Játtanin er ætlað til:

• tiltøk at verja umhvørvið
• umhvørviseftiransing
• kommunalt umhvørvisarbeiði
• aðrar umhvørvisætlanir

Fleiri av hesum verkætlanum eru liðir í norðurlendskum ætlanum og fáa fígging frá Norðurlendska ráðharraráðnum. Treytin fyri hesum studningini er tó vanliga, at ein ávísur partur verður fíggjaður úr Føroyum.

Partur av játtanini kann verða nýttur til umhvørvistiltøk hjá kommunum og privatum, samb. reglugerð fyri játtanini til umhvørvistiltøk frá 11. oktober 1994. Stuðulin verður játtaður eftir umsókn, og sundurgreinaða ætlanin er bert vegleiðandi.

6.30.1.07. Náttúrufriðingarnevndir (Rakstrarjáttan)

Náttúrufriðingarnevndirnar (herímillum Yvirfriðingarnevndin) eru settar sambært løgtingslóg nr. 48 frá 9.7.1970 og skulu eftir lógini geva loyvir til at byggja uttangarðs, undir ávísum umstøðum innangarðs, at taka mold burtur og til vegagerð v.m.

Játtanin er ætlað til lønir, samsýningar, ferða- og dagpening, v.m. í sambandi við arbeiðið í nevndunum.

Tollmyndugleikarnir uppkrevja eftir løgtingslóg nr. 75 frá 13. mai 1992 1 kr. fyri hvønn litur av smyrjiolju, sum verður fluttur til Føroya.

Gjaldið er ætlað til at fíggja kostnaðin av at savna inn og viðgera spilloljuna, soleiðis at hon ikki dálkar náttúruna.

Landsstýrið hevur eftir § 3 í lógini gjørt avtalu við ROY-IRF um at savna inn og reinsa spillolju, og er játtanin ætlað til at gjalda ROY-IRF fyri hetta arbeiðið sambært avtaluni.

Nýggj avtala við ROY-IRF er gjørd í 1998.