Forseti Norðurlandaráðsins, svenska tingkvinnan Heléne Bjørklund, var gestur í Løgtinginum á ólavsøku. Saman við stjóra Norðurlandaráðsins, Kristinu Háfoss, var hon við sum áhoyrari, tá løgtingsforkvinnan, setti nýggju tingsetuna og løgmaður helt árligu ólavsøkurøðu sína.

Forsetin fekk síðani høvi at hitta løgtingsforkvinnuna og løgmann. Forseti Norðurlandaráðsins hevði eisini óformligan fund við umboðini hjá Løgtinginum í Norðurlandaráðnum, Høgna Hoydal og Johan Dahl, umframt Bjarna K. Petersen, samstarvsráðharra.

Seinastu árini hava fleiri norðurlandaráðsforsetar vitjað Løgtingið á ólavsøku.

Mynd: Helené Bjørklund, forseti Norðurlandaráðsins og Kristina Háfoss, stjóri í Norðurlandaráðnum, heilsa uppá Elsebeth Mercedis Gunnleygsdóttir, løgtingskvinnu. 

Myndir: Gwenael Akira Helmsdal Carré