.17.1.01. Sjálvsstýrismálaskrivstovan (Rakstrarjáttan)

Sjálvsstýrismál er nýtt málsøki í landsstýrinum.

Endamálið er at greina út og gera fyrireikingar til tess at skipa Føroyar sum fullveldi sambært málsetninginum hjá landsstýrissamgonguni. Høvuðsuppgávurnar eru:

• at útgreina og gera uppskot til ein nýggjan sáttmála millum Danmark og Føroyar
• at útgreina og gera uppskot til búskaparliga uppgerð og skiftisskipan millum Føroyar og Danmark
• at fyrireika samráðingar við donsku stjórnina um sáttmála
• at skipa fyri arbeiðnum at gera grundlóg fyri Føroyar
• at útgreina lóggávutørv, umsitingarligan tørv og fíggjarligan tørv innan tey málsøki, sum Føroyar ikki umsita í dag
• at skipa fyri upplýsing í sambandi við ætlaðu broytingarnar og komandi fólkaatkvøður

Arbeiðið er mett at vara umleið 2 ár.

Ætlanin er eisini at skipa fyri eini ráðstevnu um smátjóðir í samstarvi við Fróðskaparsetur Føroya.