Ólavsøkudag setti løgtingsformaðurin, Johan Dahl, Løgtingið. 

Sambært § 10, stk.1 í Stýrisskipanarlógini byrjar tingsetan ólavsøkudag og heldur fram til ólavsøkudag árið eftir. Ásett er í stk. 3, at tingið verður sett ólavsøkudag kl.13.00.

Fyrsti tingfundur er settur at verða 3. august kl.10.00. Tá verður aðalorðaskifti um frágreiðing løgmans á ólavsøku 2026. Næst á skrá er val av tveimum limum og tveimum varalimum í Norðurlandaráðið og at enda verður framløga.

Niðanfyri eru myndir frá degnum, sum myndamaðurin Gwenael Akira Helmsdal Carré hevur tikið. 

Mynd: Johan Dahl, løgtingsformaður. 

Mynd: Beinir Johannesen, løgmaður.


Mynd: Formansskapurin í Løgtinginum. Jóhannis Joensen, Hervør Pálsdóttir, Johan Dahl og Elsebeth Mercedis Gunnleygsdóttur.  

Mynd: Skrúðgongan við bispi, løgtingsformanninum og løgmanni fremst, á veg aftur í Løgtingið eftir gudstænastuna í Havnar kirkju.